bichhaD ke mujh se kabhii

[phonix_24]

:salam:Aaj Ki Nazam:salam:
__________________________________
bichha.D ke mujh se kabhii tuu ne ye bhii sochaa hai
adhuuraa chaa.Nd bhii kitanaa udaas lagataa hai

ye vasl kaa lamhaa hai ise raayegaa.N na samajh
ke is ke baad vahii duuriyo.n kaa saharaa hai

kuchh aur der na jha.Dataa udaasiyo.n kaa shajar
kise Khabar tere saaye me.n kaun baiThaa hai

ye rakh-rakhaao muhabbat sikhaa ga_ii us ko
vo ruuTh kar bhii mujhe muskuraa ke milataa hai

mai.n kis tarah tujhe dekhuu.N nazar jhijhakatii hai
teraa badan hai ke ye aa_iino.n kaa dariyaa hai

Mohsin Naqvi
_____________________________________
Comments Plz:lahoul

[phonix_24]

Thahar jaao ke hairaanii to jaaye

Thahar jaao ke hairaanii to jaaye
-------------------------------
Thahar jaao ke hairaanii to jaaye
tumhaarii shakl pahachaanii to jaaye

shab-e-Gam tuu hii mahamaa.N ban ke aajaa
hamaare ghar kii viraanii to jaaye

zaraa khul kar bhii ro lene do ham ko
ke dil kii aag tak paanii ho jaaye

balaa se to.D Daalo aa_iino.n ko
kisii suurat ye hairaanii to jaaye

Mohsin Naqvi
_____________________________
:duaComments PLZ:dua

[phonix_24]

Re: bichhaD ke mujh se kabhii

itanii muddat baad mile ho
====================
itanii muddat baad mile ho
kin socho.n me.n gum rahate ho

tez havaa ne mujh se puuchhaa
ret pe kyaa likhate rahate ho

kaun sii baat hai tum me.n aisii
itane achchhe kyo.n lagate ho

ham se na puuchho hijr ke qisse
apanii kaho ab tum kaise ho

Mohsin Naqvi
_________________________
372-scareComments Plz372-scare

[MuQadas]

Re: bichhaD ke mujh se kabhii

nice

[Dr Fausts]

Re: bichhaD ke mujh se kabhii

Asslam-o-alikum


Khobsoart Intekhab Ha janab