Dil_E_Veeran Ki Diary Sai Intekhaab .

[_Dard_Aashna_]

Re: Dil_E_Veeran Ki Diary Sai Intekhaab .

mere sathi
meri yeh rooh
mere jisam se perwaz ker jaye
to loat aana
meri be-khwaab raton
k aazaboon per
shikaste saher main tum bhi
zara si dair ko rukna
mere be-noor honton ki duaaoon per
tum apni serd paishani ke pether
rakh ke roo daina
mujhe itni baat keh daina
mujhe tum se muhabbat hai.
Han mujhe tumse mohabbat hai...

[_Dard_Aashna_]

Re: Dil_E_Veeran Ki Diary Sai Intekhaab .

Agar Ham Dost Hotey
To Karam Ki Inteha Kartey
Tumhen Palkon Pey Rakhtey Ham
Tumhen Dil Men Basatey Ham
Agar Tum Rooth Jaatey To
Tumhen Kitna Manatey Ham
Jo Milney Tum Nahi Aatey To
Aa kar Khud Tumhen Miltey
Tumhari Laghzishon Ko Bhi
Hansi Main Ham Ura Detey
Agar Apni Khata Hoti
To Khud Ko Bhi Saza Detey
Magar Ye Sab Jabhi Hota
Agar Ham Dost Hotey To
Magar Itna Hi Jana Hey
K Tum Ney Aaj Tak Ham Ko
Paraya Keh Kar Jana Hey
Kabhi Hamdam Naa Mana Hey
Agar Ham Dost Hotey To..

[_Dard_Aashna_]

Re: Dil_E_Veeran Ki Diary Sai Intekhaab .

tumhain aesa kyon lagta hay
kay ham khud dhondtay hain apnay rishton ko
sunoo jana kabhi aesa nahi hota
tumharay or meray chahnay say kuch nahi hota
kay sab rishtay sabhi bandhan kahin pehlay say rakhain hain
wo saray aanay walay pal jo aakhir beet jatay hain
jo ham say jeet jatay hain
wo sab pehlay say rakhain hain
samajh kar ,soch kar rakhain hain saray pal
sabhi rishtay sabhi mousam
muhabbat bhi to lamha hay
muhabbat bhi to mousam hay
ye kis kay dil pay utray ga
kahan par kab khilay ga kon si galyon main mehkay ga
na'janay kon sa dil is kay rangoon main fana hoga
na'janay kon is lamhay ko patay hi,
ghani tareek galyon ki musafat say raha hoga
wazahat ham nahi kartay
muhabbat ham nahi kartay

ye to har waqt hamaray sath chalti hay
lahu ki dhop main chup chap jalti hay
hina ki khushbo'on main jab utarti hay hamari jaan leti hay
ye ham main bandh deti hay naey mousam ,naey soraj
ye ham ko sunp deti hay koi aezaaz
jis ka maan rakhna farz hota hay
ye ham par bojh banti hay
ye ham par qarz hota hay


kahan kis par nichhawar karni hay
ye chahat ham nahi kartay
sunoo jana muhabbat ham nahi kartay

[_Dard_Aashna_]

Re: Dil_E_Veeran Ki Diary Sai Intekhaab .


ye raat ye tanhaa_ii
ye dil ke dha.Dakane kii aavaaz
ye sannaaTaa

ye Duubate taaro.n kii
Khaamosh Gazal_Khvaanii
ye vaqt kii palko.n par
sotii hu_ii viiraanii
jazbaat-e-muhabbat kii
ye aaKhirii anga.Daa_ii
bajatii hu_ii har jaanib
ye maut kii shahanaa_ii

sab tum ko bulaate hai.n
pal bhar ko tum aa jaao
band hotii merii aa.Nkho.n me.n
muhabbat kaa
ik Khvaab sajaa jaao

[_Dard_Aashna_]

Re: Dil_E_Veeran Ki Diary Sai Intekhaab .

Teri Ankhoon Si Ankhien
aaj aik chehray pe dekhi hien
Wuhi rungut ' banawat
aur waisi beyrukhi un mien
bichurtay waqt ju main ne
Teri ankhoon mein dekhi thi

Teri ankhoon si ankhoon ne
mujeh aik PuL ko dekha tha
wuh puL aik aam sa puL tha
mager os aam se puL mien
puraanay kitnay mausum' kitnay munzur main ne dekhay thay
Meri jaa'n main samjha tha
teri ankhoon si ankhien jub
meri ankhoon ko dekheingi
tao ik Lumhay ko soochaingi
keh in ankhoon ko pehLay bhi
kisi chehray pe dekha hai
Mager in jheeL ankhoon mein
shanasaayi nahi jaagi
Meri Ankhien ~!!
teri ankhoon si ankhoon ke Liey
kaab khaas ankhien thien
teri ankhoon ne shaayid yeh
kaayi chehroon per dekhi hoon
keh yeh tao AAM ankhien hien

Main aisa sooch sakta tha
mager main kya keroon diL ka
ju ub yeh yaad rukheyga
teri ankhoon si ankhien
main ne aik chehray pe dekhi thien
phir os k baad kitnay din
meri ankhoon mein sawan tha

[_Dard_Aashna_]

Re: Dil_E_Veeran Ki Diary Sai Intekhaab .

Iss tarha milay ho tum
jaise tareek rahoon pe
koi diya ho madham sa
jis ki roshni mein khud ko
dekh to sakta hon magar
ye roshni ka safar
shayad mera humsafar na ho
shayad ke tera milna kabhi bhi
meri zindagi ka muqadar na ho
so, aaj inhein lamhoon mein
louta doon jitni chahatien hain
mere dil ke naha khanoon mien
jitni unkahi baatein hain
phir kal fursat milay ya nahi
jis tarah saji hai aaj apni mahfil
phir ye bazm kabhi sajay ya nahi
kyun ke mein jaanta hon
meri natamaam khahishoon mein aab
tumhein bhi shamil hona hai
aaj paya hai tumhien muqadar se
kal ki tarah tumhein khoona hai

[_Dard_Aashna_]

Re: Dil_E_Veeran Ki Diary Sai Intekhaab .

nazar bujhi tu karishmey bhi roz o shab ke gaye

ke ab talak nahi aye wo log jab ke gaye

suney ga kon teri bewafaion ka gila

yehi hey rasm e zamana tu ham bhi ab ke gaye

ab aaye ho tu yahan kia hai dekhney ke liye

ye shehr kab sey hain viran wo log kab ke gaye

garifta dil thy magar hosla na hara tha

garifa dil hain magar hosley bhi ab ke gaye

tum apni sham e tamanna ko ro rahe ho faraz

in aandhion mein tu peyary charagh sab ke gaye

[_Dard_Aashna_]

Re: Dil_E_Veeran Ki Diary Sai Intekhaab .

Aarzoo hay wafa karay koye
Ji na chahay to kya karay koye


Gar marz ho dawa karay koye
Marnay walay ka kya karay koye
Kostay hain jalay hoye kya kya
Apnay haq main dua karay koye

Un say sab apni apni kahtay hain
Mera matlab ada karay koye

Tum sarapa ho surat-e-tasveer
Tum say phir baat kya karay koye

Jis main laakhon baras ki hooren hon
Aaisi jannat ka kya karay koye

[_Dard_Aashna_]

Re: Dil_E_Veeran Ki Diary Sai Intekhaab .

har ek chehare ko zaKhmo.n kaa aa_iinaa na kaho
ye zindagii to hai rahamat ise sazaa na kaho

na jaane kaun sii majaburiyo.n kaa qaidii ho
vo saath chho.D gayaa hai to bevafaa na kaho

tamaam shahar ne nezo.n pe kyuu.N uchhaalaa mujhe
ye ittefaaq thaa tum is ko haadasaa na kaho

ye aur baat ke dushman huaa hai aaj magar
vo meraa dost thaa kal tak use buraa na kaho

hamaare aib hame.n ungaliyo.n pe ginvaao
hamaarii piiTh ke piichhe hame.n buraa na kaho

mai.n vaqiyaat kii zanjiir kaa nahii.n qaayal
mujhe bhii apane gunaaho.n kaa silsilaa na kaho

ye shahar vo hai jahaa.N raakshas bhii hai "Rahat"
har ek taraashe huye but ko devataa na kaho

[_Dard_Aashna_]

Re: Dil_E_Veeran Ki Diary Sai Intekhaab .

kabhii to khul ke baras abr-e-meharabaa.N kii tarah
meraa vajuud hai jalate hue makaa.N kii tarah

bharii bahaar kaa siinaa hai zaKhm zaKhm magar
sabaa ne gaaye hai.n lorii shafiiq man kii tarah

vo kaun thaa jo barahanaa badan chaTTaano.n se
lipaT gayaa thaa kabhii bahr-e-bekaraa.N kii tarah

sakuut-e-dil to jaziiraa hai barf kaa lekin
teraa Khuluus hai suuraj ke saayebaa.N kii tarah

mai.n ik Khvaab sahii aap kii amaanat huu.N
mujhe sambhaal ke rakhiyegaa jism-o-jaa.N kii tarah

kabhii to soch ke vo shaKhs kis qadar thaa bula.nd
jo bichh gayaa tere qadmo.n me.n aasmaa.N kii tarah

bulaa rahaa hai mujhe phir kisii badan kaa basa.nt
guzar na jaaye ye rut bhii kahii.n Khizaa.N kii tarah

lahuu hai nisf sadii kaa jis ke aabagiine me.n
na dekh "Prem" use chashm-e-arGavaa.N kii tarah

[_Dard_Aashna_]

Re: Dil_E_Veeran Ki Diary Sai Intekhaab .

paa-ba-gil sab hain rihaaii ki kare tadabeer kaun
dast-basta shahar mein khole meri zanjeer kaun

mera sar haazir hai lekin mera munsif dekh le
kar rahaa hai mere fard-e-jurm ko tahareer kaun

meri chaadar to chhinee thi shaam kee tanhaaii ne
be-ridaaii ko meri phir de gayaa tashaheer kaun

neend jab khvaabon se pyaari ho to aise ahad mein
khvaab dekhe kaun aur khvaabon ko de taabeer kaun

ret abhi pichhle makaanon kii na vaapas aaii thii
phir lab-e-saahil gharaundaa kar gayaa taamir kaun

saare rishte hijraton mein saath dete hain to phir
shehar se jaate hue hotaa hai daaman-geer kaun

dushmanon ke saath mere dost bhi aazaad hain
dekhnaa hai kheenchataa hai mujh pe pehlaa teer kaun

Parveen Shakir

[_Dard_Aashna_]

Re: Dil_E_Veeran Ki Diary Sai Intekhaab .

main ne dekhaa diivaanoun ko shaam ke baad
Dhundh rahe the viiraanoun ko shaam ke baad

tariiki phir saare aib chhupa legi
le aana ghar mahmaanon ko shaam ke baad

main ne us ka sog manaya kuch aisa
Khali rakha paimanon ko shaam ke baad

yaad kare jab mujh ko teri tanhai
dekha karnaa guldaanon ko shaam ke baad

chaand ke khouf se kar leta hun band
kamre ke raushandaanun ko shaam ke baad !!

[_Dard_Aashna_]

Re: Dil_E_Veeran Ki Diary Sai Intekhaab .

[_Dard_Aashna_]

Re: Dil_E_Veeran Ki Diary Sai Intekhaab .

woh charagar mere zakhmon ko cherrney wala
dawa ko chhorr key deney laga duaein mujhye

[_Dard_Aashna_]

Re: Dil_E_Veeran Ki Diary Sai Intekhaab .


Wo jab se gaya, shahar mein hai qahat-e-raqIIbaa'n
Iss shahar kee raunaq thee usee shakhs key dam se