Mousam Ki Pehli Barish

[Nooria]

Raat Ne Jalti Tanhai Mein
Andheron K Jaal Bunay The
Deewaron Pe Tareeki Ki Gard Jami Thi
Khushbowon Ka Ehsaas Feeza Mein
Toot Raha Tha
Gher Aangan Khamoshi oorhay
Jaag Raha Tha
Derwaze Bahain Phela'aye
Oongh Rahe The
Door Samander Per Hawayen Badalon Se
Batain Kerti Theen
Aise Mein Aik Neend Ka Jhonka
Laher Bana Aur Guzer Gaya
Phir Aankh Khuli Tu
Is Mousam Ki Pehli Barish
Aur Teri Yaadain
Donon Mil Ker
Toot Ker Berseen

[Tanha Hassan]

Re: Mousam Ki Pehli Barish

buth he khooob

[thefire1]

Re: Mousam Ki Pehli Barish

Wah bohat hi achi nazm paish ki hay aap nay, taweel intizaar kay baad mousam ki pehli baarish main ankhoon ka barasna aik bohat hi aam amr hay... khudh ba khudh aankhain gham-e-firaq main behnay lagti hain.... aisa parveen shakir kehti hain :)

Unki aik choti see nazm hay, chand lafz hain magar baRay dilkash, paish karnay ki jasarat kar raha hoon :)

Main Nay Socha
Kay Ussay Phone Karoon
Magar
Usko Bhi tou Pata Tha
Kay Kal
Mousam Ki Pehli Baarish Thi :)