~~*"kaainaat ka intikhaab"*~~

[kaainaat]

teri rehmaton k diyaar main,teray badalon ko pta nahi ..............
abhi aag sard howi nahi ,abhi ik alaao bhuja nahi ......................
meri bazm-e-dil tu ujar chuki,mera farsh-e-jaan tu simat chuka..
sabhi ja chukay meray ham nasheeen,magar aik shaks gya nahi.
dar-o-baam sab nay sja liye,sabhi roshni main naha liye.............
meri ungliyaan bhi jhulas gae,magar ik charaag jala nahi...........
gham-e-zindagi teri raah main,shab-e-arzoo teri chah main .......
wo ujar gya jo basa nahi,wo bichar gya jo mila nahi...................
jo dil-o-nazar ka saroor tha,meray pas reh k bhi dour tha............
wahi ik gulaab umeed ka,meri shakh-e-jaan pay khila nahi.........
pas-e-kaarvaan,sar-e-rehguzar,main shikasta paa hon tu ecliye.
keh qadam tu sab say mila liye,mera dil kisi say mila nahi...........
mera hamsafar jo ajeeb hay,tu ajeeb tar hon main aap bhi..........
mujhay manzilon ki khabar nahi,osay raaston ka pta nahi..........

[Yaaram]

Re: ~~*"kaainaat ka intikhaab"*~~

wah bohat achay