Hawa ko likhna jo aa gya hy.....!!!

[maya]

Hawa ko likhna jo aa gya hy
Ab us ki marzi k wo khizaan ko bahar likh de

Bahaar ko intizaar likh de
Safar ki khawhish ko wahamaon k azaab se hum kinaar likh de
Wafa k rasto’n pe chalne walo’n ki kismato’n mein gubaar likh de

Hawa ko likhna jo aa gya hy
Ab us ki marzi ..

Hawa ki marzi k wasl mausam mein hijr ko hissa daar likh de
Mohabbato’n mein guzarne wali ruto’n ko na paedaar likh de

Shajar ko kam saya daar likh de
Hawa ko likhna jo aa gya hy
Ab us ki marzi ..


K wo hamare diye bujha kar
Shabo’n ko be ikhtiyaar ker k seher ko bay aitbaar likh de

Hawa ko likhna sikhane walo !
Hawa ko likhna jo aa gya hy


Noshi Gilani