aSnaaf-e-shaayarii kaa Khudaa ban ga.ii Ghazal

[shummu]

Ganesh Bihari 'Tarz' ki ghazal pesh-e-khidmat hai jo mujhe bahuuuuuuuut pasand hai..ummeed hai aap ko bhi pasand aayegi...! :)

duniyaa banii to hamd-o-sunaa ban ga.ii Ghazal
utraa jo nuur nuur-e-Khudaa ban ga.ii Ghazal

guuNjaa jo naad-brahm, banii raqs-e-mahar-o-maah
zarre jo thar-tharaaye sadaa ban ga_ii Ghazal

chamakii kahiiN jo barq to ehasaas ban ga.ii
chhaa.ii kahiiN ghaTaa to adaa ban ga.ii Ghazal

aaNdhii chalii to qahar ke saaNche meiN Dhal ga.ii
baad-e-sabaa chalii to nashaa ban ga.ii Ghazal

haivaan bane to bhuuk banii bebasii banii
insaan bane to jazb-e-vafaa ban ga.ii Ghazal

uThaa jo dard-e-ishq to ashkoN meiN Dhal ga.ii
bechainiyaaN baRhii to duaa ban ga.ii Ghazal

zaahid ne pii to jaam-e-panaah ban ke rah ga.ii
rindoN ne pii to jaam-e-baqaa ban ga.ii Ghazal

arz-e-dakkan meiN jaan, to dilli meiN dil banii
aur shahar lakhanau meiN hinaa ban ga.ii Ghazal

dohe ,rubaa.ii ,nazmeiN ,sabhii Tarz the magar
aSnaaf-e-shaayarii kaa Khudaa ban ga.ii Ghazal

[Masood]

Re: aSnaaf-e-shaayarii kaa Khudaa ban ga.ii Ghazal

MashaAllah. Bohat arsey baad aik aisa kalaam parhney ko mila hai jisney dil mein shairi key liye jo aqeedat hai usko aik naee jilla bakhshi hai. Alfaaz aur unkey mano mein saji hui yeh ghazal apni tarz ka aik behtreen namoona hai, jo kisi bhi fun'parey sey kam nahin. Shummu aap ka share kardah kalaam ka tarz-e-biyaan aur tarakeeb-e-alfaaz ney is ghazal mein jo rooh phoonki hai woh aik masterpiece hai. :rose

[Bheegi-Palkain]

Re: aSnaaf-e-shaayarii kaa Khudaa ban ga.ii Ghazal

Asslam-o-Alikum WR WB

Bhot umda

FeamanAlalh

[shummu]

Re: aSnaaf-e-shaayarii kaa Khudaa ban ga.ii Ghazal

MashaAllah. Bohat arsey baad aik aisa kalaam parhney ko mila hai jisney dil mein shairi key liye jo aqeedat hai usko aik naee jilla bakhshi hai. Alfaaz aur unkey mano mein saji hui yeh ghazal apni tarz ka aik behtreen namoona hai, jo kisi bhi fun'parey sey kam nahin. Shummu aap ka share kardah kalaam ka tarz-e-biyaan aur tarakeeb-e-alfaaz ney is ghazal mein jo rooh phoonki hai woh aik masterpiece hai. :rose

bahut bahut shukriya mere intekhaab ko is qadar pasand farmaane ka MASOOD jee..mujhe khud ye ghazal behad pasand hai.... :)

[shummu]

Re: aSnaaf-e-shaayarii kaa Khudaa ban ga.ii Ghazal

Asslam-o-Alikum WR WB

Bhot umda

FeamanAlalh

w'salaam wr wb

shukriya! :)

[Yaaram]

Re: aSnaaf-e-shaayarii kaa Khudaa ban ga.ii Ghazal

Bohdat Umdah :)

[shummu]

Re: aSnaaf-e-shaayarii kaa Khudaa ban ga.ii Ghazal

Bohdat Umdah :)

thank u:)