raaj gidh say iqtebaas

[Pegham]

اچانک ماسی الفت اور عزیز گاتن کے غائب ہونے پر اور تو کچھ نہ ہوا ، صرف چندرا گاؤں کے باہر پھیلنے والا کلر گاؤں کے اندر بڑھنے لگا ۔۔۔۔۔
ہر آندھی کے ساتھ بارش کے ساتھ ۔۔۔۔۔۔
ہر موسم میں اس کی رفتار تیز تر ہونے لگی ۔۔۔۔۔
اونچے اونچے درخت ٹنڈ منڈ ہوۓ ۔۔۔۔۔۔۔ کھیتوں میں لہلاتے سبزے کی جگہ دلدل ، شور اور نمکین پانی کے جوہڑ بننے لگے ۔۔۔۔۔ کنوئیں کھاری ہو گئے ۔۔۔۔۔ ہتھی والے نلکوں کی نالوں پر قلمی شورہ چڑھ گیا ۔۔۔۔۔ گھروں کی دیواروں سے کلر جھڑنے لگا ۔۔۔۔۔۔۔ فرش پھول گئے ، چوگاٹیں ڈھیلی ہو گئیں ، زنجیروں پر زنگ جھڑنے لگا ۔۔۔۔۔۔۔۔۔
اور آدمیوں کے چہرے پرانے سکے بن کر گھسے ہوۓ نطر آنے لگے ۔۔۔۔۔
اب رفتہ رفتہ لوگ گاؤں چھوڑ کر جانے لگے ۔۔۔۔۔ گھروں کے چولہے سرد پڑ گئے اور راستوں کی پھولی ہوئی مٹی پر جانور ، چھکڑے ، ریڑھے تانگے سامان سے لد لد کر جانے لگے ۔۔۔۔۔۔۔
اب پیلو کا بور جھڑ جاتا ، کیکر کے درختوں میں زرد پھول نہ اگتے ۔۔۔۔۔

راجہ گدھ

[Pegham]

راجہ گدھ نے نطریں جھکا کر جواب دیا ۔۔۔۔۔۔
آقا ۔۔۔۔! ہم جا رہے ہیں ، ہرے بھرے جنگلوں کو چھوڑ کر اجڑے بنجر علاقوں کی طرف ، لیکن ایک غلط فہمی میں مت رہنا ۔۔۔۔۔
دیوانگی دو طور کی ہوتی ہے ۔۔۔۔۔
ایک دیوانہ پن وہ ہوتا ہے جس کی مختلف وجوہات یہاں بیان کی گئیں ۔۔۔۔۔ جن کی وجہ سے حواس مختل ہو جاتے ہیں اور انسان کائنات کی ارزل ترین مخلوق بن جاتا ہے ۔۔۔۔۔۔
لیکن ایک دیوانگی وہ بھی ہے جو انسان کو ارفع و اعلٰی بلندیوں کی طرف کھینچتی ہے , جیسے آندھی میں تنکا اوپر اٹھتا ہے ۔۔۔۔۔ پھر وہ عام لوگوں سے کٹتا ہے ۔۔۔۔۔ دیکھنے والے اسے دیوانہ سمجھتے ہیں ، لیکن وہ اوپر اور اوپر چلتا جاتا ہے ۔۔۔۔۔
حتٰی کہ عرفان کی آخری منزلیں طے کرتا ہے ۔۔۔۔۔۔ عام لوگ اسے پاگل بھی سمجھتے ہیں ۔۔۔۔۔۔
لیکن انسان جب بھی ترقی کرتا ہے پاگل ہوتا ہے ۔۔۔۔۔

راجہ گدھ

[Pegham]

دیکھو مجھے چھ مہینے لگیں یا دو سال ۔۔۔۔۔۔ تم اس دوران صرف اپنی نوکری پر دھیان رکھنے کی کوشش کرنا ۔۔۔۔۔۔ میری واپسی کا انتطار کرنا اور اس دوران ادھر اُدھر مت جھانکنا ۔۔۔۔۔ ہر بات کو اپنی job کے ساتھ Link کرنا ۔۔۔۔۔ اگر کسی طرح یہ مشن فیل ہو جاۓ تو پھر شادی کر لینا ۔۔۔۔۔ آرام سے سوچے سمجھے بغیر ۔۔۔۔۔ لیکن شادی آخری Solution ہے ۔۔۔۔۔ کوشش یہ رکھنا کہ نوکری واحد خدا ہو ۔۔۔۔۔۔ تمہاری زندگی کا مرکز ۔۔۔۔
کبھی کبھی اس مشن کی لت پڑ جاۓ تو آدمی دور نکل جاتا ہے اور بڑا بندھا رہتا ہے ۔۔۔۔۔۔ مرکز سے باہر نہیں نکل پاتا ۔۔۔۔۔
میں نے سر اٹھا کر پروفیسر سہیل کی طرف دیکھا ۔۔۔۔۔ پہلی بار اس کی آنکھوں میں آنسو تھے اور چہرے پر مسکراہٹ نہ تھی ۔۔۔۔۔۔
مسیحا تھری پیس سوٹ پہنے ہاتھ میں سگار لیے اپنے علاج کی بے بسی کے سامنے خود کھڑا رو رہا تھا ۔۔۔۔۔

راجہ گدھ

[Pegham]

وہ دیکھیۓ ابو ۔۔۔۔ وہ دیکھیۓ ۔۔۔۔۔ آپ کو گنبد نطر نہیں آتا ۔۔۔۔۔ آنٹی اقبال نے جو ساڑھی امی کو دی تھی اس کے رنگ کا Greenish Blue ۔۔۔۔۔
ابو آپ کو نطر نہیں آتا وہ گنبد ۔۔۔۔۔۔ اس کے Dome کے نیچے چودہ طاق ایک طرف ۔۔۔۔۔۔ اور ۔۔۔۔۔ وہ دیکھیۓ ابو کبوتر اڑ رہے ہیں ۔۔۔۔۔
مدینے کی سڑکوں پر لوگ بھاگ رہے ہیں ۔۔۔۔۔ اس گنبد کی طرف ۔۔۔۔۔ روسی ۔۔۔۔۔ امریکی ۔۔۔۔۔۔ افریکی ۔۔۔۔۔ اذان ہو رہی ہے ابو ۔۔۔۔۔
آپ کو لوگ بھاگتے ہوۓ نطر نہیں آتے ؟؟؟
کیا آپ واقعی اذان کی آواز نہیں سن سکتے ۔۔۔۔۔ وہ دیکھیۓ ۔۔۔۔۔۔ چار موذن ایک وقت میں اذان دے رہے ہیں ۔۔۔۔۔ آپ نہیں سن سکتے کیا ؟؟؟
یہ بچہ کبھی مدینے شریف گیا ہے ؟؟؟ قیوم نے کہا ۔۔۔۔
آفتاب نی نفی میں سر ہلایا ۔۔۔۔۔
ہم لندن سے سیدھے یہاں آ رہے ہیں ۔۔۔۔۔
وہ دیکھیۓ ابو وہ ۔۔۔۔۔ ابو ۔۔۔۔۔ وہ دیکھیۓ کون اتر رہا ہے چاند سے ؟؟؟ افراہیم نے کہا ۔۔۔۔۔
ہم دونوں نے چاند کی طرف دیکھا ۔۔۔۔
عصر کے وقت کا پھیکا چاند آسمان پر گم سم بیٹھا تھا جیسے افراہیم نے اس کا کوئی بہت بڑا بھید فاش کر دیا ہو ۔۔۔۔۔

راجہ گدھ

[Pegham]

تم سیمی سے ملے ۔۔۔۔۔؟ نطریں جھکا کر آفتاب نے پوچھا ۔۔۔
تمہاری شادی کے روز ملا تھا ، پھر وہ پنڈی چلی گئی ۔۔۔
کیسی ہے ؟
ٹھیک ہی ہو گی ۔۔۔
میں کوشش کروں گا ۔۔۔۔
کیسی کوشش ؟ ۔۔۔۔ میں نے پوچھا ۔۔۔
کہ ۔۔۔۔۔ پاکستان کبھی نہ آوں ۔۔۔۔۔ شاید وقت ۔۔۔۔۔ فاصلے ۔۔۔۔ شاید دوری ۔۔۔۔۔ اچھا خدا حافط ۔۔۔۔

راجہ گدھ

[Pegham]

پاگل پن ہمیشہ ناآسودہ آرزوؤں سے پیدا ہوتا ہے ۔۔۔۔۔۔ اور نا آسودہ آرزوئیں ان Taboos سے جنم لیتی ہیں ، جو ہر کلچر میں موجود ہوتی ہیں ۔۔۔۔ جس کلچر میں ماموں زاد بہن سے شادی نہیں ہو سکتی وہاں ماموں زاد بہن کے عشق لاحاصل سے دیوانگی پیدا ہو سکتی ہے ۔۔۔۔ آفتاب نے کہا ۔۔۔۔

"فرائیڈ سے مستعار لینے کا شکریہ ۔۔۔۔۔۔۔۔" سیمی نے قینچی جیسی تیکھی انگریزی میں کیا ۔۔۔۔۔

"محترمہ ۔۔۔۔۔۔۔ پاگل پن کی یہ وجہ میں نے repression سے نہیں لی ۔۔۔۔
میں جس پاگل پن کا ذکر کر رہا ہوں وہ میر تقی میر کا پاگل پن ہے ۔۔۔۔۔۔ فرہاد کا پاگل پن ہے ۔۔۔۔۔۔ پروفیسر سہیل تو دیوانے پن کی ایک سائیڈ دکھا رہے تھے ۔ خودکشی اور موت ۔۔۔۔۔
میں دوسری سائیڈ پیش کر رہا ہوں جہاں پہنچ کر دیوانہ پن مقدس ہو جاتا ہے ۔ ماؤنٹ ایورسٹ فتح کر لیتا ہے ، دودھ کی نہر بہا دیتا ہے ۔۔۔۔۔۔

کسی لڑکے نے پیچھے سے نعرہ لگایا ۔۔۔۔۔۔۔۔۔ "بیٹھ جاؤ جناب فرہاد صاحب ۔۔۔۔۔"

آفتاب نے پیچھے قہر کی نطر ڈالی اور بیٹھ گیا ۔۔۔۔۔

"that's a point" پروفیسر سہیل کی آنکھیں چمکنے لگیں ۔۔۔۔

راجہ گدھ

[Pegham]

انسان کی ساری قوت اس کی جنسی طاقت میں پوشیدہ ہے، وہ جانوروں اور پرندوں کی طرح محض نسل بڑھانے کو اپنی جنس استعمال نہیں کرتا، بلکہ طاقت کے اس مشکی گھوڑے کو اپنی رانوں میں دبا کر رکھتا ہے۔ پھر یہی برق رفتار اسے دنیا اور دین کی مسافتیں طے کرنے میں مدد دیتا ہے۔
اس گھوڑے پر انسان کے زانو سختی سے کسے ہوں تو وہ عرفان تک پہنچتا ہے، ڈھیلا بیٹھا ہو تو دیوانہ وار گرتا ہے اور پاگل کہلاتا ہے ۔۔۔۔۔۔۔۔
دنیا کا عرفان ہو تو شاعری، مصوری، موسیقی، آرٹ جنم لیتا ہے، دنیا درکار نہ ہو اور قوت تیز ہو تو عرفان کی حدیں چھو لیتا ہے ۔۔۔۔۔۔ اگر یہ قوت مقبض ہو جاۓ تو خودکشی کرتا ہے ۔۔۔۔۔۔
عشق لاحاصل ہو جاۓ اور گھوڑا سوار کو گھسیٹے تو انسان پاگل ہو جاتا ہے، لوگ اسے پتھر مارتے ہیں، زنجیروں سے باندھتے ہیں ۔۔۔۔۔۔۔
دیوانگی کی اصل وجہ یہی عشق لاحاصل ہے ۔۔۔۔۔۔۔۔

راجہ گدھ