Announcement

Collapse
No announcement yet.

Unconfigured Ad Widget

Collapse

Ajeeb NazrooN sey..!!!!!

Collapse
X
 
  • Filter
  • Time
  • Show
Clear All
new posts

  • Ajeeb NazrooN sey..!!!!!

    Main ajeeb nazrooN se apni diary par paRey qalam ko daikhti rahii, kabhi meri ankheiN jaisey us se sawaal kar rahii hoon or kabhi jaisey kuch maang rahi hoon..shayad yahi k aik baar tu meri ankhooN maiN dekho k yeh kya keh rahii haiN..Hosakta hai wo mujhey samaj jaye or khud hi likhna shuru kar dey...Mujhey dar hai k kahiiN agar maiN isey uTha kar likhna shuru kar dooN tu humesha ki tarah aisey alfaaz se safhooN ko na bhar dooN jin mai dukh chuppey hooN..

    Aey Qalam..!!!!
    "Main tumheiN nahiiN uThana chahtii..tum siwaye dukhi alfaaz k or kuch nahiiN likhtey, tung agayi hooN maiN tum se or tumharii is dard'bharii likhayi se, tum be'kaar ho, koi faida nahiiN tumhara, tumheiN siwaye aansoo bahaney k or kuch nahiiN ata..chala ja door mujh sey..meri aankhooN ne aj tuk tujh jaisa nahiiN daikha.."

    MaiN wahaN se janey lagii tu us qalam ko uTha kar kamrey k aik koney mai phaink diya..wo deewaar se Takra kar apney anjaam tuk pohonch gaya..MaiN ne la'iraadi tour par aansoo bahaye..laikin jald hi merey aansoo ruk gaye jub maiN ne us TooTey howey qalam ki halkii sii awaaz sunii jo keh raha tha...

    "AAAHHHH..AAAHHHH..kya is tarah se naikii ka badla chukaya jata hai..Mujhey toR diya tum ne..is k baad jub meri hi siyaahi se tum ne in ghamgeen kitaabooN k safhey bharey..tum sub bhool gayi..or merey sar wo saarey ilzaam laga diye jin se maiN bilkul barii hooN..tum ne ye da'wa kiya k maiN na'kaam hooN jub k yeh bhool gayii k asal mai na'kaam tu wo hota hai jo dosrooN mai apney A'ib dhoonDta hai..

    Kon hai wo jis ka koi faida nahiiN maiN ya tum, wo jissey ye nahiiN pata hota k apney masayil ko kaisey hul karna chahye..apney maslooN ka hul dhoondney k bajaye wo diaryooN k safhaat bhar bhar kar apney dil k ehsaasaat utartii ho..Kya ye koi hal hai????
    Kon hai wo jo siwaye dard'naak tehreerooN k or kuch nai likhta ..MaiN ya jo mujhey pakaRta hai????
    Jawaab do mujhey..!!!!
    Kon hai wo jissey ansoo bahaney k alawa or kuch nahiiN ata..MaiN ya wo jis k aansowooN se un safhaat ki siyahii bhi bikhar jati hai jin par wo likhta hai..

    Tum ne mujhey bura bhala kaha...haaN hooN mai bura balkey bad'naseeb..kyunki aj tuk mujhey tum ne sirf dard bhari tehreerooN k liye istemaal kiya..kabhi mujhey tum aik baar tu muskura kar haath mai laitii ...phir daikhtii...wohi safhaat jin mai aj udaasi k siwa kuch nahiiN kaisey xindagii ki rangeeniyooN ko bayaaN kartii..

    Magar haaN...akhir ko tum ho tu insaan hi naa..merey itney ehsaanooN ka badla tum ne mujhey toR kar diya.."

    Darwazey ki awaz ayii or qalam khamosh hogaya...phir kabhi na bolney k liye..or maiN bus usii ko taktii rahii

    Ajeeb NazrooN sey...
    .......................!!!!!

  • #2
    Re: Ajeeb NazrooN sey..!!!!!

    wao zabardast behna boht hub mashallah u boht acha likhti ho . diary ne aik insaan se bi zayada samajdari dikhae

    Comment

    Working...
    X