Entries Of Husn-e-Muhabbat Competition ~ 2009

[Mr.Khan]

Khan Khan's entry


Tabiyat ka ajab aalam hai behlai nahi jati
bhari mehfil hai lekin dil ki tanhai nahi jati


muhabbat bandagi hai jalwa husn-e-haqeqi ki
magar ye baat nadanoun ko samjhai nahi jati


samjh main kuch nahi aata sambhalain kia tabiyat ko
ye zalim aise uljhi hai k suljhai nahi jati


nahi hai bas kise k ishq ki shola-fishani par
bharak uthtii hai khud ye aag bharkai nahi jati


ghamoun se dil ka shesha laakh gard-aaloud hai lekin
es aaenay se teri jawal-aarai nahi jati


shikasta dil kise dushman ko bhe daikha nahi jata
jo hum se ban paray wo baat thukrai nahi jati


haqeqat ek na ek din aashkaar ho k rehti hai
sadaqat Bazm jhutlanay se jhutlai nahi jati

[Mrs.Khan]

Re: Entries Of Husn-e-Muhabbat Competition ~ 2009

BaytaabTabaani's Entry

[Mrs.Khan]

Re: Entries Of Husn-e-Muhabbat Competition ~ 2009

musaddaq's Entry

Soocha nahi acha bura dekha suna kuch bhi nahi
Manga khuda sai raaat din teray siwa kuch bhi nahi

Soocha tujhey dekhaa tujhey chaha tujhey pooja tujhey
Meri khata meri wafa teri khata kuch bhi nahi

Jis per hamari ankh nai mooti bichaye raat bhar
Bheja wohi khaghaz usai hum nai likha kuch nahi

Ik shaaam kai saye talay bhetai rahay woh dair tak
Aankhoo sai ki baat bohat moun sai kaha kuch nahi

Ehsaas ki khushboo kaha awaz kai jugnoo kaha
Khamoosh yado kai siwa ghar mien raha kuch bhi nahi

Do chaar din ki baat hai dil khaak mien mil jaye ga
Jub agg per kaghaz rakha baaqi bacha kuch bhi nahi

[Mrs.Khan]

Re: Entries Of Husn-e-Muhabbat Competition ~ 2009

Nazneen 's Entry

Barsoon ke Intizaar ka Anjaam likhdiya;
Kaghaz pe shaam kaat ke Phir Shaam likhdiya

Bikkhri pari thi toot ke Kaliyan Zameen par;
Tarteeb dey ke mene Tera Naam likhdiya

Hamko kisi ke Husn ne Shayar bana diya,
Honton ka naam le na sakey, Jaam likhdiya

Allah Zindagi se Kahan Tak nibhaaun men;
Kis bewafaa ke saath mera Naam likhdiya

Takseem horahi thi jab Khudaai ki Nehmateyn;
Ikk ishq bacchgea, so mere Naam likhdiya

Qaiser kisi ki Deyn hai yeh Shayari meri,
Uski Ghazal pe kisne mera Naam likhdiya.