Baaitbaazi competition

[.]

Assalamalikum
Baaitbaazi kay muqablay main 2 teams hain

Team A
masood
alwaysalone

Team B
Eshaa
Wafa

yeh competition 3 din ka hai ..is ki timming aaj say shuru hoo rahi hai..
aik shair Team A post karay gee (team A ka koi bhi member).....pher is next Team B main ..(Team B ka koi bhi member)...
judges ashaar ki ghalatiyan bhi note karian gay /ashaar ki quality bhi deekhi jaye gee...or jitna acha response rehye ga kisi team ki taraf say woh sab bhi note kia jaye ga ..
competition main Gupshup allowed nahi hai ....
participants kay elawa koi or posting na karay ....(judges bhi beech main posting na karian)
ummid hai rules sab ko samajh a gay houn gay ...pher bhi koi masla hai to is thread main pouch saktay hian

http://www.pegham.com/showthread.php...388#post749388


Baitbaazi ka aghaz main is shair say karti houn ...(agay team A ya B koi sa bhi member shuru kar sakta hai )

In barishoN sey dosti achi nahi Faraz
Kacha teyra MakaN hai kuch to khayal ker

[Eshaa Chaudhry]

Re: Baaitbaazi competition

Rakh Apnay pass apnay mah-o-mehar aey falak
Hum khud kisi ki aankh k taray hain in dino'N
Is Ishq nay hamei'N hee nahin muaa'tadil kiya
Us ki bhi Khush mizaaji k charchay hai'N in Dino

[alwaysalone]

Re: Baaitbaazi competition

Vaqt Nai Kar Diye Paamaal ZameeroN K HiSaar
Sirf Ik Aarzoo-E-Amn-O-AmaaN Baaqi Hai..

[Eshaa Chaudhry]

Re: Baaitbaazi competition

Yahan Ke Log Apnay Khawab Apnay Dil Main Rakhty Hain
Tere Shaher Ke Ye Ik Ada Achi Lagi Hum Ko

[alwaysalone]

Re: Baaitbaazi competition

Vaqt Ki Chand Sa'ateN Saaghar~
LauT AayeN To Kiya Tamaasha Ho..

[alwaysalone]

Re: Baaitbaazi competition

Yahan Ke Log Apnay Khawab Apnay Dil Main Rakhty Hain
Tere Shaher Ke Ye Ik Ada Achi Lagi Hum Ko

Voh Kiya Ghum Hai Jisay Dohra Rahay HaiN Aap BarsoN Se
Voh Kiya Dukh Hai, MiTaatay HaiN Jisay Har Baar Likhtay HaiN..

[Eshaa Chaudhry]

Re: Baaitbaazi competition

Voh Kiya Ghum Hai Jisay Dohra Rahay HaiN Aap BarsoN Se
Voh Kiya Dukh Hai, MiTaatay HaiN Jisay Har Baar Likhtay HaiN..

Na to gham ki dhoop jala saki na to mausmon ka asar huaa
woh meri wafa ka hi phool tha jo abhi talak hai khila huaa
meri baat aur hai choriey main aseer-e-jazba-e-ishq hoon
zara apnay dil ko bhi dekhiye yeh bataiy isey kiya huaa

[alwaysalone]

Re: Baaitbaazi competition

Na to gham ki dhoop jala saki na to mausmon ka asar huaa
woh meri wafa ka hi phool tha jo abhi talak hai khila huaa
meri baat aur hai choriey main aseer-e-jazba-e-ishq hoon
zara apnay dil ko bhi dekhiye yeh bataiy isey kiya huaa

Ik Aag Ghum-E-Tanhaayi Ki Jo Saaray Badan Main Phel Gayi
Jub Jism Hi Saara Jalta Ho, Phir Daaman-E-Dil Ko BachayeN Kiya..

[Eshaa Chaudhry]

Re: Baaitbaazi competition

Ik behtee rait ki dehshat hay
Aur raiza raiza khwab meray
Bas ik musalsal hairat hay
Kya saahil, kya gardaab meray

[alwaysalone]

Re: Baaitbaazi competition

Yeh Sub Gudaaz Dil-O-Zehn Ka Nateeja Hai
K Umr Bhar Main Kisi K Liye Udaas Raha..

[Eshaa Chaudhry]

Re: Baaitbaazi competition

Inko dil mein sambhal kar rakho
Inko Socho bohat qareeno'N se
Chand saanso'N se toot jatay hain
Lafz naazuk hain Aabgeeno'N se

[alwaysalone]

Re: Baaitbaazi competition

Yeh Keh Kay Miri Neend, Miray Khvaab Bhi Cheenay
Mujh Se UnheN Darkaar Ijaazat Nahi Meri..

[Eshaa Chaudhry]

Re: Baaitbaazi competition

Ya saans ka lena bhi guzar jana hay jee se
Ya maarka-e-Ishq bhi ik khail tha dil ko
Wo aai'N to heraa'N ,wo Jaae'N to paresha'N
Yaarab koi samjhaey ye kya ho gaya dil ko

[alwaysalone]

Re: Baaitbaazi competition

Voh Tabassum AafreeN ChehroN Se Khaaye HaiN Fareb
Jub Koi Be-Saakhta HaNsta Hai, Bhar Aata Hai Dil..

[Eshaa Chaudhry]

Re: Baaitbaazi competition

Lo main aankhei'N bund kiey letee hun, ab tum rukhsat ho lo
Dil to janay kya kehta hay, lekin dil ka kya kehna