~%~ Zindagi main Mohabbat Na Mili ~%~

['SamRazi']

yeh daur Mohabbat ka daur nahi, yeh log mohabbat ke ameen nahi, Yeh jazbat Mohabbat ke paband nahi, yeh Dil kisi se mukhlis nahi ......

Wo waqt kuch aur huwa kerta tha, wo log aur huwa kertey they, wo Dil mukhlis huwa kertey they' wo jazbey muqadas huwa kertey they.....

Aaj ke daur main yahi log apni zaat' apney mufad' apni garz ke liyeh Mohabbat ke in masoom aur pakeeza jazbat ko apni madwi khawahishat taley dafan ker detey hain' in Mohabbato'n ko apney mufadat ke qadmo'n taley rondh ker apni aarzi manzil ki taraf barhtey chale jatey hain' jo ounhein buhut rangeen nazar aati hai.............. ous ke peechey akser her rishtey se bekhabar andha dhund bhagtey chaley jatey hain in main se kuch thoker khatey hain aur kuch apni manzil paa bhi letey hain, magar aakhir yeh sab jab in rangeen khwahishon ke taqub main dar-ba-dar ki thokrein kha ker baizar aa jatey hain' jab hosley toot jatey hain' zameer mukamal torr per marr jata hai' zindagi bojh lagney lagti hai .......to yahi log' be-bas, bad'bakht log kabhi khuda se kabhi muqadar' kabhi auron se aur kabhi khudh se yeh shikwa kertey hain " ke humein zindagi main kabhi Mohabbat nahi mili" .... yeh bhool jatey hain ke yeh Dil ka sakoon, yeh Mohabbat, yeh khudh apney Qadmo'n taley rondh aayeh they' aur zameer ko humesha ke liyeh sula aayeh they jo jagta to shayeed inhein in ki kotahiyan yaad dilata aur btata ke yeh sab in ki apni kernion ka phal hai........... to phir ab yeh shikwa kiu ??? kis liyeh ??? aur kis se kertey hain "ke zindagi main kabhi Mohabbat na mili"



Saima Shaheen
15/11/2005

[Z.]

Re: ~%~ Zindagi main Mohabbat Na Mili ~%~

acha likha hai saima,

Hamaray ird gird itni muhabbatein hein leykin waqai aap sahih keh rahi hein qasoor hamara apna hota hai key hum in muhabbaton ko jaan nahi paatey hein....halaankey in ko talash kerna hamara apna kaam hai

likhti rahiye aur kush rahiye :rose

[Masood]

Re: ~%~ Zindagi main Mohabbat Na Mili ~%~

"ke zindagi main kabhi Mohabbat na mili"

Muhabbton key na milney ki shikayat woh log kartey hain jo muhabbat key jazbey ko samjhaney sey qaasir hain. Jinhein muhabbat ki kasak nahin, balkey aik faani khawahish ko poora karney key liye aik khail rachatey hain aur agar to tamana poori ho jaey to bhi aur agar poori na ho tab bhi muhabbat ko bad'nam kartey hain. Muhabbat ka pakeezah jazbah har daur mein raha hai aur muhabbat karney waley kabhi kam nahin huwey - magar teri mehfil mein ham nahin huwey :). Muhabbat tera mera masla hai, zamaney ko is mein shareek na kar. Aur jab tak yeh jazbah zindah hai muhabbat karney waley zindah rahein gey :)

['SamRazi']

Re: ~%~ Zindagi main Mohabbat Na Mili ~%~

acha likha hai saima,

Hamaray ird gird itni muhabbatein hein leykin waqai aap sahih keh rahi hein qasoor hamara apna hota hai key hum in muhabbaton ko jaan nahi paatey hein....halaankey in ko talash kerna hamara apna kaam hai

likhti rahiye aur kush rahiye :rose

Haan Gul sis, jo muhabatein humarey pass hoti hai hum ounhein mehsoos nahi ekrtey aur jo hum se dour hon oun ki aarzo mei zindagi ganwa detey hain.

['SamRazi']

Re: ~%~ Zindagi main Mohabbat Na Mili ~%~

Muhabbton key na milney ki shikayat woh log kartey hain jo muhabbat key jazbey ko samjhaney sey qaasir hain. Jinhein muhabbat ki kasak nahin, balkey aik faani khawahish ko poora karney key liye aik khail rachatey hain aur agar to tamana poori ho jaey to bhi aur agar poori na ho tab bhi muhabbat ko bad'nam kartey hain. Muhabbat ka pakeezah jazbah har daur mein raha hai aur muhabbat karney waley kabhi kam nahin huwey - magar teri mehfil mein ham nahin huwey :). Muhabbat tera mera masla hai, zamaney ko is mein shareek na kar. Aur jab tak yeh jazbah zindah hai muhabbat karney waley zindah rahein gey :)

Aap ne sahi kaha Masood, magar akser aisa hota hai Insan zahiri khusion ko paney k liyeh apney aap main itna magan aur andha ho jata hai ke apni muhabbat ko pehchan hi nahi pata, akser log aisey hotey hain jo apni laperwahi se apni kismat main aayi sachi muhabbat ko apney hi hatho'n thukra detey hain, aisey log hi aakhir mei gila kertey hain. Aur jo aachi muhabbat kertey hain wo kabhi gila nahi kertey kiu ek chahey oun ka mehboob ankhon ke samney an ho, muhabbat dil main sada zinda rehti hai :)

[Masood]

Re: ~%~ Zindagi main Mohabbat Na Mili ~%~

Aur jo saachi muhabbat kertey hain wo kabhi gila nahi kertey kiu ek chahey oun ka mehboob ankhon ke samney an ho, muhabbat dil main sada zinda rehti hai :)

Bohat khoobsurat baat kahi hai aap ney Saima. Jo log sachi muhabbat kartey hain unhein apney mehboob ko apney samney dekhney ki zaroorat paish nahin aati. Muhabbat dilon key nehaa'khano mein chhupi hui hoti hai. Aur sachi muhabatein dil key nehaan'kahno mein rah ker hi javedaan rehti hain. :rose

['SamRazi']

Re: ~%~ Zindagi main Mohabbat Na Mili ~%~

Bohat khoobsurat baat kahi hai aap ney Saima. Jo log sachi muhabbat kartey hain unhein apney mehboob ko apney samney dekhney ki zaroorat paish nahin aati. Muhabbat dilon key nehaa'khano mein chhupi hui hoti hai. Aur sachi muhabatein dil key nehaan'kahno mein rah ker hi javedaan rehti hain. :rose

Agreed

[Muhammad Khalil]

Re: ~%~ Zindagi main Mohabbat Na Mili ~%~

buhat khobsurat tehreer hay aap kee