Ishq meiN Ghairat-e-jazbaat ne roaney na diya...!

[maya]

Ishq meiN Ghairat-e-jazbaat ne roaney na diya
Warna kya baat hai, kis baat ne roaney na diya

Aap kahtay haiN k roaney se na badlaiN gey naseeb
Umr bhar aap ki is baat ne roaney na diya

Roaney waaloN se kaho un ka bhi roana ro laiN
Jin ko majboori-e-haalaat ne roaney na diya

Tujh se mil kar hameiN raona tha, bahut roana tha
Tangi-e-waqt-e-mulaaqaat ne roaney na diya

Aik do roaz ka sadma ho to ro laiN Faakir
Ham ko har roaz k sadmaat ne roaney na diya

Sudarshan Faakir

[maya]

thanx for sharing