My 'own' Creation

[Nooria]

"Wapsi"
Woh Lerki
Ju Na Jane Kab Se Tumhari Muntazir thi
Akhari baar muj se us ne yeh kaha tha
Loat k koun ata hay
palat k koun aye ga
Phir bhi gar kabhi bhool k aa jaye
Tu usay bass itna keh dena
Jisey tum yahin kaheen chor gaye the
Woh un rahon pe akhiri dum tak bhatakti rahi hai
Jin se gaye howon k loat ane ka imkaan rehta hay
Phir us ne khali raah ko bhari ankhon se dekha
Aur yeh jante hoye bhi
K Uska jawab mere paas nahi
Mujh Se aik Sawal Kia
Maine logon k qaflay palat'tay dekhe hain
Tu Phir Mera Humsafer Kuon Lout Ker Nahin aya..?
Iss se pehlay k main tassali k do harf kehta
Aik Baar Phir Tootay Hoye Lehje Mein Boli
Suno..!
Main ziada dair us k intzar mein
Jee nahin paaon gi
Uss ka kuch samaan mere paas rekha hay
Agar kabhi woh loat aya tu.....
Itna kehna tha k uss ki jhooli se kuch adhoori duayen
Ankhon se lahasil intezaar k chand ansoo
Aur honthon se tumhara naam zameen pe aa gira
Aur tum ab loat k aye ho
Jab tumhare ane ki aas mein jalti ankhain
Bujh k thandi raakh hoyeen....!!!
NOORIA

[Admin]

Re: My 'own' Creation

First of all welcome on board Nooria aur hamein aap ki takhleeq parh ker achha laga hai. Achha lagta hai jab naey aur talented members apney fan ka mazahira kartey hain - hamein aap sey mazeed ki tawaqoh rahey gi - likhney sey kabhi haath na rokiyey ga aur naii naii inspiration key liyey mutalea jari rakhiyey ga... Allah aap key qalam mein taqat daalein - ameen.