Announcement

**Pegham** · 9 January 2018, 20:20

کچھ لوگ انتظار کی شدت سے تنگ آ کر چراغِ آرزو بجھا دیتے ہیں ۔ وہ امید سے نکل کر مایوسی میں داخل ہو جاتے ہیں ۔ وہ کسی پر بھروسہ نہیں کرتے ۔ انہیں اپنے نصیب پر بھی بھروسہ نہیں رہتا ۔ وہ گلہ کرتے ہیں ، شکایت کرتے ہیں ، مایوسیاں پھیلاتے ہیں ۔ انہیں شبِ فرقت کی تاریکی تو نظر آتی ہے ، اپنے دل کا نُور نہیں نظر آتا ۔ وہ جس خوبی کا انتظار کرتے ہیں ، اسے ناخوب کہنے لگ جاتے ہیں ۔ وہ اپنے جدا ہونے والے محبوب کو کوسنا شروع کرتے ہیں اور اس طرح اپنی شبِ انتظار کو کم نصیبی سمجھ کر بے حس اور جامد ہو جاتے ہیں ۔ ظاہر سے محروم ہو کر وہ باطن سے بھی محروم ہو جاتے ہیں اور اس طرح بربادئ دل بربادئ ہستی بن کر انہیں تباہی کی منزل تک لاتی ہے
جس شخص میں ایثار نہ ہو، اسے انتظار تباہ کر دیتا ہے ۔ جس انسان میں عفو و درگزر نہ ہو ، اسے انتظار ہلاک کر دیتا ہے ۔ اگر تمنا ہوس پرستی بن جائے ، تو انتظار عذاب ہے!

(کتاب ۔۔۔۔۔۔۔ دل دریا سمندر)
(مضمون ۔۔۔۔۔۔ انتظار)
(مصنف۔۔۔۔۔۔ حضرت واصف علی واصف رحمتہ اللہ علیہ)

**Pegham** · 21 January 2018, 19:34

”عین ممکن ھے کہ کوئی محفل میں اکیلا ھو اور عین ممکن ھے کہ کسی کی تنہائی میں رونق ہو“ یہ ضرور دیکھیں کہ آپ کے پاس خیال کی آسانی کتنی ھےاللہ تعالیٰ سے دعا مانگا کریں کہ اے میرے مالک! تو نے مجھے اچھے رزق سے نوازا ھے،
تو نے مجھے اچھی شکل دی ھے، میرے مالک! مجھ پر کرم فرما، مجھے اچھی سوچ بھی عطا فرما مجھے ایسی سوچ دے کہ میری تنہائیوں میں میلہ لگے، میری روح سجدہ کرے _____!!!

**Pegham** · 17 February 2018, 22:21

اپنے حال پر افسوس کرنا، اپنے آپ پر ترس کھانا، اپنے آپ کو لوگوں میں قابل رحم ثابت کرنا الله کی نا شکر گزاری ھے۔۔۔
الله کسی انسان پر اس کی برداشت سے زیادہ بوجھ نہیں ڈالتا۔۔۔
بیمار اور لاغر روحیں ہمیشہ گلہ کرتی ہیں اور صحت مند ارواح شکر۔۔۔
زندگی پر تنقید، خالق پر تنقید ھے اور یہ تنقید ایمان سے محروم کر دیتی ھے۔
واصف علی واصف

**Abeel** · 21 February 2018, 21:14

جن لوگوں کا مزاج نفرت ہو،
اُن کو محبوب کا راستہ نہیں ملا کرتا ۔ ۔ ۔
جس کا مزاج محبت ہے ، وہ خود ہی محبوب کو ڈھونڈ لے گا
حضرت واصف علی واصف رحمتہ اللہ علیہ

**Pegham** · 2 April 2018, 09:29

جو چیز خواہش میں ہو اور دسترس میں نہ ہو تو یا تو اپنی دسترس بڑھا لو یا پھر خواہش مختصر کر لو...
واصف علی واصف.

Announcement

Unconfigured Ad Widget

Wasif Ali Wasif Quotes - واصف علی واصف کے اقوال

Wasif Ali Wasif Quotes - واصف علی واصف کے اقوال

Comment

Comment

Comment

Comment

Comment