Aania Ki Pasand

[Aania]

Note: dear admin/forum moderator .. I have a request .. as I could not yet .. found my old thread of same type so please merge it with the old one .. if rules can not let allow such repetitive thread
Thanks



baraso.n ke baad dekhaa ik shaKhs dil_rubaa saa
ab zahan me.n nahii.n hai par naam thaa bhalaa saa

abaruu khi.nche khi.nche se aa.Nkhe.n jhukii jhukii sii
baate.n rukii rukii sii lahajaa thakaa thakaa saa

alfaaz the ke jugnuu aavaaz ke safar me.n
ban jaaye jangalo.n me.n jis tarah raastaa saa

Khvaabo.n me.n Khvaab us ke yaado.n me.n yaad us kii
niindo.n me.n ghul gayaa ho jaise ke rat_jagaa saa

pahale bhii log aaye kitane hii zindagii me.n
vo har tarah se lekin auro.n se thaa judaa saa

agalii muhabbato.n ne vo naa_muraadiyaa.N dii.n
taazaa rafaaqato.n se dil thaa Daraa Daraa saa

kuchh ye ke muddato.n se ham bhii nahii.n the roye
kuchh zahar me.n bujhaa thaa ahabaab kaa dilaasaa

phir yuu.N huaa ke saavan aa.Nkho.n me.n aa base the
phir yuu.N huaa ke jaise dil bhii thaa aabalaa saa

ab sach kahe.n to yaaro ham ko Khabar nahii.n thii
ban jaayegaa qayaamat ik vaaqi_aa zaraa saa

tevar the beruKhii ke andaaz dostii ke
vo ajanabii thaa lekin lagataa thaa aashnaa saa

ham dasht the ke dariyaa ham zahar the ke amrit
naahaq thaa zo.Num ham ko jab vo nahii.n thaa pyaasaa

ham ne bhii us ko dekhaa kal shaam ittefaaqan
apanaa bhii haal hai ab logo 'Faraz' kaa saa

[Aania]

Re: Aania Ki Pasand

Dasht main piyaas bhujatey howey mar jatey hain
Hum parinday kaheen jatey howey mar jatey hain

Hum hain sookhay howey talaab pay baithy howey hans
Jo tayaluq ko nibhatey howey mar jatey hain

Un kay bhee qatl kaa ilzaam humarey sar hay
Jo humain zehar pilatey howey mar jatey hain

Yeh mohabbat kee kahanee nahee martee laikin
Log kirdaar nibhatey howey mar jatey hain

Hum hain woh tootee howee kashtion waley faraz
Jo kinaron ko milatey howey mar jatey hain

[Aania]

Re: Aania Ki Pasand

Is se pehle ke meri khak bikhar jaye
Aey sham-e-gham tu hi bta aj kidhar jae gi

Wo dikhae gi nishan-e-manzil mujh ko
Khak-e-pa teri jis rah se guzar jaye gi

Mein diyiay ghum kay jlaun ga teri chahat mein
Chandni jb teray angan mein utar aey gi

Maujza kahun ise ya k hawadis ka kamal
Dekh k mujhko jb ankh teri bhar aey gi

Wo bicharne ki ghari aur woh shehr-e-matam
Kis ko Zohaib, ab woh sham nazar aey gi

[Aania]

Re: Aania Ki Pasand

Teray khushboo main basay khat main jalaata kaisay
Pyar main doobay huay khat main jalaata kaisay
Teray haathon kay likhay khat main jalata kaisay

Jin ko dunia ki nigahon say chupayay rakha
Jin ko ek umr kalejay say lagayay rakha
Deen jin ko jinhain eeman banayay rakha

Jin ka her lafz mughe yaad paani ki terhan
Yaad thay mugh ko pegham-e-zubani ki terhan
Mujhko pyaray thay jo unmol nishaani ki terhan

tu nay dunia ki nigahon say jo bach ker likhay
sal ha saal meray naam barabar likhay
kabhi din main to kabhi raat ko uth ker likhay

teray khat aaj main ganga main bahaa aaya hun
aag behtay huay paani main laga aaya hun

[Aania]

Re: Aania Ki Pasand

ghane jangloon ke safar pe tha woh jo muddaton se chala hua
kaheen raat orrh ke so gaya woh janam janam ka thaka hua

nai dastaan shuru hui keh usi kahani ka baab hay.
wohi karbala hay hussain phir se ghaneem mein he ghira hua

miri justuju ko kamal day mujhe shak ke sanchay main dhal day
Miri por por main zehr bhar main hoon amriton ka dasa hua

wohi shola apnay wujood ka wohi lums phir say naseeb kar
tiri aag phir say bharrak utthay keh aalaao kab ka bujha hua

mujhe izn ho keh main ji uthun mujhe izn ho keh main mar sakoon
aey khudaaey zindah bus aek kun main hoon dono samt bata hua

koi chand dhar mere haath pur kabhi mehr e taban saja koi
'yeh charagh koi charagh hay na jala hua na bujha hua'

tiray sab hawalay hain moutabar tira naam sab say buland hay
tu 'Jamal' day kay nishan day, main hoon harf harf mita hua

[_Dard_Aashna_]

Re: Aania Ki Pasand

nice sharing dear
and apna problem pm kar k mod ko batain to solve hoga

[WASI ANJUM]

Re: Aania Ki Pasand

Bahot he khoobsurt collection bahot khoobsurt choice hai aap ki
hamein bahot pasand aai khas taor per pehli wali ghazal

[khan khan]

Re: Aania Ki Pasand

Beautiful Collection.

[SHAZ]

Re: Aania Ki Pasand

nice sharing
1st one is my favourite

[Gul]

Re: Aania Ki Pasand

Note: dear admin/forum moderator .. I have a request .. as I could not yet .. found my old thread of same type so please merge it with the old one .. if rules can not let allow such repetitive thread
Thanks



baraso.n ke baad dekhaa ik shaKhs dil_rubaa saa
ab zahan me.n nahii.n hai par naam thaa bhalaa saa

abaruu khi.nche khi.nche se aa.Nkhe.n jhukii jhukii sii
baate.n rukii rukii sii lahajaa thakaa thakaa saa

alfaaz the ke jugnuu aavaaz ke safar me.n
ban jaaye jangalo.n me.n jis tarah raastaa saa

Khvaabo.n me.n Khvaab us ke yaado.n me.n yaad us kii
niindo.n me.n ghul gayaa ho jaise ke rat_jagaa saa

pahale bhii log aaye kitane hii zindagii me.n
vo har tarah se lekin auro.n se thaa judaa saa

agalii muhabbato.n ne vo naa_muraadiyaa.N dii.n
taazaa rafaaqato.n se dil thaa Daraa Daraa saa

kuchh ye ke muddato.n se ham bhii nahii.n the roye
kuchh zahar me.n bujhaa thaa ahabaab kaa dilaasaa

phir yuu.N huaa ke saavan aa.Nkho.n me.n aa base the
phir yuu.N huaa ke jaise dil bhii thaa aabalaa saa

ab sach kahe.n to yaaro ham ko Khabar nahii.n thii
ban jaayegaa qayaamat ik vaaqi_aa zaraa saa

tevar the beruKhii ke andaaz dostii ke
vo ajanabii thaa lekin lagataa thaa aashnaa saa

ham dasht the ke dariyaa ham zahar the ke amrit
naahaq thaa zo.Num ham ko jab vo nahii.n thaa pyaasaa

ham ne bhii us ko dekhaa kal shaam ittefaaqan
apanaa bhii haal hai ab logo 'Faraz' kaa saa

Assalam O alaikum ...Dear !

mein nay aaj aap 1563 threads ko awal taa aakhir deykha hai
magar iss tarah bazm-e shairi mein koi b thread aap nay start nahi
kia ....Jiss mein aik hee thread mein aap ki pasNd ki sabhi
poetry ho...aap nay 150 k qareeb ya kuch ziyada Mukhtalif poetry
share ki hai ..oss k elawa ....apnay section mein b kafi threads bana-ay
magar Bazm-e Shairi mein iss tarah ka koi thread nahi mila....

Rest I dont know...! :donno:
anyway aap iss mein apni saari collection share karti ja-eyay ..

Shukriya :)

[~Stranger~]

Re: Aania Ki Pasand

nice collection...