Bhula Dijiye Mujhay

[hashambutt]

Mumkin Ho Aap Se To Bhula Dijiye Mujhay
Pathar Pe Hoon Lakeer,Mita Dijiye Mujhay

Har Roz Mujh Se Taza Shikayet Hay Aapko
Main Kya Hoon Ik Baar Bata Dijiye Mujhay

Mere Siwa b Hay Koi Mozoo-e-Guftagu
Apna b Koi Rung Dikha Dijiye Mujhay

Ki Main Ne Apnay Zakhm Ki Tash,heer Ja Baja
Main Manta Hoon Jurm,Saza Dijiye Mujhay

Qayam To Ho Sakay Koi Rishta Gohar k Sath
Gehray Samandroon Mein Baha Dijiye Mujhay

Shab Bhar Kiran Kiran Ko Tarasnay Se Fayeda?
Hay Tairgii To Aag Laga Dijiye Mujhay

Jaltay Dinoon Mein Khud Pass-e-Deewar Baith Kar
Saaye Ki Justaju Mein Laga Dijiye Mujhay

Yun To Shula-e-Jaan Sard Ho Hi Chuka Hay
Lekin Sulag Uthoon To Hawa Dijiye Mujhay...!!!

[Gul]

Re: Bhula Dijiye Mujhay

Khoobsoorat ! Ghazal!

Nice sharing brother! :)