Meri pasand

[Nooralsabah]

Wapsi ka darwaza

dur janewale to
lot kar nahin aat-e
ye khabar hai mujh ko bhi
phir bhi aas hai dil main
is liye teri khatir
wapsi ka darwaza
maine khol rakha hai

[Nooralsabah]

Re: Meri pasand

Abhi mosam nahin badla

yeh tu ne sach kaha hoga
ke jab mosam badalta hai
badal jat-e hain sab insa-n
gai rut jis main hum bichhre
us-e muddat hui beete
magar mahsoos hota hai
mujhe ab bhi yehi jana-n
abhi mosam nahin badla

[Nooralsabah]

Re: Meri pasand

Paida'ish ki tareekh


Tum meri paida'ish ki tareekh poochhti ho?

to likh lo jo tumhein nahin maloom hai

jis roz tum ne mujh se pyar ka izhar kya tha

wahi din meri paida'ish ka hai

[Nooralsabah]

Re: Meri pasand

Na Itna Pyar Karo........


Na itna pyar karo aik do ghari ke liye
yeh chand lamhe palat kar kabhi na aenge
khushi ka waqt kabhi lot kar na dekhe ga
yeh lamhe dur buhat dur hote jaenge

Agar hayat ka anchal khushi se bharna hai
to itna pyar karo ke tumhein bhula bhi saku-n
bas itni dur mujhe le chalo muhabbat main
jo tum mere na raho main palat ke aa bhi saku-n

milo na itna ke kat-e na kate gham ki raat
hanso na itna ke daman bhigo ke baith raho
chuno zarur chuno phool wafa ki khatir
magar na itna ke ka-nte chubho ke baith raho

khushi ka itna bharosa kuchh achhi baat nahin
khushi zarur kabhi inteqam leti hai
buhat ziyada na chaho mujhe Khuda ke liye
buhat ziyada muhabbat bhi maar deti hai

[Nooralsabah]

Re: Meri pasand

Aao dosti kar lein


Ek ghubar-e khaak hain
kal ko bikhar hi jaenge
mukhtaser si zindagi hai
kuchh to is main rang bhar lein
aao dosti kar lein

[Nooralsabah]

Re: Meri pasand

Mosam

Koi deewar girti hai
koi mosam badalta hai
tumhare aane se jana-n
mera jeewan badalta hai

[Nooralsabah]

Re: Meri pasand

Barishon ke mosam main


Barishon ke mosam main
tum ko yad karne ki
adatein purani hain
ab ki bar socha hai
adatein badal dalein
phir khayal aya ke
adatein badalne se
barishein nahin rukti-n

[Nooralsabah]

Re: Meri pasand

Achanak phir bachaya hai kisi nadeeda hasti ne
magar kaise hua yeh mojeza maloom karna hai
tujhe kuchh yad hai kal kab tujhe main yad aya tha
mujhe aey maa-n tera waqt-e dua maloom karna hai

[Nooralsabah]

Re: Meri pasand

kabhi saya hai kabhi dhoop muqaddar mera
hota rahta hai yunhi qarz barabar mera
toot jate hain kabhi mere kinare mujh main
doob jata hai kabhi mujh main samandar mera
kisi sahra main bichar jaenge sab yar mere
kisi jungle main bhatak jaega lashkar mera
bawafa tha to mujhe poochhne wale bhi na the
bewafa hun to hua nam bhi ghar ghar mera
kitne hanste hue mosam abhi aat-e lekin
aik hi dhoop ne kumhla diya manzar mera

[Nooralsabah]

Re: Meri pasand

Rasm-e Qadeem


main
dual ke liye tayyar hun
jo bhi mere muqabil aya
woh mar jaega
bhala kon tumhein
meri tarah
chahega??

[Mr.Khan]

Re: Meri pasand

kabhi saya hai kabhi dhoop muqaddar mera
hota rahta hai yunhi qarz barabar mera
toot jate hain kabhi mere kinare mujh main
doob jata hai kabhi mujh main samandar mera
kisi sahra main bichar jaenge sab yar mere
kisi jungle main bhatak jaega lashkar mera
bawafa tha to mujhe poochhne wale bhi na the
bewafa hun to hua nam bhi ghar ghar mera
kitne hanste hue mosam abhi aat-e lekin
aik hi dhoop ne kumhla diya manzar mera

Buhat umda intikhaab hai

[life.]

Re: Meri pasand

v nice.....................

[*Hijab*]

Re: Meri pasand

v nice intikhab
keep sharing