Muntakhib Asha'ar - <Ummid>

[Aania]

lo aaj ham ne to.D diyaa rishtaa-e-ummiid
lo ab kabhii gilaa na kare.nge kisii se ham
(Sahir Ludianvi)


bas ab to daaman-e-dil chho.D do bekaar ummiido
bahut dukh sah liye mai.n ne, bahut din jii liyaa mai.n ne
[Sahir Ludianvi]


chhin ga_ii aaKhirii umiid bhii dil se "Ashaar"
ye sahaaraa hai ki ab koii sahaaraa na rahaa
[Habib Ahmed Ashaar]

na jaane kis liye ummiidavaar baiThaa huu.N
ik aisii raah pe jo terii rahaguzar bhii nahii.n
[Faiz Ahmed Faiz]

yuu.N to har shaam ummiido.n pe guzar jaatii thii
aaj kuchh baat hai jo shaam pe ronaa aayaa
[Shakil Badayuni]

sau sau ummiide.n ba.ndhatii hai.n ik ik nigaah par
mujhako na aise pyaar se dekhaa kare koii
[Sir Mohammad Iqbal]

kuchh kaTii himmat-e-savaal me.n umr
kuchh ummiid-e-javaab me.n guzarii
[Fani Badayuni]

na koii vaadaa na koii yaqii.n, na koii ummiid
magar hame.n to teraa intazaar karanaa thaa
[Firaq Gorakhpuri]

kam se kam maut se aisii mujhe ummiid nahii.n
zi.ndagii tuu ne to dhoke pe diyaa hai dhokaa
[Firaq Gorakhpuri]

hamako un se vafaa kii hai ummiid
jo nahii.n jaanate vafaa kyaa hai
[Mirza Galib]


rahii naa taaqat-e-guftaar aur agar ho bhii
to kis ummiid pe kahiye ke aarazuu kyaa hai
[Mirza Galib]

hame.n phir un se ummiid aur unhe.n hamaarii qadr
hamaarii baat hii puuchhe.n na vo, to kyo.nkar ho ?
[Mirza Galib]

kahate hai.n jiite hai.n ummiid pe log
ham ko jiine kii bhii ummiid nahii.n
[Mirza Galib]

munhasir marane pe ho jisakii ummiid
naa-ummiidii us kii dekhaa chaahiye
[Mirza Galib]

ba hujuum-e-naaumiidii Khaak me.n mil jaa_egii
ye jo ik lazzat hamaarii sa_i-e-behaasil me.n hai
[Mirza Galib]

ko_ii ummiid bar nahii.n aatii
ko_ii surat nazar nahii.n aatii
[Mirza Galib]


ummiid-e-shifaa bhii nahii.n biimaar ko tere
allaah se maayuus huaa bhii nahii.n jaataa
[S. Jaayasi]

saarii ummiid rahii jaatii hai
haay, phir subah hu_ii jaatii hai
['Bismil' Azimabadi]

miT chale merii ummiido.n kii tarah harf magar
aaj tak tere Khato.n se terii Khushbuu na ga_ii
[Akhtar Shirani]

bahut taviil shab-e-Gam hai kyaa kiyaa jaaye
ummiid-e-subah bahut kam hai kyaa kiyaa jaaye
[Shamim Jaipuri]

tark-e-ummiid bas kii baat nahii.n
varanaa ummiid kab bar aatii hai
[Fani Badayuni]

Khalvat-e-ummiid me.n roshan hai ab tak vo chiraaG
jis se uThataa hai qariib-e-shaam yaado.n kaa dhuaa.N
[Hasan Naeem]

[ummid]

Re: Muntakhib Asha'ar - &lt;Ummid&gt;

lo aaj ham ne to.D diyaa rishtaa-e-ummiid
lo ab kabhii gilaa na kare.nge kisii se ham
(Sahir Ludianvi)

hum ne kya kiya???????
khabardar jo hum se koi rishta wishta toda tu.............
you love me na???????:blush: me love you tooooooooooooooooo......:phool:

[Aania]

Re: Muntakhib Asha'ar - &lt;Ummid&gt;

hum ne kya kiya???????
khabardar jo hum se koi rishta wishta toda tu.............
you love me na???????:blush: me love you tooooooooooooooooo......:phool:

arey moto wo to sirf sh'r hai .. aap jinaab se rishta kon torr raha hai .. :khi:

[*Rida*]

Re: Muntakhib Asha'ar - &lt;Ummid&gt;

Assalaam-0-Alaikom:rose

buht zabardast

[ummid]

Re: Muntakhib Asha'ar - &lt;Ummid&gt;

arey moto wo to sirf sh'r hai .. aap jinaab se rishta kon torr raha hai .. :khi:

is moto se rishta toda bhi tu aap ki khair nahi..........

[Salauddien Mengal]

Re: Muntakhib Asha'ar - &lt;Ummid&gt;

Ek shahr aaaaaaarz hai..


pyar kya hai koyee chori nahiee

dil diya hai koyee dohka nahiee.