Yeh Thaka Thaka Sa Jo Chand Hai....!!!

[Misbah Baig]

Yeh Thaka Thaka Sa Jo Chand Hai
Yehi Khawab Hai.. Kisi Ankh Ka
Jisay Jagnay Ki Saza Mili
Yeh Jo Chand Hai.. Yeh Azab Hai
Woh Azab Jis Nay Mila Diya Hai

Gulab Lamhon Ko Khak Mein
Yeh Jo Chand Hai.. Yeh Jawab Hai
Kisi Is Tarah Kay Sawal Ka
Kay Jo Aaj Tak Na Utha

Kabhi Kisi Bhi Zehan Mein
Yeh Jo Chand Hai..
Yeh To Baab Hai Kisi Dard Ka
Kisi Hijr Ka, Kisi Wasal Ka
Kisi Zard Zard Si Fasal Ka
Yeh Thaka Thaka Sa Jo Chand Hai
Kabhi Ban Parhay Tou

Yeh Us Say Pooch Kay Dekhna
Isay Gehri Gehri Si Neend Say
Bhala Kis Nay Aa Kay Jaga Diya
Isay Rog Kis Nay Laga Diya?