saraiki shairi Collection

[.]

Assalamalikum

Saraiki shairi Collection

[.]

Re: saraiki shairi Collection

گول تیڈی وچ کجھ ڈینہہ گالھے تھئے ہاسے
سب کجھ چھوڑ تے اللہ والے تھئے ہاسے
تیڈے غم توں ودھکی غم ہن دنیا تے
تیڈے غم دے انت حوالے تھئے ہاسے
قرب تیڈے دیاں آصف وکھریاں لذتاں ہن
خاص ہُنالے .ٹھر ٹھر پالے تھئے ہاسے
کلام : جاوید آصف

[.]

Re: saraiki shairi Collection

ڈُو پُڑیاں....
ہائے ہائے او ویلے نئیں بھلدے
او ویلے کیویں بھل سگدن
جڈاں آکھیا ہا اُستاد ساکوں
چلو تختیاں چئو .... املا لکھنڑئے
میڈی مَس کونہی ٗ مَیں رُناں ہم
میڈی ہنج کوں پونجھ کے تیں سانول
ڈو پُڑیاں میکوں ڈتیاں ہَن
تیڈے ڈو پڑیاں میں ہالیں تئیں
مخمور قلندری ڈیونڑیاں ہِن !

[.]

Re: saraiki shairi Collection

اہدن پیر فریدن کولوں
آیا ھک میہوال نمانڑاں
آکھیس
سئیاں کلھی مینھ ہے
کھیر نئیں ڈیندی
اہدن پیر فریدن آکھیا
اونکوں آکھیں
لوک ملنڑ دے کیتے سکدن
توں نئیں ملدی
اھدن مینھ مل پئی ہئی
جے مل پوندا پیر فریدن
اتنا پچھدے
نکھڑیے کیویں ملسن

[.]

Re: saraiki shairi Collection

لحظہ لحظہ گم تھی ونجوں ول ول جھمراں پاؤں
ساڈا سب کجھ نال اساڈے جتھاں دیرا لاؤں

[.]

Re: saraiki shairi Collection

ساکوں ہردم آلی نال بھنوالی ملی
پر نہ اج تئیں دائی دے کنیں والی ملی

میں پردیسوں روزی کرکے واپس ولیاں
کھجی ہئی نہ ویڑھے دے وچ ٹالھی ملی

تیڈے باجھوں بچڑا ویڑھا کھاونڑ لگدے
میڈی اماں میکوں تھی کے گالھی ملی

ٹبے نالوں نِریاں ساریاں جالیں ہن
ٹبے دی وٹ ساری میکوں خالی ملی

لگدا ہا جو ساری وستی مر مٹ گئی ہے
کھوہ لدھا نہ لوٹے تے نہ مالھی ملی
(ساحر رنگ پوری)

[.]

Re: saraiki shairi Collection

بکر عید تے ےلوکی کُجھ توں کُجھ قربانی کریسن
توں وی ہک قربانی ڈیویں ہک زحمت فرمانویں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عید ملنڑ تاں آویں
(جاوید آصفؔ)

[.]

Re: saraiki shairi Collection

ﺟﮉﺍﮞ ﺧﻮﺵ ﮬﺎﺳﮯ ﺍﺳﺎﮞ ﮈﻭ ﮬﺎﺳﮯ
ﺍﺝ ﮈﮐﮫ ﺟﻮ ﮬﻦ ﻣﯿﮟ ﮨﮏ ﮐﯿﻮﮞ ﮬﺎﮞ

[.]

Re: saraiki shairi Collection

جیکرتھوڑی نندر کرنڑ دی مہلت ڈیو
خوابیں دا ہک شہر وساتے ول آوساں
ّْ(شعیب نواز)

[.]

Re: saraiki shairi Collection

کے تئیں شہرلہور دے ا ندر شیش محل اسریسو
کے تئیں ساڈیاں سالھیں دے وچ روسن بال ایانڑے
اللہ جانڑے ۔۔۔۔۔۔۔۔!!!!

[.]

Re: saraiki shairi Collection

یقین کائینی تاں ڈیکھ سیگد یں توں خوڈ فقیریں دا حال سانول
جو تیڈے نکھڑن دی ہک نشانی جناب پلکاں تے چئی ودے ہیں
شاعر: غیور بخاری

[.]

Re: saraiki shairi Collection

روز بُجھارت بنڑ تے ملدیں
کے تئیں آخر بُجھاں تیکوں
( قیس فریدی )

[.]

Re: saraiki shairi Collection

تیکوں وی سچ دی گول ھِ میکوں وی سچ دی گول
اے ایہو جا ھے کُوڑ ۔۔۔۔۔۔۔۔۔۔۔۔۔۔ جو لاتا نہ تیں نا میں
( قیسؔ فریدی )

[.]

Re: saraiki shairi Collection

کہیں کہیں ویلھےایویں لگدے ۔۔۔۔!!!
اساں تاں کہیں دےکجھ نئیں لگدے

[.]

Re: saraiki shairi Collection

" لانڑاں "
موسم ڈیکھ بہار دا آندا
سب کوئی جشن مناونڑپئے گۓ
امب،انار،غلاب چنبیلی
خوش تھی جھمراں پاونڑ پئے گۓ
ساوے ویس وٹاونڑپۓ گۓ
پرہک لانڑاں
تھی سدھرانڑاں
ڈیکھ اسمان دو آکھنڑپۓ گۓ
آون روزبہاراں توڑے ساڈے کیہاں لیکھے
ساکوں کون آ ڈیکھے
ٌّْْْ(جمشید ناشادؔ)