Haqaaiq Kaisey Bhi Hon

[s0ul CatchEr]

Haqaaiq Kaisey Bhi Hon Haqaaiq Aakhir Talakh Haqaaiq Hain
Gar Ik Baar Aashkaar Hon To Aabgeeney Toot Jaatey Hain

Bauhat Arsey Se Hum Tum Murav'at Murav'at Main Hain Masroof
Chalo Aj Kuch Taghy'ur Layen Hum Dono Rooth Jaatey Hain

Suno! Meri Wafa Ki Nigehbaani Karna Kisi Asaasa-E-Hyaat Ki Tarah
Khazaney Sar-E-Raah Parey Hon To Rehzan Unhain Loot Jatey Hain

Maasoom Chirrya Ka Dil Kanpa Chupa Liya Bachon Ko Paron Main
Ye Kaisey Wehshi Darindey Hain Jo Sab Khasoot Jaatey Hain

Gard-E-Badgumani Se Bachaye Rakhna Tum Hamarey Sh'faf Tauluq Ko
Ghalat Fehmiyan Had Se Barh Jayen To Saath Aksar Choot Jaatey Hain!

Haqaaiq Kaisey Bhi Hon Haqaaiq Aakhir Talakh Haqaaiq Hain
Gar Ik Baar Aashkaar Hon To Aabgeeney Toot Jaatey Hain

[Gul]

Re: Haqaaiq Kaisey Bhi Hon

:) ...............Nice .... Wesay poetry kis ki hai SC ?

Welcome aboard anyway :)

[khan khan]

Re: Haqaaiq Kaisey Bhi Hon

Very nice.