kabhi aah lab pe machal gai

[Berhi_Bee]

kabhi aah lab pe machal gai, kabhi ashk aaNkh se Dhal gaye ..
yea tumharey Gham ke chiraaGh hain, kabhi bujh gaye kabhi jal gaye ..

main Khayaal-o-Khwaab ki mehfilain na ba-qadr-e-shauq saja saka ..
tumhari ik nazar ke saath hi, mere sab iraadey badal gaye ..

kabhi rang main kabhi roop main, kabhi chhaaooN main kabhi dhoop main ..
kaheen aaftaab-e-nazar hain wo, kaheen maahataab main Dhal gaye ..

jo fanaa huwey Gham-e-ishq main, unhain zindagi kaa na Gham huaa ..
jo na apani aag main jal sakey, wo paraii aag main jal gaye ..

hey unhain bhi meri tarah junooN, to phir un main mujh main ye farq kya ..
main giraft-e-Gham se na bach saka, wo hudood-e-Gham se nikal gaye

[Masood]

Re: kabhi aah lab pe machal gai

Bohat khoob intikhaab hai ji very welcome to Pegham :)

[Yaaram]

Re: kabhi aah lab pe machal gai

kabhi aah lab pe machal gai, kabhi ashk aaNkh se Dhal gaye ..
yea tumharey Gham ke chiraaGh hain, kabhi bujh gaye kabhi jal gaye ..

main Khayaal-o-Khwaab ki mehfilain na ba-qadr-e-shauq saja saka ..
tumhari ik nazar ke saath hi, mere sab iraadey badal gaye ..

kabhi rang main kabhi roop main, kabhi chhaaooN main kabhi dhoop main ..
kaheen aaftaab-e-nazar hain wo, kaheen maahataab main Dhal gaye ..

jo fanaa huwey Gham-e-ishq main, unhain zindagi kaa na Gham huaa ..
jo na apani aag main jal sakey, wo paraii aag main jal gaye ..

hey unhain bhi meri tarah junooN, to phir un main mujh main ye farq kya ..
main giraft-e-Gham se na bach saka, wo hudood-e-Gham se nikal gaye

Kya kamal ka intikhab hay aapka ...mazeed share karte rahein .........Shukrya :) aur Pegham per Welcome

[Berhi_Bee]

Re: kabhi aah lab pe machal gai

thx:)