Announcement

Collapse
No announcement yet.

Unconfigured Ad Widget

Collapse

Legend Mohsin Naqvi

Collapse
X
 
  • Filter
  • Time
  • Show
Clear All
new posts

  • Legend Mohsin Naqvi

    Tazeer-e-ehtimaam-e-chaman kaun day gaya
    Mujh ko gulaab jaisa kafan kaun day gaya

    Daikhay jo khad-o-khaal toh socha hai baareha
    Sehra ki chaandini ko badan kaun day gaya

    Meri jabeen ki saari lakeerain teri atta
    Lekin teri qaba ko shikan kaun day gaya

    Teray hunar mai khulqat-e-khushboo sahi magar
    Kaanton ko umer bhar ki chubhan kaun day gaya

    Jungle say poochti hain hawaaon ki barhami
    Jugnoo ki tairgi mai kiran kaun day gaya

    Kis nay basaaye aankh mai ashkon kay qaaflay
    Be-ghar musaafiron ko watan kaun day gaya

    Tujh say toh khair pall ki musaafit ka saath tha
    Meray badan ko itni thakan kaun day gaya

    Todha hai kis nay nok-e-sinaan par sakoot-e-sabr
    Lab bastagi ko taab-e-sukhan kaun day gaya

    *Mohsin* wo kaayinaat-e-ghazal hai ussay bhi daikh
    Mujh say na pooch mujh ko yeh funn kaun day gaya
    KIND REGARDS,
    ZEESHAN HAYAT

  • #2
    Re: Legend Mohsin Naqvi

    :Shandar:

    Keep sharing.....
    Shahsigpic

    Comment

    Working...
    X