Humain Dil Laganay ki Adat Nahi Hai

[~*~ Dua ~*~]

Ye kaisi ajabb zindagi ki ghari hai
ke jabb saay ki bhi rafaaqat nahi hai
Koee shakhs un ko nayaa jo milaa to
kahaa k puraanay ki aadat nahi'n hai

Meri aank bojhal na ho garr to kaisay?
koee bojh sehnay ki aadat nahi hai
Koeee aa ke kholay meri bandd aankhai'n
Mujhay abb jagaanay ki aadat nahi hai


Koee khalq ki bandagi jo karay garr
To ye bandagi hai, ibaadat nahi hai
Jo mafhoom poochhay koee abdd kaa to
Kahai'n, ye bataanay ki aadat nahi hai

Safarr ye kathan hai, bataayaa tha un ko
unhai'n saath chalnay mai'n raahat nahi hai
Jo harr pal hamai'n aazmaatay rahay ho'n
Unhai'n aazmaanay ki aadat nahi hai

Wafaa lafzz kehtay rahay umrr bhar jo
Unhai'n ye nibhaanay ki aadat nahi hai
Jo tum khailtay ho to khailo dilo'n se
hamai'n dil lagaanay ki aadat nahi hai

Jo kehtay thay tum ko hai sapno'n mai'n daikha
Woh kehty hai'n khwaabo'n ki aadat nahi hai
Kisi ki hansee yaad aati hai wernaa
Hamai'n muskuraanay ki aadat nahi hai

Jo daikhi woh aankhai'n, qadam un k bojhal
kahai'n hum ko manzil ki chaahat nahi hai
Rahay dasht ke umr bharr jo musaafir
qadam do qadam ki bhi aadat nahi hai

Nayaa shehr harr din, nayaa darr har ik shabb
dagarr poochnay ki bhi haajat nahi hai
Hamai'n gharr milaa bhi to uss waqt Sajid
K jab gharr ko jaanay ki aadat nahi hai

Written By: Sajid Raheem Sheikh

[Masood]

Re: Humain Dil Laganay ki Adat Nahi Hai

Very nice - main to yeh kahoon ga koi aa key karey band meri aankhein, mujhey soney ki aadat nahin hai :D

[*Rida*]

Re: Humain Dil Laganay ki Adat Nahi Hai

Assalaam-0-Alaikom:rose


buht khoob ...

[mahek]

Re: Humain Dil Laganay ki Adat Nahi Hai

Very nice - main to yeh kahoon ga koi aa key karey band meri aankhein, mujhey soney ki aadat nahin hai :D

itna bojh jo hai aankho pe :D

[Masood]

Re: Humain Dil Laganay ki Adat Nahi Hai

itna bojh jo hai aankho pe :D

kitna bojh hai aankhon per :p

[~*~ Dua ~*~]

Re: Humain Dil Laganay ki Adat Nahi Hai

Very nice - main to yeh kahoon ga koi aa key karey band meri aankhein, mujhey soney ki aadat nahin hai :D

jab time aaye ga woh bhi ho jayein ge :wk

[Masood]

Re: Humain Dil Laganay ki Adat Nahi Hai

jab time aaye ga woh bhi ho jayein ge :wk

woh to hai magar yeh us waqt kyun nahin band hoti jab unkey band honey ki zaroorat ho

[~*~ Dua ~*~]

Re: Humain Dil Laganay ki Adat Nahi Hai

anyway, Thanks Masood bhai jaan n Rida :)

[Salauddien Mengal]

Re: Humain Dil Laganay ki Adat Nahi Hai

Mashallah Bohth khoob.

[Salauddien Mengal]

Re: Humain Dil Laganay ki Adat Nahi Hai

And Alos This Poetry,
Phir Chalay Jana

Sakoot-e-jaan ka matlab batado phir chalay jana
Ya phir sargoshian dil ki suna do phir chalay jana



Jo mera aur tumhara waqt guzra hansnay ronay may
Usay puri tarha se tum bhulado phir chalay jana



Ye saray pair poday tum bin kai raat jagay hai
Tum aakay ek baar inko sulado phir chalay jana



Kisi ko chahne ka aur kisi se chahay janay ka
Jo hai ahsaas tum usko bhulado phir chalay jana



Bus ik murda hansi se apnay ashko ko chupanay ka
Jo fun aata hai tum ko, wo sikhado phir chalay jana



Wo jo ik lafz-e-ulfat hai, juda hai apnay maani se
Bus in alfaz-o-mani ko milado phir chalay jana



Jo kehte kahte ruk gaye, un sari bato ki
Sama'at ko talab hai wo suna do phir chalay jana



Na janay q hai lakin dekhne ki tum ko aadat hai
Meri ye be-waja aadat chura do phir chalay jana.

[~*~ Dua ~*~]

Re: Humain Dil Laganay ki Adat Nahi Hai

Thank u Lexicon :)

and nice poem

[~*~ Dua ~*~]

Re: Humain Dil Laganay ki Adat Nahi Hai

woh to hai magar yeh us waqt kyun nahin band hoti jab unkey band honey ki zaroorat ho

agar na band hoon tu zaberdasti band ker diya karo na or agar phir bhi na ho tu 10-12 sleeping pills hi lay lia karo...sari zindagi ki pareshani mintoon me khatam ho jaaye gi :eye:

[~*~ Dua ~*~]

Re: Humain Dil Laganay ki Adat Nahi Hai

woh to hai magar yeh us waqt kyun nahin band hoti jab unkey band honey ki zaroorat ho

agar na band hoon tu zaberdasti band ker diya karo na or agar phir bhi na ho tu 10-12 sleeping pills hi lay lia karo...sari zindagi ki pareshani mintoon me khatam ho jaaye gi :eye:

[Salauddien Mengal]

Re: Humain Dil Laganay ki Adat Nahi Hai

U Are Well Come Dua..