Kuch aannkh milanay se

[khan khan]

Kuch aankh milanay se,kar le hai nazar zakhmi
kuch roog laganay se,kar baithay jigar zakhmi

akhbaar ki har surkhi,u surkh lagi har din
satroun k badan chalni,alfaaz k sar zakhmi

tasveer-e-tasawwur par,keun dhool ki chadar hai
ye sooch k kar baithay,sochoun ka safar zakhmi

chahat ki musafat main,kaisa hai ye douraha
tum ho k udhar zakhmi,hum hain k idhar zakhmi

yaroun ki judai se,behtar hai k mar jaaen
acha hai na ho paaen,pher shaam-o-sahar zakhmi

sahaitaan k honay se,shaitaan maza lotain
insaan k hathoun se,insaan hoa zakhmi

hum unki jafaoun par,ehsaan tu kar jatay
douraan-e-wafadari,hotay na agar zakhmi

kia khoob nizamat hai,arbaab-e-hakomat ki
mazdoor kisaan nalaan,taleem-o-hunar zakhmi