Bicharney K Baad....!!!

[Misbah Baig]

Toota zaroor hoga bicharne k baad woh
tarpa zaroor hoga bicharne k baad woh

Kehta nahi kisi se magar jante hain hum
roya zaroor hoga bicharne k baad woh

Phaila k apne gird tasaweer aur khatoot
bikhra zaroor hoga bicharne k baad woh

Ratoon ki sayeen sayeen main tanhion k beech
jaga zaroor hoga bicharne k baad woh

Dehleez per purane zamanoo ka muntazir
betha zaroor hoga bicharne k baad woh

Uth'tey qadam humari taraf rukte hoye
uljha zaroor hoga bicharne k bad woh

Her zakham ka ilaaj maseehayi mainn nahi
samjha zaroor hoga bicharne k baad woh

[Soulmate]

Re: Bicharney K Baad....!!!

wow nice poetry
thanks 4 sharing

[thefire1]

Re: Bicharney K Baad....!!!

Wah Baig sahab, bohat achay... kia khush feham andaaz hay iss ghazal ka, yaani shaaer khudh hi tasawur kar raha hay kay bichaRnay kay baad aisa huwa hoga waisa hua hoga... bohat khoob, yeh imagination ki duniya bhi wahan tak poohncha daiti hay jahan tak insaan ki rasayi nahin.... kia andaz hay is ghazal ka bohat khoob, isi tarhan say humain nayay nayay andaz-e-ghazal paish kartay rahain, paRhnay aur sochnay main bohat lutf aata hay :)