Tweet
Khoaiy Ho Tum Kahaa'n...Love Story
KHOEY HO TUM KAHAN,,,,,,,Written By Hayaa
-------------------------------------
Sandra se meri pehli mulaqaat Association me hui thi.wo khud meri taraf barhi thi.
,,Hello, me Sandra hun or tum?,,
,,Hello,,mera naam Zara he or me Pakistani hun.me spanish seekh rahi hun.,,
,,tum to achchi khasi spanish bol leti ho.kiya aaj bhi tumhari class thi?,,Sandra ne muskura k mujh se poocha.
,,han,me weekly 3 days classes leney aati hun,, me ne bhi muskura k jawab diya.
Sandra mujh se bohat garam joshi se mili hatta k us ki aankhein pur namm hogaein.phir ham ne phone numbers or adress aik doosrey ko diya or Domingo(sunday) ko 1 bajey dopeher Sandra ne merey ghar aaney ka wada kiya.
Sandra har mulaqaat me mujhey bohat uljhi uljhi or bechein si nazar aai.me ne kai martaba us se poocha bhi lekin wo hans k taal gai.
mujhey us k barey me itna hi pata tha k wo spanish thi or Gitano qowm se talluq rakhti thi.us ki 2 behnein or 3 bhai mukhtalif markets me kapra farokht kartey thay or sab shadi shuda thay.us k khandaan me taleem hasil karna fuzool samjha jata tha sirf Sandra hi lar jhagar kar taleem hasil karney me kamiyaab ho pai thi.
khilti hui gandumi rangatt,brown bari bari aankhein(jo mujhey hamesha bheegi bheegi si lagti thein) khoobsurat dark brown lambey baal or intehai mutanasib jisim.Sandra behadd atractive thi.
me ne us ko hamesha black libaas me malboos dekha tha.
wo aksar kuread kuread k Pakistan k mutaliq sawal karti or Pakistan k mutaliq batatey huey me kho jati.me be takaan boley chali jati k Pakistan k chappey chappey se mujh ko ishq tha.wahan k kharaab halaat ka batatey huey meri awaaz rundh jati.
,,Sandra mujhey koi jadoo ki chari la do k me Pakistan k halaat theek kar sakun kiyun k ab to wahan jadoo ki chari ya koi Khudai mojiza hi halaat theek kar sakta he.,, me bohat afsurda ho jati.
waqt guzarney k sath ham dono ki dosti pakki hoti chali gai or me us ka eatimaad jeetney me kamiyaab hogai.
,,Sandra ne aik din bataya k is se pehley us ki dosti aik Indian larki Pooja se hui thi lekin us ne merey zariye sirf apney kaam nikalwaey or aaj mujh ko poochti bhi nahi he.,,cigirette ka aik gehra kashh le kar Sandra ne cigirette masal di or phir ham dono aik park me beth gaey.
,,hay Sandra sardi lag rahi he,,me ne topi se kano ko achchi tarha dhanpa.
,,aik to yahan ka mosam mujhey bohat na pasand he.sardi parney pe aati he to parti hi chali jati he.naak,kaan sab sunn ho k reh jatey hein.apney se ziyada to kapron or juton ka wazan ho jata he phir ye barish ki museebat bhi sath hoti he.,,me ne chatri ko zameen pe zor se mara.
,,ab batao me is heavy coat or juton ko heater k agey kab tak sukhati rahun?or garmi parney pe aati he to itni garmi parti he k bandey ki zabaan bahar nikal aaey. raat 10 bajey suraj ghuroob hotey me ne to kabhi nahi suna tha,,me mosam ko bura bhala kehney lagi.
Sandra hans pari,,tum ko to sirf mosam na pasand he jab k mujhey is mulk,is k loge,is ki zabaan,is ka rehen sehen,khana,libaas,rasumaat, gharaz k har cheez se nafrat he.,,
-------------------------------------
Sandra se meri pehli mulaqaat Association me hui thi.wo khud meri taraf barhi thi.
,,Hello, me Sandra hun or tum?,,
,,Hello,,mera naam Zara he or me Pakistani hun.me spanish seekh rahi hun.,,
,,tum to achchi khasi spanish bol leti ho.kiya aaj bhi tumhari class thi?,,Sandra ne muskura k mujh se poocha.
,,han,me weekly 3 days classes leney aati hun,, me ne bhi muskura k jawab diya.
Sandra mujh se bohat garam joshi se mili hatta k us ki aankhein pur namm hogaein.phir ham ne phone numbers or adress aik doosrey ko diya or Domingo(sunday) ko 1 bajey dopeher Sandra ne merey ghar aaney ka wada kiya.
Sandra har mulaqaat me mujhey bohat uljhi uljhi or bechein si nazar aai.me ne kai martaba us se poocha bhi lekin wo hans k taal gai.
mujhey us k barey me itna hi pata tha k wo spanish thi or Gitano qowm se talluq rakhti thi.us ki 2 behnein or 3 bhai mukhtalif markets me kapra farokht kartey thay or sab shadi shuda thay.us k khandaan me taleem hasil karna fuzool samjha jata tha sirf Sandra hi lar jhagar kar taleem hasil karney me kamiyaab ho pai thi.
khilti hui gandumi rangatt,brown bari bari aankhein(jo mujhey hamesha bheegi bheegi si lagti thein) khoobsurat dark brown lambey baal or intehai mutanasib jisim.Sandra behadd atractive thi.
me ne us ko hamesha black libaas me malboos dekha tha.
wo aksar kuread kuread k Pakistan k mutaliq sawal karti or Pakistan k mutaliq batatey huey me kho jati.me be takaan boley chali jati k Pakistan k chappey chappey se mujh ko ishq tha.wahan k kharaab halaat ka batatey huey meri awaaz rundh jati.
,,Sandra mujhey koi jadoo ki chari la do k me Pakistan k halaat theek kar sakun kiyun k ab to wahan jadoo ki chari ya koi Khudai mojiza hi halaat theek kar sakta he.,, me bohat afsurda ho jati.
waqt guzarney k sath ham dono ki dosti pakki hoti chali gai or me us ka eatimaad jeetney me kamiyaab hogai.
,,Sandra ne aik din bataya k is se pehley us ki dosti aik Indian larki Pooja se hui thi lekin us ne merey zariye sirf apney kaam nikalwaey or aaj mujh ko poochti bhi nahi he.,,cigirette ka aik gehra kashh le kar Sandra ne cigirette masal di or phir ham dono aik park me beth gaey.
,,hay Sandra sardi lag rahi he,,me ne topi se kano ko achchi tarha dhanpa.
,,aik to yahan ka mosam mujhey bohat na pasand he.sardi parney pe aati he to parti hi chali jati he.naak,kaan sab sunn ho k reh jatey hein.apney se ziyada to kapron or juton ka wazan ho jata he phir ye barish ki museebat bhi sath hoti he.,,me ne chatri ko zameen pe zor se mara.
,,ab batao me is heavy coat or juton ko heater k agey kab tak sukhati rahun?or garmi parney pe aati he to itni garmi parti he k bandey ki zabaan bahar nikal aaey. raat 10 bajey suraj ghuroob hotey me ne to kabhi nahi suna tha,,me mosam ko bura bhala kehney lagi.
Sandra hans pari,,tum ko to sirf mosam na pasand he jab k mujhey is mulk,is k loge,is ki zabaan,is ka rehen sehen,khana,libaas,rasumaat, gharaz k har cheez se nafrat he.,,
Logged
Comment