Merey Naam Kar Do

[nicekhan_05]

Tum apni ankhon ki kaali shaam merey naam kardo

Phir chahey jo ilzam merey naam kardo

Ik umer se tumhari chahat basi hai rooh mein

Tum bhee apni har tumanna mujhey daan kardo

Mein khuley Asmaan taley khara hoon

Tum apni mohabbat ki rida mujh par dhaal kardo

Mohabbat to hai iqrar ki mohtaaj

Tum apna har lafz har sher merey naam kardo

[nicekhan_05]

Re: Merey Naam Kar Do

~~Nadaan~~

kitaabon mein mere fasaane dhoondte hain

naadaan hain guzre zamaane dhoondte hain

jab woh the....!! talaash-e-zindagi bhi thi
ab to maut ke thikaane dhoondte hain..!!

kal khud hi apni mehfil se nikaala tha..!!

aaj hue se deewaane dhoondte hain...!!

musaafir be-khabar hain teri aankhon se
tere shahar mein maikhaane dhoondte hain

tujhe kya pataa ae sitam dhaane waale
hum to rone ke bahaane dhoondte hain...!!

unki aankhon ko youn dekho na "KaMaL"

naye teer hain...!! nishaane dhoondte hain..!!

[nicekhan_05]

Re: Merey Naam Kar Do

Zakhm

mohabbat ke raaz hum tumhe bataayen kya
zakhm hi zakhm hain dil dikhaayen kya

dhaanptaa hoon moonh to paer dikhte hain
poochhiye kafan se hum chhupaayen kya

hai khel zindagi ka taqdeeron ke haath mein
jo hona hai so hona hai ghabraayen kya...?

utthaa rahe hain tere dar se mujhko log
tum kaho to duniya se utth jaayen kya....?

unka shahar hai unke log unhi ki mehfil
yaa.n kisi ko apni dastaa.n sunaayen kya

shayad umeedon se baazi maar laaye ishq
aakhiri dhadkan bhi daav par la0gaayen kya..?

[Wafa]

Re: Merey Naam Kar Do

bohot khoob nice khan........ :rose

[nicekhan_05]

Re: Merey Naam Kar Do

Chand Tanha Hay ... IK GHAZAL

Chand tanha hai aasman tanha
Dil mila hai kahan kahan tanha
Bujh gae aas chup gaya taara
Thartharata raha dhuwan tanha
Zindage kiya issi ko kehte hain?
Jism tanha hai aur jaan tanha
Hamsafar koi ager mile bhi kahin
Donon chalte rahe tanha tanha
Jalti bujhti roshni ke pare
Simta simta sa ik makan tanha
Raah dekha kare ga sadiyon tak
Chor jaen ge yeh jahan tanha

[nicekhan_05]

Re: Merey Naam Kar Do

:Insight: Thanx a lot

[nicekhan_05]

Re: Merey Naam Kar Do

Naye Naye Hain

naye Dhang haiN ab, zamaane naye haiN
na aane ke un ke, bahaane naye haiN

nahiN kuch hai badla riwaaj-e-muhabbat
hai qissa wahi par, diwaane naye haiN

nigaahoN ki aadat wahi hai puraani
nishaana wahi par, nishaane naye haiN

agar aik bichDa nasheman to kya gham
banaane hameN aashiyaane naye haiN

badal kar qabaa-e-kuhan sochte haiN
hue haal apne puraane naye haiN

rihaa daur-e-maa'zi ki yaadoN se ho kar
anis aaj likhte fasaane naye haiN

[nicekhan_05]

Re: Merey Naam Kar Do

I MISS U

dil nahie lag raha dostoon kay bin
nadaniya gustakiya kuch hasna kuch rona
tha maza roze eik naya un kay saath
ab na woh pal na maza ata hay kyon mujhay rona
kabhi koye baat galat nikal jate agar zuban say
has kay tha dostoon ka hamaray tal dena
diya jinhoon nay muskil waqat per saath
kiya maloom the woh sahara tha mujhay khona
nahie muskil koye un say milna dobara
lekin is office ko bhie hay pora din dekhna
chalo bardash kerna hay aur kiya kerna hay
agar ho zaroorat ko email hum ko ker dena

[Daood]

Re: Merey Naam Kar Do

Wah

[Daood]

Re: Merey Naam Kar Do

Wah