Suno jana!

[fari]

suno jana !
main tumhein bataon lafz ki hurmat kiya hay
lafz ! jis ne insaan ko bartar kya tamaam makhlooq se
lafz ! jo nabi ki zuban se nikla tu hidayat bana
lafz ! jo sorat-e-quraan nazil hova tu rahbar bana
lafz ! jo qalam se nikle tu inqalab barpaa kar de
lafz ! jo sach ho tu dilon ko musakhar kar le
lafz ! jis se pheila hay chaar soo ilm ka ujaala
lafz ! jis ke bina insaan hay adhoora

main ne mana ke sirf lafz hi izhaar ka zariya nahi
lakin mere mehboob is se behtar iqraar ka zariya nahi
ye nahi ke main aankhon ki zaban nahi samjhta
main tumhaare jazbon ka bayan nahi samjhta
magar ae dost ! jo kahti hein aankhein
gar woh honton se bhi adaa ho jae
tu sharaam-e-muhabbat do aatsha ho jae

tumne kaha hay
chahti ho tum bhi mujhe bahot lakin
meri sooch mein waqt barbaad nahi kartein

tu suno ae dost !
woh lamha jo guzre kisi ko sochte hove
woh hayaat javidaan se barh kar hay
kisi ki yaad jis lamhe mein dharkae dil ko
woh aik lamhaa zindagi ka hasil hay

tumne kaha hay
khof hay tumhein muhabbat ke tamasha ban jaane ka
isi bais tum apne dard ka izhaar nahi kartein

suno jaan-e-jaan !
dard jo dil mein thehre tu ose laho kar de
jo aankh mein bas jaae tu ose aansoo kar de
ye sahi ke kisi gheir ko bataate nahi hein
par jana apno se tu dard ko chupaate nahi hein

tumne kaha hay
tumhein jo mayasar hay osi par khush ho
tum mere liye Khuda se takraar nahi kartein

tu suno ae meri mehbooba!
woh rab-e-kareem hay os ki ataa ka hisaab nahi
bin maange hi de de oske karam ka jawab nahi
par kaha hay osi ne maango apni talab ka izhaar karo
roo roo kar har shee ke liye mujh se takraar karo

tumne kaha hay
ke kuch tu hay aisa meri fitrat main posheeda
warna tum mujhe chahne ki khata baar baar nahi karten

tu suno meri pagli !
meri fitrat main sirf shidat ki muhabbat hay
mere dil mein bas tumhaari hi chahat hay
tumhaara mujh se muhabbat karna khataa kese thehraa
aankh tu khab deikhti hay kitna hi karra ho pehraa

bas itna yaad rahe ae mere dil ki dharrkan!
ke chahatein izhaar ki muhtaaj nahi hotein
par samaatein lafzon ki bhoki hoti hein
agar kabhi kabhi tumhaare labon par muhabbat ka izhaar aa jae
tu mere dil ki bechein dharkanoo ko bhi qaraar aa jae

[*Rida*]

Re: Suno jana!

Assalaam-0-Alaikom:rose

itni choti si poem fari :)

well buht zabardast

chahatien izhaar ki muhtaaj nahin hotien
per sama-atain lafzoon ki bhooki hoti hain :phool:

[fari]

Re: Suno jana!

wsalam rida jee !!!
iss se choi aur koi thi nahi:)

khair pasand karnay ka shukriya!!

[aik_lerki]

Re: Suno jana!

Bohat khoob

[alone_zaine]

Re: Suno jana!

kash mare nazar kmzoor na hoti to main poori gazal hi read kar leta hey ray mare pooti kismat
khier nice wisy kamal ki kai baat hay kamal to kamal kamal ka b bera gharak ho geyahoga ye read kar k

[fari]

Re: Suno jana!

kash mare nazar kmzoor na hoti to main poori gazal hi read kar leta hey ray mare pooti kismat
khier nice wisy kamal ki kai baat hay kamal to kamal kamal ka b bera gharak ho geyahoga ye read kar k

ap ki nazar kamzor ha tu eyespecialist app ka intazar ma hain
aur agar ap ko glasses lagi hain tu glasses bhi app ki muntazir hongi
aur agar app ko parhnay ma ya gazal lambi lag rhi ha tu no problem!!!
nice kahnay ka shukriya:salam:
aur :budhu: kamal sahab se kahiya ga kah zayda read na karay tu acha ha!!:na:
wasay kamal ap ka kiya lagtay hain!!!:mm: