******Eid Ashaar Special*******

[*Hala*]

Re: ******Eid Ashaar Special*******

Aaye Khuda kar too unhain bhi Eid ki khushiyan naseeb
Jin kay dam say ham bhi hain aour hay hamaari Eid bhi

Iss baras koi hassen khwab na tha Ankhon main
Iss baras ham say bhi daikha na gaya Eid ka chand

Eid aayi hay musarat ki payami ban ker
Woh musarat jo teri deed say wabasta hay

Eid ka din bhi shab-e-matam hay meray wastay
Jis khushi main woh na aaye woh khushi achi nahein

[*Hala*]

Re: ******Eid Ashaar Special*******

1

eid ke chaaNd ki maaNind hua hai ab to

haaye woh shakhs ke har roz mila karta tha

2-
maiN ne chaaha tujhe eid pe kuchh nazar karooN

jis meiN ehsaas ke sab raNg hoN raushan raushan

jis meiN aaNkhoN ke taraashe hu-ai moti laakhoN

jis meiN shaamil ho mere qalb ki dhaRhkan dhaRhkan

[*Hala*]

Re: ******Eid Ashaar Special*******

kuch aur ashaars aap ki nazar
muntazir hai jis nazar k leye khud jamal-e-eid
woh kush naseeb aur kahin hain hilal-e-eid

jaisey k first main sannan jee ney kaha k hum ko eid pey apney gharib
humwatnoon ko nahin bhoolna chayee

eid k chand ghariboon ko pereyshan na kar
tujh ko maloom nahin zeest-e-giran hai kitni

aaj phir charkh-e-sitmger ki siah chadar per
eid ka chand ghareboon ko rulaney nikla

[*Hala*]

Re: ******Eid Ashaar Special*******

Ghairon main hay jo shad usay Eid mubarak
Ham jis ko nahein yaad usay Eid mubarak

Khat main likha tha Eid kab hogi
Ham ko tareekh likh kay bhijwayein
Choonkeh jhagrha tha iss liye ham nay
Likh diya Aap jabb bhi aa jayein

Aaj kay din saaf ho jata hay dill aghiyar ka
Aao mill lo Eid, yeh maoqa nahein takraar ka

[*Hala*]

Re: ******Eid Ashaar Special*******

Labon pe rang e tabasuum na dil mein moj e saroor
Mere watan ke garibon ki Eid kya ho gii

Teri basat se bhar ker teri umeed se zayada
Bhar dey khushiyon se daman iis Eid per Mola tera

Nazer ka chain dil ka saroor hotey hain
Kuch aaisey log jahan mein zaroor hotey hain
Sada chamakta rahey iin ki Eid ka tehwar
Qareeb re ke bi ju hum se dour hotey hain

[*Hala*]

Re: ******Eid Ashaar Special*******

Khoob roya main lipat kar gham-e-tanhai say
Koi bhi aa kay galay say na laga Eid kay din

Meray aangan main dabay paaon naye rog liye
sall kay sall koi Eid chali aati hay

Kab tery milnay ki taqreeb bana Eid ka chand
Teri yaad aayi to dekha na gaya Eid ka chand

[*Hala*]

Re: ******Eid Ashaar Special*******

Eid leka aate hai dher sare khusiya,
Eid mita deta hai insan mai duriya,
Eid hai khuda ka ek nayam tabarok
Eisi liye kahte hai sab Eid Mubarik


Sada haste raho jaise haste hain phool,
Duniya ki sare gham tumeh jaye bhool,
Charo taraf phalao khushion ka geet,
Eisi ummid ka sath dost tumhe...Mubarik ho Eid

[*Hala*]

Re: ******Eid Ashaar Special*******

bas hai na :embarasse

[Mr.Khan]

Re: ******Eid Ashaar Special*******

Buhat umda Hala G

[Ali jee]

Re: ******Eid Ashaar Special*******

nice ....be happy u

[*Hala*]

Re: ******Eid Ashaar Special*******

thankz to both of u