Khail Hi Khail Mai'n( Aik Nadaan Larki Ki Kahani)

[hayaa_n]

''KHEAL HI KHEAL ME''

written by..Haya
(Aik nadaan larki ki kahani jo aik mazloom larki ki madadd karna chati thi)

text
SURAJ KI TAPISH SE MERA SAARA BADANN PASEENEY ME SHARABOR HO RAHA THA LEKIN BUS KA DOOR DOOR TAK PATA NA THA.GHANTA BHAR INTEZAR KARNEY K BAAD JAB BUS STOP PAR KHAREY HUEY LOGON KI BE BASI UROOJ PER POHANCH GAI TO BUS DOOR SE DHUWAN URATI NAZAR AAI.JESEY TESEY KAR K ME BHI BUS ME SAWAAR HO GAI.PAPER BHI ITNA ACHA NA HUWA THA JITNI MERI TAYYARI THI.GHAR POHANCH KAR BHI MERA MOOD KHARAAB RAHA.GARMIYON ME JESEY JESEY SURAJ KI TAPISH BARHTI HE MEREY MIZAAJ KI GARMI KHUD MERA HI WUJOOD JALANEY LAGTI HE,,MAZEED 2 PAPERS OOR BAQI HEIN PHIR RESULT AANEY TAK TO CHUTTIYAN HI HON GI,,ME NE APNEY DIL.O.DIMAAG KO BEHLAYA TA K MIND KO NEXT DAY COLLEGE JAANEY PAR AAMADA KAR SAKUN.
....HAM LOGE ISI MAHEENEY APNEY NAEY GHAR ME SHIFT HUEY THAY,KIRAAEY K GHAR ME TO AAEY DIN MAALIK-E-MAKAAN SE JHAGRA REHTA THA.AMMI NE ABBU SE KEH K YE 2 MANZILA GHAR BANWAYA THA.JIS K OOPRI HISSEY ME DADA JAAN OR DADI JAAN KA QAYAAM THA OR NECHEY AMMI ABBU OR ME YAANI,SAADIA MEHMOOD,KA RAAJ THA.
COLLEGE KI CHUTTIYAN KIYA HUEIN MEREY LIYE TO BORIYAT NE APNEY SAREY DARR KHOWL DIYE.MERI AKLOTI SAHELI,NAZIA,BHI APNEY GHAR WALON K SAATH SHAADI ME SHIRKAT K LIYE PISHAWAR GAI HUI THI.AROWS PAROWS K BAAREY ME AAJ TAK KHABAR HI NA LI THI.AB CHUTTIYAN HUEIN TO ME NE TANHAAI SE GHABRA K APNEY PAROWS K BAREY ME JANNEY KA FESLA KIYA.ME NE STOOL UTHAYA OR DEWAAR K SAATH RAKH KAR KHARI HO GAI OR JHANKNEY LAGI LEKIN MUJHEY FOWRAN HI UTARNA PARA KIYUN K AMMI KI AWAAZ KAHIN NAZDEEK SE HI AARAHI THI.AMMI PAROSIYON SE TAALUQAAT QAAEM KARNA BILKUL PASAND NAHI KARTI THEIN.BAS ALAG THALAG APNEY AAP ME MAGAN REHNA UN KI AADAT THI.
KHEAR ME TO TAAK ME REHNEY LAGI THI.AMMI JESEY HI DOPEHER KO SOTEIN ME DEWAAR KI TARAF DOWRTI LEKIN ABHI TAK MUJHEY AIK 8 YA 10 SALA BACHEY OR AIK MOTI SI AURAT K KOI NAZAR NAHI AAYA THA.WO MOTI SI AURAT US BACHEY KI MAA LAGTI THI.WO ZIYADA TAR TEWWRI PAR BALL DALEY BAHAR HI LETI REHTI.OR KISI,MARIUM,NAMI LARKI KO BATEIN SUNATI JAATI OR GARMI KA RONA ROTI REHTI.NA JANEY YE,MARIUM,KON THI? US KI ME ABHI TAK AIK JHALAK BHI NA DEKH SAKI THI.
AAJ ME NE HASB-E-MAMOOL DOPEHER KO AMMI K SOTEY HI DEWAAR K PAAR JHAANKA TO MUJHEY AIK DUBLI PATLI NAZUK SI LARKI SEHAN ME JHAARU DETI NAZAR AAI.SAAMNEY HI WO AURAT LETI THI OR US KO BATEIN SUNA RAHI THI LEKIN WO LARKI KHAMOSHI SE JHARU DE RAHI THI.YAQEENAN WAHI,MARIUM,THI.AMROOD KA DARAKHT MUJHEY UN KI NAZRON SE CHUPAEY RAKHTA THA WARNA TO WO MOTI AURAT MUJHEY KHA HI JAATI.
ROZANA JHAANKNEY SE MUJHEY ITNA TO MALOOM HO HI GAYA THA K WO MOTI AURAT MARIUM KI SOWTELI MAA HEY OR CHOWTA LARKA MAJID US AURAT KA SAGA BETA HE.ME MAJID KO TOFFEES WAGHERA KA LALACH DE KAR BULATI OR KUREAD KUREAD K SAWALAAT KARTI.KABHI TO WO BECHARA KHOOB BOLTA OR KABHI MAA K DAR SE SEHMI SEHMI NAZRON SE DIRF MUJHEY TAKTA REHTA.AGE TO US KI KAM THI MAGAR BATEIN WO KHASI SAMAJH DARI KI KARTA THA.
AAJ ME NE MOWQA DEKH K USEY BULAYA.THOWRI DER TO MAJID SE IDHER UDHER KI BATEIN KEIN PHIR APNEY MATLAB PE AAGAI,OR DHOOND DHOOND K SAWAAL KARNEY LAGI.AAJ MAJID BHI MOOD ME THA OR US SE KAFI MALOOMAAT HUEIN K,,GHAR KA SARA KAAM MARIUM BAJI KARTI HEIN.AMMA HAR WAQT UN KO DAANT TI HEIN OR PARSON UNHON NE MARIUM BAJI KO KHANA DER SE PAKANEY PAR BELAN KHENCH K MARA JO BAJI KI AANKH PE LAGA OR WO WAHEIN AANKH PAKAR K BETH GAEIN.SHAAM KO ABBA AATEY HEIN TO AMMA,ABBA SE MARIUM BAJI KI KHOOB SHIKAYATEIN LAGATI HEIN OR PHIR BAJI KO ABBA KI DAANT BHI KHANA PARTI HE.BAJI MUJH KO BOHAT CHAHTI HEIN.ITNEY ACHEY ACHEY KAPREY SI KAR DETI HEIN OR KHOOB KAHANIYAN BHI SUNATI HEIN.BAJI KI KOI SAHELI NAHI HE OR WO MATRIC KAR CHUKI HEIN.GHAR SE BAHAR TO BOHAT HI KAM NIKALTI HEIN AGAR JAATI BHI HEIN TO PICHLI GALI ME DR.KHALID SE AMMA KI DAWA LENEY JATI HEIN,,MAJID MEREY SAWAALON SE GHABRA GAYA THA OR IDHER UDHER DEKH RAHA THA.ME NE USEY TOFFIYAN DEIN OR BHAGA DIYA.
RAAT DER TAK ME MARIUM K BAREY ME SOCHTI RAHI OR KURHTI RAHI.KAASH ME US K KISI KAAM AA SAKTI.BECHARI BE KASI KI ZINDAGI GUZAAR GUZAAR K TANG AA GAI HOGI MAGAR KISI HAMDARD K NA HONEY KI WAJA SE KUCH KEH BHI TO NAHI SAKTI.SAARI ZINDAGI KIYA ISI GHAR ME KAAM KARTEY KARTEY GUZAAR DE GI'KIYA US KI MAA US KI SHAADI KISI ACHEY GHAR ME KAREY GI YA PHIR.....ME NA JAANEY KAB KHUABON KI WADI ME KHOW GAI......

[hayaa_n]

Re: Khail Hi Khail Mai'n( Aik Nadaan Larki Ki Kahani)

AMMI HERAAN THEIN K IS MARTABA ME CHUTTIYON ME BORIYAT KA
IZHAAR KIYUN NAHI KAR RAHI.DADI JAAN OR DADA JAAN AGAR DIN ME NEECHEY UTAR AATEY TO ME SARA DIN BECHENI ME GUZAAR DETI.BAS MUJH PAR TO AIK HI DHUN SAWAAR THI K MARIUM KI ZINDAGI ME KUCH TABDEELI LANA CHAHIYE.KOI KHUSHGAWAR TABDEELI.NITT NAAEY TAJURBAAT SE TO MUJHEY HAMESHA SE HI DILCHASPI THI.CHUNANCHA RAAT GAEY TAK SOCHTI REHTI LEKIN KOI MUNASIB KHAYAAL MEREY MIND ME NA AATA.AAJ BHI BISTER PAR LETI KOI TARKEEB SOCH RAHI THI K ACHANAK MEREY MIND ME AIK KHAYAAL AAYA LEKIN DOOSREY HI LAMHEY ME NE USEY JHITAKK DIYA.,,NAHI NAHI MUJHEY AESA NAHI KARNA CHAHIYE,LEKIN ME TO SIRF MARIUM KO KHUSH DEKHNA CHAHTI HUN,US ME JEENEY KI UMANG DEKHNA CHAHTI HUN.OOR PHIR MUTMAIN HO K ME SO GAI.
DOOSREY DIN ME NE DHARAKTEY DIL OR DABI DABI MUSKURAHAT K SAATH AIK KHAT LIKH HI DALA.
(PYARI MARIUM.
TUM HERAAN HO GI K ME KON HUN? ME NE KAI BAAR TUMHEIN DR.KHALID K CLINIC PAR DEKHA HE.TUMHARI SURAT MERI NIGAAHON ME BASS GAI HE.ME TUM SE QAREEB HUN LEKIN TUMHARI NIGAAHON SE OWJHAL,ME TUM SE PIYAR KARTA HUN.SACHA OR AMAR PIYAR,,,
TUMHARA,WAQAR)
ME NE KAI MARTABA KHAT PARHA OR PHIR HANS DI.ZINDAGI ME YE TAJURBA BHI BOHAT DILCHASP MEHSOOS HUWA.AMMI K SOTEY HI ME DABEY PAON DEWAAR KI TARAF BARHI OR JHAANKNEY LAGI.MARIUM SEHAN ME SOI HUI MAA K PAON DABA RAHI THI.ME APNEY GATE SE BAHAR AAI OOR CHUPKEY SE US K GATE SE KHAT ANDER UCHAAL DIYA.OR BHAGTI HUI WAPAS AAI OR DEWAAR SE ANDER US K GHAR
JHAANKNEY LAGI.ME DAR BHI RAHI THI K MUJHEY YE NAHI KARNA CHAHIYE THA LEKIN TAJASSUS K HATHON MAJBOOR THI.MARIUM NE KHAT KO CHOWNK K DEKHA THA,LAMHA BHAR K LIYE US KI AANKHON ME HERATT K TAASURAAT PEADA HUEY KIYUN K UN K SAREY KHAT TO GATE PE LAGEY LETTER BOX ME AATEY THAY.US NE AIK NAZAR KHARRATEY LETI SOI HUI MAA PE DAALI OR PHIR AHISTA SE UTH KAR WO LIFAFA UTHA LIYA JIS PAR MARIUM KA NAAM LIKHA HUWA THA.US NE DOBARA KHAT KO ULAT PULAT K DEKHA OR PHIR APNI MAA KO GHABRA K DEKHA.PHIR JALDI SE KHAT NIKALA OR JEASEY JEASEY USKI NAZREIN SATRON PE DOWR RAHI THEIN,WEASEY WEASEY US K CHEHREY KA RANG BHI BADAL RAHA THA.MUJHEY US K CHEHREY PE BIKHREY HERAT,KHOWF OR SHARAM K MILEY JULEY RANG BOHAT HI ACHEY LAGEY.US NE JALDI SE KHAT BAND KIYA OR ANDER BHAAG GAI.US KI MAA USI TARHA SO RAHI THI.NA JAANEY KAMREY CHOWR K YE MOTI YAHAN SEHAN ME KIYUN SOTI HEY?ME MUSKURATI HUI APNEY KAMREY ME AA GAI.
AB MOWQA MILTEY HI ME JAZBAAT SE BHAREY KHAT US KO LIKHNEY LAGI.US K CHEHREY PAR PHELNEY WALI BE SAAKHTA SHARMEELI SI MUSKURAHAT OR SURKHI MUJH KO BOHAT ACHI LAGTI.KAASH MERA KOI BHAI HOTA TO ME MARIUM KO APNI BHABHI BANA LETI.
YE SILSILA US WAQT TAK CHALTA RAHA JAB TAK K MERA RESULT OUT NAHI HO GAYA.MUJH KO BOHAT HERAT HUI K ME NE INTEHAAI SHAANDAR NUMBER SE KAAMIYAABI HASIL KI THI.JAB K MERI NAZAR ME TO PAPERS ACHEY NAHI HUEY THAY.MERI OOR GHAR WALON KI KHUSHI KA KOI THIKAANA NAHI THA.
AIK HAFTEY TAK TO MUBARAK BAAD KA SILSILA CHALTA RAHA.OR IS ARSEY ME MARIUM KA BILKUL KHAYAAL NAHI AAYA.ZARA FURSAT MILI TO MUJHEY EHSAAS HUWA OR ME DOPEHER HOTEY HI JHAANKNEY LAGI.MARIUM K HATHON ME PANI KA PIPE THA OOR WO CHIRKAAO KAR RAHI THI.US KA CHEHRA MURJHAYA HUWA THA.MUJHEY DHACHKA LAGA OR MERA ZAMEER MUJHEY MALAAMAT KARNEY LAGA K KAHIN YE KHEAL SANJEEDA SURAT NA IKHTEYAAR KAR LE?,,KHEAR MUJHEY KIYA? ME TO US KO KHUSH DEKHNA CHAHTI HUN OR JEENEY KI UMANG PEADA KARNA CHAHTI HUN,,LEKIN YE TO PEHLEY SE BHI ZIYADA MURJHAI DIKHAI DE RAHI THI.MUJHEY APNI KOTAAHI KA BHI EHSAAS HUWA K HAFTEY BHAR SE US BECHARI KI KOI KHABAR HI NAHI LI THI,ME APNEY KAMREY ME AAI OOR KHAT LIKHNA SHURU KAR DIYA.

[hayaa_n]

Re: Khail Hi Khail Mai'n( Aik Nadaan Larki Ki Kahani)

(JAAN SE AZEEZ MARIUM,ME TABIYAT KI KHARABI KI WAJAH SE TUM SE KUCH ARSA RAABTA NA KAR SAKA.PATA NAHI TUM NE MEREY KHAT KA INTEZAAR KIYA BHI THA YA NAHI? MERI KHUAHISH HE K TUM HAR DAM HANSTI MUSKURATI RAHO.YE MERI ZINDAGI KI BOHAT BARI KHUAHISH HE.UMEED HE K MERI KHUAHISH KA EHTRAAM KARO GI.
SIRF TUMHARA WAQAR)
ME NE MARIUM K SEHAN ME AATEY HI WO KHAT PHENKA OR JHANKNEY LAGI.WO BARI BETABI SE KHAT KI TARAF JHAPTI THI OR GATE SE BAHAR JHAANK RAHI THI ME AGAR DOWR K ANDER NA AA JATI TO SARA BHEAD KHUL JAATA.ME NE KHUDA KA SHUKAR ADAA KIYA OR DEWAAR SE JHANKNEY LAGI.MARIUM NE AIK NAZAR ANDER KI TARAF JHAANKA K KOI AA TO NAHI RAHA OR PHIR JALDI JALDI KHAT PARHNEY LAGI OR AAKHIR ME US NE BE IKHTEYAAR KHAT KO CHOOM LIYA OR LEHRAATI HUI ANDER BHAAG GAI.USEY KHUSH DEKH KAR MUJHEY BE INTEHA MUSARRAT HUI.
PHIR ME NE MARIUM ME NUMAYAAN TABDEELI MEHSOOS KI K WO APNI MAA KI DAANT OR ZULM.O.SITAM K BA WAJUD KHUSH REHTI THI.YANI K WO KHAT KI BATON PE AMALL KAR RAHI THI.
PHIR MERA UNIVERSITY ME ADMISION HO GAYA OR ME WAHAN MAGAN HO GAI.SUBHA KI GAI THAKI HAARI 3 YA 4 BAJEY TAK YA KABHI DOPEHER 2 BAJEY BHI AA JATI TO KHANA KHATEY HI SO JATI OR SHAAM TAK PARI SOI REHTI.SHAAM KO GHAR K LOGE JAAG RAHEY HOTEY THEY IS LIYE ME MARIUM SE BE KHABAR THI.
AIK DIN ME BE KHABAR SO RAHI THI K MARIUM K GHAR SE SHOWR.O.GHULL BULAND HUWA.JIS ME MARIUM KI CHIKHEIN NUMAYAAN THEIN BAQI SAB BHI SHOWR SE UTH GAEY THAY.ME KISI KI PARWAH KIYE BAGHER MARIUM K GHAR JHANKNEY LAGI.MARIUM SEHAN ME PARI THI OR US KI MAA USEY BURI TARHA SE MAAR RAHI THI,MARIUM BURI TARHA CHEEKH RAHI THI.MAJID AIK TARAF SEHMA HUWA KHARA THA.AMMI OR DADI KO ME NE MAAR KA BATAYA TO AMMI MARIUM KI MAA KO ROKNEY K LIYE NA CHAHTEY HUEY BHI UN K GHAR CHALI GAEIN.ME NE ISHAREY SE MAJID KO BULAYA.AMMI K JAATEY HI SHOWR RUK GAYA.MAJID MEREY PAAS AATEY HI RONEY LAGA.ME NE USEY BEHLAYA OR US SE JHAGREY KI WAJA POOCHI,MAJID NE BATAYA K BAJI KI ALMARI SE KISI WAQAR NAAM K LARKEY K KHAT NIKLEY HEIN.AMMA KEH RAHI THEIN K BAJI NE ISI WAJA SE RASHEED MAMOON SE SHAADI SE INKAAR KIYA HE.RASHEED MAMOO AMMA KA DOOR KA RISHTEY DAAR HE.ISI BAAT PE AAJ BAJI KO MAAR PARI HE OR AB SHAAM KO JAB ABBA AAEIN GE TO AMMA UN SE BHI BAJI KO MAAR PARWAEIN GI.OR ABBA KO JAB KHATON KA PATA CHALEY GA TO WO TO BAJI KO JAAN SE HI MAAR DEIN GE.ABBA KO AESI BATON SE BOHAT NAFRAT HE.BAJI AMMA KI KHUSHAMAD KAR RAHI HEIN K ABBA KO NA BATAEIN LEKIN AMMA NE SAAF KEH DIYA HE K AGAR RASHEED SE SHAADI KARO GI TAB BAKHSHUN GI WARNA TUM KO TUMHAREY ABBA SE KEH K ZINDA GARWA DUN GI.MAJID DOBARA SE RONEY LAGA THA TO ME NE USEY KHAMOSH KARWAYA OR SHARBAT PILA K RUKHSAT KAR DIYA.

[hayaa_n]

Re: Khail Hi Khail Mai'n( Aik Nadaan Larki Ki Kahani)

ITNEY ME AMMI BHI WAPAS AA GAEIN OR KANO KO HAATH LAGATI HUI BOLEIN ,,TOWBA TOWBA BARI HI BURI LARKI HE,NA KAHIN AATI HE NA HI KAHIN JAATI HE PHIR BHI NA JAANEY KIS LARKEY SE CHAKKAR CHALAYA HUWA HE OR KHAT BAAZI HO RAHI HE,,
ME APNEY AAP KO BURA BHALA KEHTI HUI APNEY KAMREY ME CHALI AAI.UFFFFFFFFF MEREY KHUDA YE KIYA HO GAYA HE.ME NE TO US KI BEHTRI K LIYE YE SAB KIYA THA.MARIUM AGAR HO SAKEY TO MUJHEY MUAAF KARDENA,,MERI HI WAJA SE BAAT KAHAN SE KAHAAN TAK POHANCH GAI THI.ME BARI DER TAK APNEY AAP KO LAANAT MALAAMAT KARTI RAHI.RAAT BHAR SO NA SAKI.SUBHA TABIYAT BOJHAL THI.IS LIYE UNIVERSITY BHI NA JAA SAKI.KAI DIN TAK YE HI SOCHTI RAHI K KIYA KARUN?KEASEY MARIUM PAR SE YE ILZAAM SAAF KARUN K USEY KISI LARKEY NE KHAT NAHI LIKHEY HEIN.KAHIN WO APNI MAA K DAR SE RASHEED SE SHAADI K LIYE HAAN NA KEH DE.ME NE RASHEED KO SIRF AIK MARTABA HI DEKHA THA OR WO SHAKAL SE HI BADMAASH LAG RAHA THA OR MARIUM US SE DARI HUI PHIR RAHI THI.
MERI TO AQAL NE SATH CHOWR DIYA THA.US WAQT KO KOSE RAHI THI JAB ME NE MARIUM KI MADAD KA BEARA UTHAYA THA? AAKHIR ME NE MARIUM KO AIK AAKHRI KHAT OR LIKHNEY KA FEASLA KIYA.ME NE KHOOB SOCH KAR QALAM UTHAYA OR LIKHNA SHURU KIYA.

[hayaa_n]

Re: Khail Hi Khail Mai'n( Aik Nadaan Larki Ki Kahani)

[hayaa_n]

Re: Khail Hi Khail Mai'n( Aik Nadaan Larki Ki Kahani)

SAARI RAAT ME NE KARBB K AALAM ME GUZAARI.SUBHA HOWTEY HOWTEY MERI AANKH LAG GAI THI K MARIUM K GHAR SE CHEEKH.O.PUKAAR KI AAWAZEIN BULAND HOWNEY LAGEIN.ME HAR BARA K UTH BEATHI OR DEWAAR SE JHAANKNEY LAGI LEKIN AAWAAZEIN GHAR K ANDER SE AA RAHI THEIN.ME AMMI K SAATH TAQREEBAN DOWRTI HUI UN K GHAR GAI TO JO KUCH ME NE DEAKHA US NE MERI ROOH TAK KO HILA DIYA.MARIUM KI MAA OR BAAP DHAAREIN MAAR MAAR K RO RAHEY THAY.MAJID GHABRA GHABRA K HAM SAB KO DEKH RAHA THA OR MARIUM APNEY BISTER PAR BE SUDH PARI HUI THI.BISTER PAR MEREY LIKHEY HUEY KHAT K PURZEY BIKHREY PAREY THAY.US K MOON SE NIKALNEY WALEY KHOON NE US K BISTER OR KAPRON KO GULL RANG BANA DIYA THA.ME TEWWRA K WAHIN GIR PARI.PHIR MUJHEY HOSH AAYA TO SAB KUCH KHATAM HO CHUKA THA.ME BEEMARI SE HI UTHI THI OR IS MARTABA BEEMARI ME SHIDDAT AA GAI ME DO DHAAI MAHEENEY GHASHI KI HAALAT ME PARI RAHI.PHIR JAB TABIYAT ZARA SANBHALI TO ME NE AMMI SE ISRAAR KAR K SAB POOCHA.AMMI NE BATAYA K WAQAR NAAMI LARKEY KA KHAT MARIUM KO DOBARA MILA THA.JIS ME NA JAANEY KIYA LIKHA THA? WO KHAT TO US NE PHAAR DIYA THA OR BAAD ME US NE APNI CHURIYAAN PEES K KHAA LI THEIN.US KI JAAN NA BACHAI JAA SAKI.IS TARHA K KAAMON KA AESA HI BURA ANJAAM HUWA KARTA HE.ALLAH SAB KO APNI AMAAN ME RAKHEY.
ME HICHKIYON SE RO RAHI THI OR AMMI MUJHEY SAMJHA RAHI THEIN K INSAAN KO ITNA KAMZOR OR HASSAAS BHI NAHI HONA CHAHIYE.UN KO KIYA KHABAR THI K ME HI MARIUM KI QATIL THI.ME MUJRIM THI,ME NE US GHAREEB K SAATH ANJAANEY ME KITNA KHATARNAAK KHEAL KHEALA THA JIS KA IKHTETAAM US KI MOWT PE HUWA THA.KHUDA GAWAAH HE K ME NE SIRF US KO HANSTEY MUSKURATEY DEKHNEY OR US KI BHALAI K LIYE YE SAB KIYA THA.
ME BHI KITNI NADAAN THI,BHALA IS TARHA BHI KABHI KISI KI BHALAAI HUI HE? ME 1 SAAL TAK BILKUL PAGALON KI TARHA HARKATEIN KARTI RAHI.UNIVERSITY JAANA TO KHATAM HI HO GAYA THA.HAR WAQT BAS YE HI BAAT MERI ZABAAB PAR REHTI THI K ,,,,,MARIUM KO ME NE MAARA HE,,,,,,,,.
AMMI OR DADI MUJH KO BARI MUSHKIL SE QAABU ME KARTI THEIN.
......RAFTA RAFTA MERI TABIYAT TO SAHI HOTI GAI LEKIN ME BILKUL HI BADAL K REH GAI THI.APNI HI NAZRON ME GIR K ZINDA THI.ZAMEER PAR ITNA BARA BOWJH LE KAR JEETI RAHI.PHIR
AMMI NE MUJHEY BOHAT SAMJHA BUJHA KAR MERI SHAADI KAR DI.OR ME ISLAM ABAD AA GAI.
AHMAD MERA HAR TARHA BOHAT KHAYAAL RAKHTEY HEIN.ME NE APNI PEHLI BETI KA NAAM MARIUM RAKHA HE JO MUJHEY JAAN SE BHI ZIYAADA AZIZ HE.
ME AAJ TAK KISI SE BHI YE KEHNEY KI HIMMAT NA KAR SAKI K MARIUM KI MOWT KIS WAJA SE HUI THI? NAADAANI K KHEAL NE KITNEY SANGEEN NATAAIJ SE RUSHANAAS KIYA THA.ZAMEER PE BOWJH LIYE ZINDA HUN OR MUJHEY YAQEEN HE K ROZ-E-MEHSHER
MERA GAREBAAN PAKAR KAR MUJH SE MARIUM APNA QUSOOR ZAROOR POOCHEY GI.....................
(it's not a real story all names & facts are imaginery,,,,,,written by,,,Haya.)

[banjar_aankhein]

Re: Khail Hi Khail Mai'n( Aik Nadaan Larki Ki Kahani)

bohattt khoob!!
kho si gayee mein parhtay parhtay....
keep sharig and keep smiling:rose

[khurram_shaikh]

Re: Khail Hi Khail Mai'n( Aik Nadaan Larki Ki Kahani)

Assalaam o alekum,


Aaaaaaah itni dardnaaq tehreer :( :( shayad mere pass koee alfaaz nahin ke main kuch keh sakun ek behtreen tehreer likhnien aur hum sabse share kernien per dili daad qabol karien khush rahien

[Yaaram]

Re: Khail Hi Khail Mai'n( Aik Nadaan Larki Ki Kahani)

haya baqi sab to theek hai lekan apa us nadaaan khel ka zikar nahi kya :)

[hayaa_n]

Re: Khail Hi Khail Mai'n( Aik Nadaan Larki Ki Kahani)

bohattt khoob!!
kho si gayee mein parhtay parhtay....
keep sharig and keep smiling:rose

Banjar _aankhain ji,,,aap k reply ki bouhat shukar guzaar hu'n.mai'n to likhtay huway ghabra sa rahi thi kay na jaanay kiya comments read karnay ko milai'n gay? bouhat shukriya himmat afzaai ka khush rahiye.:)

[hayaa_n]

Re: Khail Hi Khail Mai'n( Aik Nadaan Larki Ki Kahani)

Assalaam o alekum,


Aaaaaaah itni dardnaaq tehreer :( :( shayad mere pass koee alfaaz nahin ke main kuch keh sakun ek behtreen tehreer likhnien aur hum sabse share kernien per dili daad qabol karien khush rahien

W. salaam...khurram shaikh ji,,,aap nay hamaisha ki tarha mairi howsla afzaai ki hay jis k liye bouhat shukriya adaa karna chahti hu'n.ji haaa'n sad sa likh gaai.Insha Allah jald halki phulki si kahaani paish karun gi.khush rahiye.:)

[hayaa_n]

Re: Khail Hi Khail Mai'n( Aik Nadaan Larki Ki Kahani)

haya baqi sab to theek hai lekan apa us nadaaan khel ka zikar nahi kya :)

Yaaram ji....Saadia nay boy ban kar Marium kay saath khail hi to khaila ? aur yeh Saadia ki nadaani hi to thi? bhala is tarha bhi koi kisi ko ghamon say nijaat dila sakta hay?Saadia ki anjaanay may ki gaai nadaani kay is khail say jo woh larka ban kay khat likhti raahi Marium to jaan say gaai na?
Is mai'n paighaam yeh hi hay k is tarha ki harkatain kabhi bhi kisi ko nahi karna chahiyein chahay woh net ho ya real life.:)

[Yaaram]

Re: Khail Hi Khail Mai'n( Aik Nadaan Larki Ki Kahani)

Yaaram ji....Saadia nay boy ban kar Marium kay saath khail hi to khaila ? aur yeh Saadia ki nadaani hi to thi? bhala is tarha bhi koi kisi ko ghamon say nijaat dila sakta hay?Saadia ki anjaanay may ki gaai nadaani kay is khail say jo woh larka ban kay khat likhti raahi Marium to jaan say gaai na?
Is mai'n paighaam yeh hi hay k is tarha ki harkatain kabhi bhi kisi ko nahi karna chahiyein chahay woh net ho ya real life.:)

bari hi dard-o-karb wali stroy hay aur bohat umdagi se likha hay aapne is ko bohat khoob
Jee han jooa aapne is main message dena chaha bohat umdah hay..Shukrya :)

[hayaa_n]

Re: Khail Hi Khail Mai'n( Aik Nadaan Larki Ki Kahani)

Yaaram ji aik martaba phir shukriya adaa karna chahun gi kay itni taweel tehreer aap nay read bhi ki aur pasand bhi ki.bouhat shukriya.khush rahiye.:)

[shummu]

Re: Khail Hi Khail Mai'n( Aik Nadaan Larki Ki Kahani)

aah!!!!!!!!!!!!!!!!bahut hi dardnaak kahani likhi hai aapne hayaa......mere to raunGte khaRe ho gaye paRhte hue...i was really sad after reading it...... ek taraf aap ki comedy tehreer paRhi thi jo maze se bharpoor thi aur ek taraf ye sanjeeda tehreer..aap har qism ki tehreer likhne mein maahir hain mshaAllah... writers section mein ab tak bas maine aap hi ki tehreerein paRhin hain aur aap hi ko vote diya hai .. :) Is kahani pe bharpoor daad qubool farmaayein....aap kahani mein characters ko waqaii zinda kar deti hain aur manzar kashi bhi khoob karti hain..... u r an excellent writer I must say!!!

aap ki aur bhi tehreeron ka intizaar rahega...... zor-e-qalam aur bhi ziyaada!

Shumaila