Tweet
چھوٹی سی بات
حاضر ِ خدمت ہوں ایک چھوٹی سی بات کہ ساتھ جو شاید آج کے اس رواں دور کے
ساتھ قدم ملاتے ہوئے مسافروں کی تیز چال کی گردش میں اور ذاتی آسائش کے واسطے خوب سے خوب تر کے جنون کے غبار میں اپنا اثر نہ جما سکے مگر دل بسمل کے ہاتھوں مجبور ہو کر احباب کی محفل میں آیا ہوں کیونکہ یہ گمان نہیں بلکہ آج بھی یقین ہے کہ ہم تمام کے قلوب میں آج بھی زمانے کی سوچ کا سایہ گہرا ہونے کے باجود بھی کہیں نہ کہیں کسی کونے میں اپنی روایات، اقدار اور حب ِ وطن کی روشنی قلوب کو روشن کئے ہوئے ہے اور ضرورت اس امر کی ہے کہ ہم اس روشنی کو اپنے قلب کی چار دیواری میں قید نہ رکھیں بلکہ اس روشنی سے اپنے راستوں ، اپنی منزلوں کا تعین کریں۔
میں اکثر اپنے آپ سے کہتا تھا کہ یہ کون لوگ ہیں جو کہتے ہیں کہ پاکستان ایک غریب ملک ہے؟ اور اس بات کے پیچھے ان کے مقاصد کیا ہیں؟ مجھے ان تمام لوگوں کا کردار مشکوک نظر آتا ہے اور مشکوک کیوں نظر ناں آئے؟ میرے نزدیک یہ سفید جھوٹ ہے کہ کڑوروں کی آبادی اپنے دامن میں سمیٹ کر بھی یہ ملک غریب ہے، یہ دھرتی وسائل میں بھی مالا مال ہے ہنرمند بھی خوب سے خوب ہیں مگر یہ ملک ترقی یافتہ اقوام کی فہرست میں آنے کے بجائے قرضوں کے بوجھ تلے دبتا ہی چلا گیا، غور کیا تو آگاہی ہوئی کہ اس کے باسی جو پہلے کبھی لالچ، غرض ، ہوس، دنیا کی محبت جیسے احساسات میں بلا کہ غریب تھے آج جہاں میں شاید ہی کوئی قوم ان احساسات میں ان سے امیر ہو اور میرے پیارے وطن کی غربت کا اصل سبب اسکے باسیوں کی ان ہی احساسات میں امارت ہے۔
اللہ پاک مجھ کو اور میرے وطن میں بسنے والوں کو ایمان کی دولت سے مالامال فرما دے اور توکل کی رسی کو مضبوطی سے تھامنے کی سعادت نصیب فرما دے، اور میرے مالک اس وطن کو خوشحال و شاداب قائم فرما اور اہل ِ وطن کو اسلام پر چلنے والا اور اس پر کٹ مرنے والا بنا دے ۔۔۔۔۔ آمین
س ن مخمور
امر تنہائی
Comment