koi to hota

[majid ali qureshi]

koi to hota

main jis k dil ki kitab banta

main jis ki chahat ka khawab banta

main hijar k mosam ki lambi raton main

yad ban kar azab banta

koi to hota!

jo meri khawahishon main

uth k raton ko khoob rota

dukhon ko chadar lapait kar

hajoom-e-dunia se door hota

main rooth jata manata mujh ko

k chahey mera qasoor hota

koi to hota!

main jis k itna qareeb hota

nah pas koi raqeeb hota

main tanha us ka habeeb hota

yeh silsila b ajeeb hota

koi to hota!

koi to hota!

[khan khan]

Re: koi to hota

Umdah.

[majid ali qureshi]

Re: koi to hota

thanx khan khan bhai