Tweet
السلام عليكم و رحمة الله
taqreebun do saal bad aj aik baar phir apney qalam ko harkat dii hai..Umeed hai dil sey likhii howi is tehreer ko ap passand karein gey..
"Wo bey'hosh hogaya..apney hawaas kho diye..dunya se door chala gaya..
kisi beemaari ki wajah se nahiin..balkey bijlii ka jhaTka lagney sey..Us k zakhmooN par namak chiRka gaya..taakey usey yeh ehsaas ho k aag us k jism ko kha rahi hai us ki ragooN ko cheeR phaR kar us ki xindagii us sey cheen rahi hai..Do goliyaan us k ghuTnoon main daghii gayein..or phir foujii boots sey unhein itna dabaya gaya k wo us ki haDiyoon main sarayat kar gayein..ZanjeerooN ne us k jism par naqsh pukhta kar liye hain..Us par Thanda paani daala gaya sakht sardii main Fajr k waqt jub wo neem'barhana halat main tha..Hunter us Insaan k jism par surkh raastey banata gaya..INSAAN??? Haan Insaan!!! Aik aisa Insaan jis par kuch zimmedaariyaan hain..jis k kuch huqooq hain, kuch Farayiz hain..
Wo bey'hosh hogaya or doosrii dunya main chala gaya..Jahan us ki biwii surkh JoRa pehney us ka intezaar kar rahii hai..Us ne khud ko apney Maan Baap Behan Bhaiyoon k saath khana khatey dekha..phir wo masjid gaya namaaz parrhney Imaam Sahab sey apney doosrey saathiyoon samait Deen'e'Haneef ki ta'leem haasil karney..Keh achanak zameen phaT gayii or laal rung ka paani poorey josh sey aya or sub kuch baha ley gaya..jo doob gaye wo tu doob gaye or jo bachey wo roney lagey, cheekh'o'pukaar or aah'o'buka karney lagey..Wo soch main parr gaya k kya yeh Ehl'e'Filasteen hain????Usey yaqeen tha k yeh Filasteeni nahiin hain kyunki Filasteeni rotey nahiin hain..balkey DaT kar muqabla kartey hain, Filasteeni jhuktey nahiin, TooT'tey nahiin, Ehl'e'Filasteen ki khoraak tu buch'pun se doodh roTi nahiin balkey Ghairat or shuja'at hoti hai..Ehl'e'Filasteen tu wo hain jin ki ourtein Mard paida kartii hain..BAHADUR MARD..balkeh sirf Ehl'e'Filasteen hi nahiin tamaam ummat'e'muslima ko aisa hi hona chahye..
Wo jaag gaya..aik baar phir Thandey paani se jo us par kis toofaan ki tarha phainka gaya..or "Kaash wo jaagta hi nahiin" ...Merey khayaal sey wo Israelii fouji us waqt yahii tamana karta hoga..kyunki Us ne jaagtey hi apni taiz nigaahein poori jurrat sey us par daali jo seedhey us k dil ko lagein..JURRAT SEY??? Or wo bhi is halat main??? G haan!!! kyunki wo poori quwat main hai kamzoori ki halat main nahiin..Nahiin tu wo Is ko baand k kyun rakhtey??Wo log itna dartey kyun hain Is sey??Kyun jub yeh so raha hota hai wo bundooq or Rifles le kar is k sar par khaRey rehtey hain??Kyun wo aik lamhey k liye bhi is sey nazarein nahiin haTa paatey??
Haan is waqt wahan par sub se zyada taqat'war Yahii hai..apney Emaan sey, Aqeedey or soch sey, apney A'zm se Himmat se, Fikr sey, Deen se, KhwahishooN or umeedooN se, apnii manzil or Raastey se..
Wo log Isey or Is jaisey doosroon ko takleef detey hain yeh soch kar k in k A'zm or soch par ghalib ajayein gey..laikin jub jub in ka azaab baRhta hai in k ander Inteqaam ka jazba bhi baRhta hai..Inteqam har aik se jis jis ne Bait'u'maqdis ki hurmat ko pamaal kiya..Filasteen ki zameen par ghadirana soch le kar qadam rakha..
Jub in ki takleefein baRhti hain in ki umeedein bhi baRhtii hain..
Umeed aik roshan subah ki..
Umeed Fateh ki, Jeet ki, Azadii ki..
Umeed Zaytoon k darakhtoon par chiRyoon k chehchahaney ki..
Umeed Lemon k phooloon k khilney ki..
Umeed Bachoon k un galiyoon main phir se khailney ki..
Umeed un majalis main barrey buzurgoon k qahwa peeney ki..
Umeed un k apney dukanoon main baiThey ghar se khaney k liye aney wali "Hummus" or "Taheeniya" ki
Umeed Masjid'e'Aqsa main baghair kisi bandish or RukawaT k aik sajdey kii...
Haan yeh umeedein hain us qaidii ko ab bhi..
Wo qaidii aik din har zanjeer ko, har qaid ko toR kar azaadi se aik shaheen ki tarah uRey ga Filasteen ki fizaon main..
or yeh mumkin hoga us k a'zm se, Quwat sey, Iradey or bahadurii sey..or bey'shak Allah ki nusrat k baad...
Insha'Allah wo qaidii aik din azaad hoga...zaroor azaad hoga..."
taqreebun do saal bad aj aik baar phir apney qalam ko harkat dii hai..Umeed hai dil sey likhii howi is tehreer ko ap passand karein gey..
"Wo bey'hosh hogaya..apney hawaas kho diye..dunya se door chala gaya..
kisi beemaari ki wajah se nahiin..balkey bijlii ka jhaTka lagney sey..Us k zakhmooN par namak chiRka gaya..taakey usey yeh ehsaas ho k aag us k jism ko kha rahi hai us ki ragooN ko cheeR phaR kar us ki xindagii us sey cheen rahi hai..Do goliyaan us k ghuTnoon main daghii gayein..or phir foujii boots sey unhein itna dabaya gaya k wo us ki haDiyoon main sarayat kar gayein..ZanjeerooN ne us k jism par naqsh pukhta kar liye hain..Us par Thanda paani daala gaya sakht sardii main Fajr k waqt jub wo neem'barhana halat main tha..Hunter us Insaan k jism par surkh raastey banata gaya..INSAAN??? Haan Insaan!!! Aik aisa Insaan jis par kuch zimmedaariyaan hain..jis k kuch huqooq hain, kuch Farayiz hain..
Wo bey'hosh hogaya or doosrii dunya main chala gaya..Jahan us ki biwii surkh JoRa pehney us ka intezaar kar rahii hai..Us ne khud ko apney Maan Baap Behan Bhaiyoon k saath khana khatey dekha..phir wo masjid gaya namaaz parrhney Imaam Sahab sey apney doosrey saathiyoon samait Deen'e'Haneef ki ta'leem haasil karney..Keh achanak zameen phaT gayii or laal rung ka paani poorey josh sey aya or sub kuch baha ley gaya..jo doob gaye wo tu doob gaye or jo bachey wo roney lagey, cheekh'o'pukaar or aah'o'buka karney lagey..Wo soch main parr gaya k kya yeh Ehl'e'Filasteen hain????Usey yaqeen tha k yeh Filasteeni nahiin hain kyunki Filasteeni rotey nahiin hain..balkey DaT kar muqabla kartey hain, Filasteeni jhuktey nahiin, TooT'tey nahiin, Ehl'e'Filasteen ki khoraak tu buch'pun se doodh roTi nahiin balkey Ghairat or shuja'at hoti hai..Ehl'e'Filasteen tu wo hain jin ki ourtein Mard paida kartii hain..BAHADUR MARD..balkeh sirf Ehl'e'Filasteen hi nahiin tamaam ummat'e'muslima ko aisa hi hona chahye..
Jo jeet ko apney haathooN sey khud banaye..
Wo jaag gaya..aik baar phir Thandey paani se jo us par kis toofaan ki tarha phainka gaya..or "Kaash wo jaagta hi nahiin" ...Merey khayaal sey wo Israelii fouji us waqt yahii tamana karta hoga..kyunki Us ne jaagtey hi apni taiz nigaahein poori jurrat sey us par daali jo seedhey us k dil ko lagein..JURRAT SEY??? Or wo bhi is halat main??? G haan!!! kyunki wo poori quwat main hai kamzoori ki halat main nahiin..Nahiin tu wo Is ko baand k kyun rakhtey??Wo log itna dartey kyun hain Is sey??Kyun jub yeh so raha hota hai wo bundooq or Rifles le kar is k sar par khaRey rehtey hain??Kyun wo aik lamhey k liye bhi is sey nazarein nahiin haTa paatey??
Haan is waqt wahan par sub se zyada taqat'war Yahii hai..apney Emaan sey, Aqeedey or soch sey, apney A'zm se Himmat se, Fikr sey, Deen se, KhwahishooN or umeedooN se, apnii manzil or Raastey se..
Wo log Isey or Is jaisey doosroon ko takleef detey hain yeh soch kar k in k A'zm or soch par ghalib ajayein gey..laikin jub jub in ka azaab baRhta hai in k ander Inteqaam ka jazba bhi baRhta hai..Inteqam har aik se jis jis ne Bait'u'maqdis ki hurmat ko pamaal kiya..Filasteen ki zameen par ghadirana soch le kar qadam rakha..
Jub in ki takleefein baRhti hain in ki umeedein bhi baRhtii hain..
Umeed aik roshan subah ki..
Umeed Fateh ki, Jeet ki, Azadii ki..
Umeed Zaytoon k darakhtoon par chiRyoon k chehchahaney ki..
Umeed Lemon k phooloon k khilney ki..
Umeed Bachoon k un galiyoon main phir se khailney ki..
Umeed un majalis main barrey buzurgoon k qahwa peeney ki..
Umeed un k apney dukanoon main baiThey ghar se khaney k liye aney wali "Hummus" or "Taheeniya" ki
Umeed Masjid'e'Aqsa main baghair kisi bandish or RukawaT k aik sajdey kii...
Haan yeh umeedein hain us qaidii ko ab bhi..
Wo qaidii aik din har zanjeer ko, har qaid ko toR kar azaadi se aik shaheen ki tarah uRey ga Filasteen ki fizaon main..
or yeh mumkin hoga us k a'zm se, Quwat sey, Iradey or bahadurii sey..or bey'shak Allah ki nusrat k baad...
Insha'Allah wo qaidii aik din azaad hoga...zaroor azaad hoga..."
Comment