Reh Jaye Ga

[Nooria]

Baykeraan Tanhaion Ka Silsila Reh Jaye Ga
Tere Mere Dermian Bass Ik Hala Reh Jaye ga

Aks Beh Jayen Gaye Sare Dhoop K Saylaab Mein
Aur Koi Paanion Mein Jhaankta Reh Jaye Ga

Mujh Ko Mere Humsafer Aisa Safer Derpaish Hai
Raasta Katt Bhi Gaya Tu Fasla Reh Jaye ga

Loog So Jayen Gaye Khamoshi Ki Chaader Oorh Ker
Chand Sone Aangnon Mein Jaagta Reh Jaye ga

Ju Kabhi Us Ne Parhi Theen Mujh Se Nasir Mang Ker
Naam Mera Un Kitabon Mein Likha Reh Jaye ga

[thefire1]

Re: Reh Jaye Ga

wah wah wah... mehfil loot lee... kaafi ghaour aur tawaju say aap ki post ki hoyee iss ghazal ko paRha aur socha kay kaun sa shaair haasil-e-ghazal hya... yaqeen karain sab hi shaair itnay khoobsurat aur achay hain kay kisi aik ko rate kar kay doosroon kay saath na-insafi hogi... thank you for sharing such a wonderful ghazal with us and keep sharing :) Khush Rahyeh

[Nooria]

Re: Reh Jaye Ga

thefire aapka bohat shukriya k aapko meri share ki hoi ghazal pasand i.God Bless U!