Poetry for Males & Female Both!!!(Daily Updated)

[khan khan]

Re: Poetry for Males & Female Both!!!(Daily Updated)

Aankhoun ki tarha raaz hai,khulta bhe nahi wo
sailaab bhe ban jata hai,dariya bhe nahi wo
us shaks k pehlo main sakon kitna hai jub k
girja bhe nahi,mandir bhe nahi,kaaba bhe nahi wo

[khan khan]

Re: Poetry for Males & Female Both!!!(Daily Updated)

Saat soroun ka behta dariya teray naam
har sor main rang dhanak ka teray naam

surkh gulaab k saray mousam teray naam
har subha ka pehla ujala teray naam

teri yaad ka behta dariya meray liye
behti jheel main phool kanwal ka teray naam

jitnay khawaab khuda ne meray naam likhay
in khawaboun ka resha resha teray naam

teray bina jo umar beti beet gaae
ab es umar ka baqi hissa teray naam

[khan khan]

Re: Poetry for Males & Female Both!!!(Daily Updated)

Meri rooh main jo utar sakain
wo muhabbatin mujhay chahiyen
jo saraab hon na azaab hon
wo rafaqatain mujhay chahiyen
inhi sa'atoun ki talaash hai
jo calendaron se utar gaaen
jo waqt k saath gozar gaaen
wohi fursatain mujhay chahiyen
jo meri shaboun k charaagh thay
jo meri umedoun k baagh thay
wohi loog hain meri aarzo
wohi soratain mujhay chahiyen!!!

[khan khan]

Re: Poetry for Males & Female Both!!!(Daily Updated)

Waqt ne sikhaya hai
waqt k samandar main
dukh k sub jazeroun par
saray karway lamhoun main
umar jub gozaro gay
tum bhe seekh jao gay
dhoondhna nahi aasan
khoodna zarori hai
bhaid-bharay logoun ko
soochna zarori hai
khoojna zarori hai
tum bhe seekh jao gay
waqt aisa aaya tu

[khan khan]

Re: Poetry for Males & Female Both!!!(Daily Updated)

Pher ye mousam ye phool hon k na hon
pher duaaen qabool hon k na hon
zeest k zaviye badal jaaen
qehqahay aanso'oun main dhal jaaen
main bhatak jaaon tu badal jaaey
gardish-e-waqt chaal chal jaaey
pher ye mousam ye phool hon k na hon
aap meray qareeb hon k na hon
aap meray rafeeq hon k na hon
pher ye lamhay naseeb hon k na hon
aao ek dosray main kho jaaen
subha honay tak tu so jaaen

[iiiiboyz]

Re: Poetry for Males & Female Both!!!(Daily Updated)

nice one

[khan khan]

Re: Poetry for Males & Female Both!!!(Daily Updated)

nice one

Thanx......

[khan khan]

Re: Poetry for Males & Female Both!!!(Daily Updated)

Badal gae hai ye zindagi ab sabhi nazaray badal gaey hain
kahen pe moujain badal gae hain kahen kinaray badal gae hain

badal gaya hai ab uska lehja ab us ki aankhain badal gae hain
wo chand chehra hai ab bhe waisa meray sitaray badal gae hain

mila hon tum se tu u laga hai k jaisay dono he ajnabi hon
kabhi jo mujh ko azeez jan thay wo tour saray badal gae hain

es liye bhe main sar jhuka tumhari nagri se chal para hon
tha naaz jin par kabhi mujhay bhe wo sub saharay badal gae hain

[khan khan]

Re: Poetry for Males & Female Both!!!(Daily Updated)

Tamaam umar azaboun ka silsila tu raha
ye kam nahi hamain jenay ka housla tu raha

gozar he aaey kise tarha teray dewanay
qadam qadam pe koe sakht marhala tu raha

chalo na ishq he jeta na aql haar saki
tamaam waqt mazay ka muqaabla tu raha

main teri zaat main gom ho saka na tu mujh main
bohat qareeb thay hum pher bhe faasla tu raha

[khan khan]

Re: Poetry for Males & Female Both!!!(Daily Updated)

Wo eak shaks k manzil bhe,raasta bhe hai
wohi dua bhe,wohi hasil-e-dua bhe hai

main uski khooj main nikla hon saath le k charaagh
wo husn mujh pe ayan bhe hai aur chopa bhe hai

main dar-badar tha,magar bhool bhool jata tha
k ek charaagh darechay main jaagta bhe hai

khola hai dil ka darecha usi ki dastak par
jo mujh ko meri nigahoun se daikhta bhe hai

ye meri sarhad-e-jan main qadam dhara kis ne
k mehw-e-khawaab hon,aankhoun main rat jaga bhe hai

[phonix_24]

Re: Poetry for Males & Female Both!!!(Daily Updated)

After a Long Time...with sorry to friends

aab maray khooab ki tabeer main rakha kia hy
tu nahee to taree tasweer main rakha kia hy
shazoonadar hee koi shad raha hoo ga warna
siwa qorab k takdeer main rakha kia hy

[phonix_24]

Re: Poetry for Males & Female Both!!!(Daily Updated)

fasalay asay bhee hoongay yah kabhi socha na tha
samny beetha tha maray or woh mera na tha
woh k khushboo ki tarah pheela tha maray chaar soo
main usay mahsoos kar sakta tha choo sakta na tha
raat bhar pichlee see ahat kaan main ati rahi........
jhank kar dekha gali main koi bhee aya nahee.........

[phonix_24]

Re: Poetry for Males & Female Both!!!(Daily Updated)

woh raha kahmosh to yah toor bhee acha laga
baat ki us nay to to woh or bhee acha laga
uskay chahray par bohot sajty thy kalay baal bhee
uskay baloo ka soonahree dour bhee acha laga
woh tasaub hy k shidat hy mohabat ki.........
woh laga acha tu uska jood bhee acha laga

[phonix_24]

Re: Poetry for Males & Female Both!!!(Daily Updated)

rookta bhee nahee theek say chalta bhee nahee hy
yah dil ky taray baad sanbhlta bhee nahee hy........
ik umar say hum uski tamna main hain bay khooab
woh chand jo angan main utarta bhee nahee hy
phir dil main taree yaad ka manzar hain............
asay main koi dakhny wala bhee nahee hy
is umar kay sahra say taree yaad ka badal
milta bhee nahee barasta bhee nahee hy

[phonix_24]

Re: Poetry for Males & Female Both!!!(Daily Updated)

Khan Jee thanks and all other friends also