Aaj yon mosam ne di

[MindFreak]

Aaj yun mausam ne dee jashn-e-muhabbat ki khabar
Phoot ker rone lage hain mai muhabbat aur tum

Hum ney joon hi ker liya mehsoos manzil hai qareeb
Raastey khone lage hain mai muhabbat aur tum

Chaand ki kirno ne humko is tarah bosa diya
Devta hone lage hain mai muhabbat aur tum

Aaj phir mehroomiyon ki daastane orh ker
Khak mai sone lage hain mai muhabbat aur tum

Kho gaye andaaz bhi awaz bhi alfaz bhi
Khamshi dhone lage hain mai muhabbat aur tum

[MindFreak]

BeWafa

Ek Bewafa Ko Ham Ne Is Dil Men Jaga Di Thi
Khawabon Ki Dunia Apni Us Sey Hi Saja Di Thi

Chaha Tha Us Ko Ham Ne Khud Se Bhi Bahot Barh Kar
Us Chahat Men Ham Ne Ye Hasti Hi Mita Di Thi

Malom Nahi Tha Ham Ko Wo Bewafa Bhi Hoga
Us Per Bharosa Karky Khud KO Hi Saza Di Thi

Socha Tha Sath Mill Kay Katen Gey Zindagi Ko
Us Ne To Aikh Pal Main Har Bat Bohla Dey Thi

Kesa Sitam Hey Dekho Wo Kab Sey Juda Ha Mujh Sey
Apni Zindagi Jis Ka Saya Sa Bana Di Thi
Kia Tha Us Per Bharosa Kiun Had Sey Bharh Kar
Us Ki Jafa Ne Dil Mein Ek Halchal Si Macha Di Thi

[MindFreak]

us ki awaaz mein mojood thi hairat us ki

chup ke alam mein woh tasweer si soorat us ki
bolti hai to badal jati hai rangat us ki
seerhiyan charhte achanak woh mili thi mujh ko
us ki awaaz mein mojood thi hairat us ki
haath chhooloon to laraz jaati hai patte ki tarah
wohi nakarda gunahi pe nadamat us ki
kisi tehri hoi sa-at ki tarah mehar ba lab
mujh se dekhi nahin jati ye aziyat us ki
aankh rakhte ho to us ki aankh ki tehreer parho
moun se iqrar na kerna to hai aadat us ki
khud woh aagosh kushada hai jazeere ki tarah
phele daryaon ki maanand muhabbat us ki
roshni rooh tak aati hai magar chhan chhan ker
sust roo abar ka tukra hai tabeat us ki
hai abhi lams ka ehsas mere honton per
sabat pheli hoi banhon pe harat us ki
woh agar jaa bhi chuki hai to na kholo ankhein
ab be mehsoos kiye jao rafaqat us ki
dil dharakta hai to woh aankh bulati hai mujhe
saans aati hai to milti hai basharat us ki
woh kabhi aankh bhi jhapke to lazar jaata hoon
mujh ko us se bhi ziada hai zaroorat us ki
woh kaheen jan na le rait ka tela hoon mein
mere kandhon pe hai tameer imarat us ki........

[MindFreak]

Gar Tum Paas Hote To...!!!

GAR TUM PAAS HOTE TO,

Karam ki inteha karte,

Tumein palko pe rakhte,

Tumein dil mai basa lete,

Gar tum rooth jate,

Tumein khud he mana lete,

Tumhari laghzishon ko b hansi mai urra dete,

Gar apni khata hoti,

To khud ko he saza dete,

Magar yeh sab jabhi hota,

GAR TUM PAAS HOTE TO...!!!

[MindFreak]

Kaha tha na!

Kaha tha na!

K is tarah mujhe sotey hue mat chor k jana,

Mujhe beshak jaga dena,

Bata dena tumein rasta badalna hai,

Meri had se nikalna hai,

Tumein kis baat ka dar tha?

Tumein jane nhi deti?

Tumein qaid kar leti?

Arey pagal muhabbat ki tabiat mai zabardasti nhi hoti,

Jisse rasta badalna ho,

Ussay rasta badalne se,

Jisse had se nikalna ho ussay had se nikalne se,

Na koi rok paya hai na koi rok paye ga,

Tumein kis bat ka dar tha?

Mujhe beshak jaga dete,

Mai tum ko dekh to leti,

Tumein koi dua deti,

Kam az kam yon to na hota,

Mere sathi haqiqat hai,

Tumhare bad khone ko to ab kuch nhi baqi,

Magar khone se darti hun,

Mai ab sone se darti hun...!!!

[MindFreak]

Tu bdal gya hy!

Kuch to hy
Tu bdal gya hy!

Wo tri ankho k khawab sary

Wo batein sari

Hisab sary

Swal sary

Jwab sary

Wo khushian sari

Azab sary

Nasha tha jo vo uter gya hy!

Kuch to hy

Tu bdal gya hy!

Jo tere milne ki arzo thi

Jo tujh ko pany ki justju thi

Hui jo chahat abi shuro thi

Jo teri ankhon me roshnh thi

Jo teri baton ki ragni thi

Jo teri sanson ki tazgi thi

Jo tere lehjy men chashni thi

Wo sara metha pighal gya hy

Kuch to hy
Tu bdal gya hy!!!

[MindFreak]

Barsoon Baad

Barson k baad daikha shakhs " Dil ruba sa"
Ab zehan main nahi hai par naam tha bhala sa

abro khichay khichay say aankhain jhuki jhuki see
Baatain rukee rukee see lehja thaka thaka sa

Alfaz thay k jugno awa k safar main
Ban jai junglon main jis tarah rasta

Khuwaboon main khuwab us k yaadon main yaad us ki
Neendoon main ghul gaya ho jaisay k ratjaga saa

Pehlay bhi log aaee kitnay hi zindagi main
Wo her tarah say laikin oron say tha juda sa

Aglee muhabbaton nay wo namuradiyaan deen
Taza rafaqaton say dil tha dara dara saa

[MindFreak]

Kuch door humara saath chaloo !

Kuch door hamare saath chalo

Kuch door hamare saath chalo
Hum dil ki kahani kehdein ge
Samjhe na tum jisse aankhon se
Woh baat zubaani kehdein ge

Jo pyar karein ge jaanein ge
Har baat hamari maanein ge
Jo jaley na hon khudh ulfat mein
Woh aag ko paani kehdein ge

Jab pyaas jawan ho jaye gi
Ehsaas ki manzil paye gi
Khamosh rahein ge aur tumhein
Hum apni kahani kehdein ge

Is dil mein zara tum baitho to
Kuch haal hamara poocho to
Hum sada dil hain "haseeb" mager
Har baat poorani kehdein ge

[MindFreak]

Uski Yaad

Usay aisay hi khawaboon main bulata hoon main aksar
Meray is tootay man youn hi behlata hoon main aksar

Merey dunya faqat ab us ki yadain hi too hain naa
Hay yeh tera asasa dil ko samgata hoon main aksar

Khayal aaye jo us ka dil mera bechain hoota hay
Usay khoonay kay dar say rooh tarpata hoon main aksar

Kabhi jhoonka hawa ka day jo dastak merey dar pe to
Tasawar us kay aanay ka banata hoon main aksar

Mugay maloom hay k woo kabhi mera nahe hoga
Yehi ik baat to bas bhool hi jata hoon main aksar

Mugay KHURRAM aqeedat hay jo in andheer ratoon say
Yeh batain in hi ratoon main to keh jata hoon main aksar

__________________

[MindFreak]

Hum bhi kabhi muhabbat kiya karte thay.....

Jab uski dhun mai raha karte thay,

Ham bhi chup chap jiya karte thay,

Aankhon mai pyas hua karti thi,

Dil mai tufan utha karte thay,

Log aate thay ghazal sun'ne,

Ham uski bat kiya karte thay,

Such samajte thay uske waadon ko,

Raat din ghar mai raha karte thay,

Kisi veerane mai usse mil kr,

Dil mai kia phool khila karte thay,

Apna ghar sajane ki khatir,

Ham uska naam likha karte thay,

Kal usay dekha to yaad aaya,

HUM BHI KABHI MUHABBAT KIYA KARTE THAY...!!!

[MeemSheenAlif]

Re: Uski Yaad

he....

[MindFreak]

kya ho tum

"KYA HO TUM"?

Chalo aaj main btaon kya ho tum,

Mere liay meri DUNIYA ho tum,

Chuu kr jo guzri woh HAWA ho tum,

Maine jo mangi wo DUA ho tum,

Kare mujh ko jo roshan wo DIYA ho tum,

Dil ye kahey mera JIYA ho tum,

Maine kiya jo mehsos woh EHSAAS ho tum,

Meri nazar ki TALASH ho tum,

Meri zameen ka AKASH ho tum,

Mere chehre ki KASHISH ho tum,

Mere sitaro ki GARDISH ho tum,

Meri zindagi ka QARAR ho tum,

Bus aur kuch nhi mera PYAR ho tum...!!!

[MindFreak]

Khamoshi Se Suno Wo Aawaaz Hamari Hogi

Khamoshi Se Suno Wo Aawaaz Hamari Hogi,
Mehfil Me Jo Tanha Kar Jaye Wo Yaad Hamari Hogi,
Jab Kabhi Bhi Sochogi Hamare Pyar Ko To?
Har Taraf Khushiyan Hongi Lekin Kami Hamari Hogi.


Har Mehfil Mein Ab Hamne Tanhaai Payi Hain,
Apne Saaye Mein Bhi Teri Kami Nazar Aayi Hain,
Doobte jaate hai hum jitna teri yaado Mein,
Hume Utni Hi Aur Jyaada Kareeb Tu Nazar Aayi Hain.


Bite Huye Pal Kabhi Laut Ke Aate Nahi,
Saath Gujare Lamhe Kabhi Bhulaye Jaate Nahi,
Ye Pal Aur Ye Hi Lamhe Saathi Hain Mere,
Kyuki Ye Wo Pal Hain jo Kabhi Bhulaye Jaate Nahi,


Duniya Mein Kisi Se Kabhi Pyar Mat Karna,
Apne Anmol Aansoo Iss Tarah Barbaad Mat Karna,
Kaante To Phir Bhi Daman Tham Lete Hain ,
Phulon Se Iss Tarah Phir Kabhi Pyar Mat Karna.


Woh Hume Bhul Jane Ki Baat Karte Hai,

Zara Unase Puchho Ki Wo Hume Kab Yaad Karte Hai,

Jo Karte The Kabhi Humse Pyar Bhari Baate,

Na Jane Kyu Aaj Wo Akele Rahne Ki Baat Karte Hai.

[khan khan]

Re: Khamoshi Se Suno Wo Aawaaz Hamari Hogi

Waah
bohat khoob.

[khan khan]

Re: kya ho tum

Bohat khoob.