Nice Hai Naaaaaaaaaaa...........

[nicekhan_05]

Apanii Rusavaaii Tere Naam Ka Charchaa Dekhuu.N

Apanii rusavaaii tere naam ka charchaa dekhuu.N
Ek zaraa sher kahuu.N aur mai.n kyaa kyaa dekhuu.N

Neend aa jaaye to kyaa mehfile.n barpaa dekhuu.N
AaNkh khul jaaye to tanhaaii kaa sahara dekhuu.N

Shaam bhii ho gaii dhundhalaa gaii aa.Nkhen bhii merii
Bhuulanevaale mai.n kab tak teraa rastaa dekhuu.N

Sab zide.n us kii mai.n puurii karuu.N har baat sunuu.N
Ek bachchay kii tarha se use ha.Nstaa dekhuu.N

Mujh pe chaaa jaaye vo barasaat kii Khushbuu kii tarah
Ang ang apanaa usii rut me.n mehektaa dekhuu.N

Too merii tarah se yaktaa hai magar mere habib
Jii me.n aataa hai koii aur bhii tujh saa dekhuu.N

Mai.n ne jis lamhe ko puujaa hai use bas ek baar
Khwaab ban kar terii aa.Nkhon mein utarataa dekhuu.N

Too meraa kuchh nahii.n lagataa hai magar Jaan-e-Hayaat
Jaane kyo.n tere liye dil ko dha.Rakataa dekhuu.N

[Salauddien Mengal]

Re: Nice Hai Naaaaaaaaaaa...........

so nice thanks for shairing..

[Khushi]

Re: Nice Hai Naaaaaaaaaaa...........

ji waquii nice hai

[Yaaram]

Re: Nice Hai Naaaaaaaaaaa...........

Bohat umdah sharing hay bhai keep sharing :rose

[Muhammad Khalil]

Re: Nice Hai Naaaaaaaaaaa...........

naaaaaaaaaaaaaaaaaaaaaaaaaaaaaaaaa

[Hamsafar]

Re: Nice Hai Naaaaaaaaaaa...........

Nice Hai

[Masood]

Re: Nice Hai Naaaaaaaaaaa...........

Very nice :)

[nicekhan_05]

Re: Nice Hai Naaaaaaaaaaa...........

Bahot Shukriya Aap Sab Ka

[nicekhan_05]

Re: Nice Hai Naaaaaaaaaaa...........

Isii Mein Khush Hoon Meraa Dukh Koii To Sahataa Hai

Isii mein Khush hoon meraa dukh koii to sahataa hai
Chalaa chalooN ke jahaaN tak ye saath rehtaa hai

Zamiin-e-Dil yuuN hii shaadaab to nahin ai dost
Qareeb mein koii dariyaa zaroor behtaa hai

Na jaane kaun saa fiqraa kahaaN raqm ho jaaye
Dilon kaa haal bhii ab kaun kis se kehtaa hai

Mere badan ko namii khaa gaii ashkon kii
Bharii bahaar mein jaise makaan Dahataa hai

[nicekhan_05]

Re: Nice Hai Naaaaaaaaaaa...........

Poora Dukh Aur Aadhaa ChaaNd

Pooraa dukh aur aadhaa chaaNd
Hijr kii shab aur aisaa chaaNd

Itane ghaney baadal ke piichhe
Kitanaa tanhaa hogaa chaaNd

Merii karavat par jaag uthe
Neend kaa kitanaa kachchaa chaaNd

Sehraa sehraa bhatak rahaa hai
Apane ishq mein sachchaa chaaNd

Raat ke shaayad ek baje hain
Sotaa hogaa meraa chaaNd

[nicekhan_05]

Re: Nice Hai Naaaaaaaaaaa...........

Terii Khushbuu Ka Pataa Karatii Hai


Terii Khushbuu ka pataa karatii hai
Mujh pe ehasaan hawaa karatii hai

Shab kii tanhaaii mein ab to aksar
Guftaguu tujh se rahaa karatii hai

Dil ko us raah pe chalanaa hii nahiin
Jo mujhe tujh se judaa karatii hai

Zindagii merii thii lekin ab to
Tere kehne mein rahaa karatii hai

Us ne dekhaa hii nahiin varnaa ye aankh
Dil kaa ehevaal kahaa karatii hai

Beniyaaz-e-Kaaf-e-Dariyaa ungusht
Reit par naam likhaa karatii hai

Shaam parte hii kisii shakhs kii yaad
Kuuchaa-e-Jaan mein sadaa karatii hai

Mujh se bhii us kaa hai vaisaa hii sulook
Haal jo teraa ana??? karatii hai

Dukh huwa kartaa hai kuchh aur bayaaN
Baat kuchh aur huwa karatii hai

Abr barase to inaayat us kii
Shaakh to sirf duwa karatii hai

Maslaa jab bhii uthaa chiraaghon kaa
Faisalaa sirf hawaa karatii hai

[nicekhan_05]

Re: Nice Hai Naaaaaaaaaaa...........

Baarish huii To Phoolon Ke Tan Chaak Ho Gaye

Baarish huii to phoolon ke tan chaak ho gaye
Mausam ke haath bhiig ke saffaak ho gaye

Baadal ko kyaa Khabar ki baarish kii chaah mein
Kitne Buland-o-Baalaa shajar Khaak ho gaye

Jugnuu ko din ke waqt pakarne kii zid karein
Bachche hamaare ahad ke chaalaak ho gaye

Lehraa rahii hai barf kii chaadar hataa ke ghaas
Suuraj kii sheh pe tinake bhii bebaak ho gaye

Suuraj dimaagh log bhii Iblaagh-e-Fikr mein
Zulf-e-Shab-e-Firaaq ke pechaak ho gaye

Jab bhii Gariib-e-Sheher se kuchh guftaguu huii
Lehje Hawaa-e-Shaam ke nam_naak ho gaye

Saahil pe jitane aab_guziidaa the sab ke sab
Dariyaa ke rukh badalate hii tairaak ho gaye

[Daood]

Re: Nice Hai Naaaaaaaaaaa...........

Wah

[Daood]

Re: Nice Hai Naaaaaaaaaaa...........

Wah