*~..~*samandar Pochta Hay *~..~*

[kaainaat]

samandar puchta hay ab wo dono kyun nahi aatay
wahi dono jo bheegee rait par
ik doosray ka haath thaamay dour tak
kabhi hanstay ,kabhi kuch gungunatay
ya kabhi chup chaap baithay dour ufaq ki goud main
ruposh honay wala suraj daikhtay
aansu bahaatay lout jatay

Samandar puchta hay ab wo dono kyun nahi aatay
jo aatay thay tu apnay sath kitnay khawab latay thay
kabhi saahil say dhairon sippiyaan chuntay thay
nangay paaon pani main chalay atay thay
bheegee rait say nanhay gharonday bhi banatay thay
or oun main sippiyaan ,rangeen say kuch sangraizay yun sajatay thay
keh jaisay aaj k jugnu say lamhay
aanay walay kal ki muthi main chupatay thay

Samandar pochta hay ab wo dono kyun nahi aatay
magar samandar nay khizaa ki siskiyaan lait howi
ik shaam ko ...wo nojawano ko nahi daikha
jo dair tak tanha sar-e-saahil raha baitha
phir osnay dhair saray khatt
boht say phool sukhay aur tasvirain ....aur
apnay aakhri aansu
samandar k hawalay kardiye.....