Ajab Pagal Si Larki Thi...

[Main Shayar To Nahi]

*~* AJAB PAGAL SI LARKI THI *~*


Ajab Pagal Si Larki Thi
Mujhay Har Roz Kehti Thi
Batao Kuch Naya Likha ?
Kabhi Uss Se Jo Kehta Tha
k Main Ne Nazm Likhi Hay
Magar Unwan Dena Hay
Bohat Betab Hoti Thi
Vo Kehti Thi
Sunao...
Main Isay Acha Sa Ik Unwan Deti Hoon
Vo Meri Nazm Sunti Thi
Aur Uss Ki Bolti Aankhein
Kisi Missrey,Kisi Tashbeeh Par Yun Muskurati Thin
Mujhay Lafzoon Se Kiranein phootTi Mehsoos Hoti Thin
Vo Phir Iss Nazm Ko Acha Sa Ik Unwan Deti Thi
Aur Uss k Aakhri Missrey k Neechay
Ik Adaay Be Niazi Se
Vo Apna Naam Likhti Thi
Main Kehta Tha
Suno....
Yeh Nazm Meri Hay
To Phir Tum Ne Apnay Naam Se Mansoob Kar Li Hay ?
Meri Yeh Baat Sun Kar Uss Ki Aankhein Muskurati Thin
Vo Kehti Thi,Suno
Saada Sa Rishta Hay
k Jaisy Tum Mere Ho,Iss Tarah Yeh Nazm Meri Hay
Ajab Pagal Si Larki Thi...!!!

[La'hasil]

Re: Ajab Pagal Si Larki Thi...

BUhat Khooobsurat

[baqarkashmiri]

Re: Ajab Pagal Si Larki Thi...

very nice