yaad aata hai mujhe bachpan mera ....

[Wafa]

:rose :rose :rose
yaad aata hai mujhe bachpan mera
ek parinda dost tha bas jab mera
sang usske udna chaha seekhna
par parinda hans diya aur ud gaya

dost meri ek tittli bhi to thi
jiske rangon ki rahi hasrat mujhe
khushboo ka uska safar chahat meri
par vo tittli muskurai ud gai

meri muthi me bohut se jugnu the
maine socha zindagi roshan karun
par jo kholi muthi saare ud gae
meri duniya bas andheri hi rahi

ek chirya roz gana gati thi
har subah khirki pe meri rahti thi
main vo gana seekhna bhi chahti thi
par meri aawaz us jaisi na thi

ek patang udati falak me door thi
uskaa thin thin dolna acha laga
door uski thami thi ke paa sakun
kat gai thi vo patang aur roh di main

chahaten poori nahi ho paati hain
jaana us din maine tanha baith kar
zindagi hai aur chahat aur hai
ik haqeeqat hai aur ik bas khwab hai

:rose :rose :rose

[aik_lerki]

Re: yaad aata hai mujhe bachpan mera ....

Bohat khoob

[Wafa]

Re: yaad aata hai mujhe bachpan mera ....

shukriya aik larki.........:rose

[Hamsafar]

Re: yaad aata hai mujhe bachpan mera ....

Yaad ata hai wo bachpan ka zamana

its really great
u know aik martaba mere friend ne ye ghazl gift ki thi
i love it

[Khushi]

Re: yaad aata hai mujhe bachpan mera ....

bhot khubsurat..bachpan tou aik golden period hota hai insan ki life ka.

Mujh ko achi nahi lagten ye shauri baten
hi bachapan ka zamana woh adhori baten

[Daood]

Re: yaad aata hai mujhe bachpan mera ....

Wah