Hum to chalte hain..............lo Khuda Hafiz

[Zafar M.]

ham to chalate hai.n lo Khudaa haafiz
but_kadaa kaa buto.n Khudaa haafiz

kar chuke tum nasiihate.n ham ko
jaao bas naaseho Khudaa haafiz

aaj kuchh aur tarah par un kii
sunate hai.n guftaguu Khudaa haafiz

bar yahii hai hameshaa zaKhm pe zaKhm
dil kaa chaaraaGaro.n Khudaa haafiz

aaj hai kuchh ziyaadaa betaabii
dil-e-betaab ko Khudaa haafiz

kyo.n hifaazat ham aur kii Dhuu.Ndhe.n
har nafas jab ki hai Khudaa haafiz

chaahe ruKhsat ho raah-e-ishq me.n aql
ai "Zafar" jaane do Khudaa haafiz

Shayar: Bahadur Shah Zafar

[aik_lerki]

Re: Hum to chalte hain..............lo Khuda Hafiz

:rose very nice

[Sawabiwal]

Re: Hum to chalte hain..............lo Khuda Hafiz

zabardast intikhab