Kash-ma-kash

[Ainy Guriya]

MEIN TUJHE BHOOL GAI,YE BHI NAHI LEKIN...
MEIN TUJHE YAAD BHI HAR WAQT NAHI KER SAKTI...
ZINDAGI KITNI HAMA-GEER HAI, KITNI PURSHOR...
SIRF ASHKON SE DAMAN KO BHAR NAHI SAKTI...

KAISE FITRAT KE TAKAZON SE KINARA KER LOON...
KIS TERHA TALKHI-E-ZEHRAAB GAWARA KER LOON...
ZINDAGI KITNI HAMA-GEER HAI,KITNI PURSHOR...

MEIN MOHOBBAT KE TAKAZE BHI SAMAJHTI HOON MAGER...
MEIN HAQEQAT KE ISHARE BHI TO PEHCHANTI HOON...
MEIN TERI YAAD MEIN KHUD APNE SE GAFIL HO JAAON...
MA SIWA APNE KISI AUR KO BHI JANTI HOON...

ZINDAGI SIRF TARANA HI TARANA TO NAHI...
KUCH HAQEQAT BHI HAI YE MEHEZ FASANA TO NAHI...
MEIN HAQEQAT KE ISHARE BHI TO PEHCHANTI HOON...

SHER-O-NAGMA MEIN GUZERTI HUI RANGEEN RAATE...
KAUN HOGA JINHE NAGMAT KA EHSAAS NAHI...
TALKHI-E-GHAM BHI TO IK THOS HAQEQAT HAI MAGER...
KAUN HAI JISKO HAQEQAT KA ZARA PASS NAHI...

YE DHARKTE HUE DIL AUR YEH KHANAKTE HUE SAAZ...
YE MEHEKTE HUE NAGMAT, YE BAJTI AAWAZ...
KAUN HOGA JISSE NAGMAT KA EHSAAS NAHI...

ZINDAGI KITNI HUMA-GEER HAI, KITNI PURSHOR...
AUR IS SHOR MEIN NAGMO KI HAQEQAT KITNI...
MEIN TUJHE YAAD KIYE JAAON YE MUMKIN HAI MAGER...
ISS HUMA-GEERI MEIN IK YAAD KI FURSAT KITNI...

KITNE DIL CHASP HAIN, ULFAT KE TARAANE LEKIN...
KITNE RANGIN HAI YE SAADA SE FASANE LEKIN...
ISS HUME-GEERI MEIN IN SAB KI HAQEQAT KITNI...

ISS HUMA-GEERI MEIN IN SAB KI HAQEQAT KITNI?

[Muhammad Khalil]

Re: Kash-ma-kash

great g

[Shakh-e-Tamana]

Re: Kash-ma-kash

zaberdast..