tum bhi Khafaa ho log bhii beraham hai.n dosto ..

[sham-e-mehfil]

tum bhi Khafaa ho log bhii beraham hai.n dosto
ab ho chalaa yaqii.n ke bure ham hai.n dosto

kis ko hamaare haal se nisbat hai kyaa kare.n
aa.Nkhe.n to dushmano.n kii bhii pur_nam hai.n dosto

apane sivaa hamaare na hone kaa Gam kise
apanii talaash me.n to ham hii ham hai.n dosto

kuchh aaj shaam hii se hai dil bhii bujhaa bujhaa
kuchh shahar ke chiraaG bhii maddham hai.n dosto

is shahar-e-aarazuu se bhi baahar nikal chalo
ab dil kii raunaqe.n bhii ko_ii dam hain dosto

sab kuchh sahii 'Faraz' par itanaa zaruur hai
duniyaa mein aise log bahut kam hain dosto

[seeker]

[sham-e-mehfil]

Re: tum bhi Khafaa ho log bhii beraham hai.n dosto ..


thanks...............:jazak: