Samina Raja/Love Poems

[Hadijo]

HAIRAAN

honton pay gull khila karr
zulfain meri ura karr
aanchal say baat karr kay
aagay guzar ga'ei hai
teri tarah say choo karr
baad-e-saba to mujh ko
hairaan karr ga'ei hai

:rose

[Hadijo]

Re: Samina Raja/Love Poems

ACHANAK

sard thay hoant
buhat zard thi yeh shakh-e-badan
sakht pathraei howi theen aankhein
dasht ki tarah thi sari dunya
aasman,dard ka lamba sehra
janay kya baat chali baaton say
janay kis tarha tera zikr chhira
aisa lagta hai tann-e-murda mein
rooh phoonki hai kisi nay taaza

:rose

[Hadijo]

Re: Samina Raja/Love Poems

CHANDNI KAY URAN KHETOALAY MEIN

kaya huwa hai jo chonk uththi hoon
kaya kisi door kay sitaray say
mery dil ko pukarta hai ko'ei?
jagmaganay lagi hain kion aankhein
chandni kay uran khetoalay mein
kaya meri chatt parr aa gaya hai koei?

:rose

[Hadijo]

Re: Samina Raja/Love Poems

BANSURI

Raat ki pur fusoon khamoshi hai
chandni phelti hai raston parr
bansuri ki sada suna'ei di
yoon hawa ki udaas lehron parr
soach parr chha rahi hai mayoosi
rannj ghulnay laga hai rahat mein
neend mein jabb hai poora ga'on to
kon roata hai dard-e-furqat mein?

:rose

[Hadijo]

Re: Samina Raja/Love Poems

KO'EI NAMA BARR NAHIN HAI

Na hawa ka narm jhonka
Na jamal chandni ka
Na ko'ei haseen badal
Na kisi karam ki barish
Na ko'ei gudaz lehja
Na kisi nazar ki jumbish
Teray raastay pe mera
Ko'ei hammsafar nahin hai
Tujhay khatt likhoon agar to
Ko'ei nama barr nahin hai!

:rose

[Hadijo]

Re: Samina Raja/Love Poems

AJNABI AA'O

Ajnabi aa'o!
dekho, umangon ki naokhez kalyan
jo murjha rahi hain,
tumharay liay waqt,chanchal parinda
meray saans pathar talay dabb rahay hain
meri umr kuchh katt chuki hai
jo baqi hai-ik karb mein katt rahi hai
agar ajnabi tumm na aa'o---
to peghaam bhejo
agar ko'ei chanchal parinda milay
waqt ka
uss ki gardan mein bandho
ko'ei sabz kaghaz
ko'ei sabz kaghaz ke jiss parr likho
apnay hathon
anokhi,purasrar,sabb ranng tehreer
phir woh parinda-meri samt bhejo
to phir ajnabi! woh parida
agar ho sakay to
meray saans pathar talay say nikalay
mera karb chakhay
woh kaghaz, tumhari purasrar,sabb ranng
tehreer wala,
ko'ei sabz taweez karr kay
meri sooni gardan mein dalay!

:rose

[Hadijo]

Re: Samina Raja/Love Poems

RAAT AUR INTAZAAR

Raat bharr girti rahi
ashk ki soorat shabnam
raat bharr chalti rahi
bheegi huei sard hawa
narm podoan mein guzarti huwi
madham madham,
raat bharr chand sulagta raha
holay holay
chandni roti rahi
meray dareechay say paray
raat bharr raqs mein masroof thay
khushboo kay qadam
raat bharr main,
meri maghmoom nigahein,
meri yaas,
teray aanay ki sarr-e-shaam lagi thi
jo mujhay
wohi damm torti aas,
dill mein mehka huwa ghamm
aur yeh palkein pur namm,
meri maghmoom nigahein bekhwab
raat bharr jaltay rahay
apnay hi shoalon mein gulab!!

:rose

[life.]

Re: Samina Raja/Love Poems

buhat hi khob siso.............

[innocenttears]

Re: Samina Raja/Love Poems

bohat hi achi zaberdus