woh miley to be-takkaluf nah miley to be iradah

[majid ali qureshi]

woh miley to be-takkaluf nah miley to be iradah

nah tareeq-e-aashnai, nah rasoom-e-jam-o-badah

teri neem kash nigahain, tera zer-e-lab tabasum

yunhi ik ada-e-masti,yunhi ik fareb-e-sadah

yeh daleel-e-khush dilli hai,mere wastey nahi hai

woh dehan k hai shaguftah woh jabeen k hai kushadah

woh kuch is tarah se aye mujey is tarah se dekha

meri aarzo se kamtar meri taab se ziyada

mere dil ne khoob samja jo kuch kaha teri nazar ne

yeh hawas ka hai taqaza k zuban se ho ehada