haaye logoN kii karam-farmaaiyaaN

[majid ali qureshi]

haaye logoN kii karam-farmaaiyaaN
tohmateN, badnaamiyaaN, rusvaaiyaaN

zindagii shaayed isii kaa naam hai
duuriyaaN, majbuuriyaaN, tanhaaiyaaN

kyaa zamaane meN yuuN hii kaTtii hai raat
karvateN, betaabiyaaN, angRaaiyaaN

kyaa yahii hotii hai shaam-e-intizaar
aahaTeN, ghabraahaTeN, parchhaiyaaN

aik paikar meN simaT kar rah gayiiN
KhuubiyaaN, zebaaiyaaN, raanaaiyaaN

zaKhm dil ke phir hare karne lagiiN
badliyaaN, barkhaa ruteN, purvaaiyaaN

?Kaif? paida kar samandar kii tarah
vuss ateN, KhaamoshiyaaN, gahraaiyaaN

[khan khan]

Re: haaye logoN kii karam-farmaaiyaaN

Wonderful Sharing
***************

[SherAli]

Re: haaye logoN kii karam-farmaaiyaaN

salaam

mazedaar Ghazal paRhne ko mili...mazaa aa gayaa...achchhi hai...mujhe yeh to nahiiN pataa k kiskii hai yeh Ghazal par is Ghazal meN tikniki KhaamiyaaN aur kamiyaaN haiN.

overall a good Ghazal :)

[MuQadas]

Re: haaye logoN kii karam-farmaaiyaaN

aahan zabar10 hai

[majid ali qureshi]

Re: haaye logoN kii karam-farmaaiyaaN

aap sub doston ka bahut bahut shukriya