S.Faryal.Naz kaa Intikhaab

[S.Faryal.Naz]

Ajnabi Shaher Mein Ajnabi Raaste...

Ajnabi Shaher Mein Ajnabi Raaste,

Meri Tanhaai Par Muskuraate Rahe..
Mai Bahut Der Tak Yoonhi Chalta Raha,
Tum Bahut Der Tak Yaad Aate Rahe...
Zehar Milta Raha, Zehar Peete Rahe..
Roz Marte Rahe, Roz Jeete Rahe..
Zindagi Bhi Humein Aazmaatii Rahii,
Aur Hum Bhi Zindagii Ko Aazmaate Rahe..
Zakhm Jab Bhii Koi Zehen o Dil Par Laga,
Zindagii Ki Taraf Ek Dareecha Khula,
Hum Bhi Goya Kisi Saaz Ki Tarah Hain,
Chot Khaate Rahe, Gungunaate Rahe,
Sakht Haalaat Ke Tez Toofaan Mein,
Gir Gaya Thaa Hamara Junoon e Wafa,
Hum Chiraag-e-Tamannaa Jalaate Rahe,
Woh Chiraag-e-Tamannaa Bujhaate Rahe..
Ajnabi Shaher Mein Ajnabi Raaste,
Meri Tanhaai Par Muskuraate Rahe..
Mai Bahut Der Tak Yoonhi Chalta Raha,
Tum Bahut Der Tak Yaad Aate Rahe...