Tweet
تم پیار کسی سے نہ کرنا
اِک عشق نگر کی وادی تھی
جہاں پیار کی ندیا بہتی تھی
کچھ دل والے بھی رہتے تھے
جو پیار کی باتیں کرتے تھے
جب بہار کا موسم آتا تھا
اور پھول پیار کے کھلتے تھے
مست نشیلی شاموں میں
پیار سے دو دل ملتے تھے
اک روز وہ بستی اجڑ گئی
اور پیار کی بستی بکھر گئی
پھر ہر اک دل کو سوگ لگا
اور جیون بھر کا روگ لگا
اب اُس بستی کے اجڑے ویرانوں میں
دیوانے پھرتے رہتے ہیں
اور ہر اک سے وہ کہتے ہیں
اقرار کسی سے نہ کرنا
تم پیار کسی سے نہ کرنا