Announcement

Collapse
No announcement yet.

Unconfigured Ad Widget

Collapse

بچے

Collapse
X
 
  • Filter
  • Time
  • Show
Clear All
new posts

  • بچے

    ﺍﯾﮏ ﺩﻓﻌﮧ ﻣﯿﺮﯼ ﭼﮭﻮﭨﯽ ﺑﮭﺎﻧﺠﯽ ﮐﮩﻨﮯ
    ﻟﮕﯽ’’ﻣﺎﻣﻮﮞ۔۔۔ﻣیں ﻧﮯ ﻣﯿﮑﮉﻭﻧﻠﮉ ﺟﺎﻧﺎ ﮨﮯ۔‘‘ ﻣﯿﮟ ﻧﮯ ﺍﺱ ﮐﮯ ﺑﺎﻟﻮﮞ ﻣﯿﮟ ﮨﺎﺗﮫ ﭘﮭﯿﺮﺍ۔۔۔’’ﭨﮭﯿﮏ ﮨﮯ‘ ﻟﮯ ﺟﺎﺗﺎ ﮨﻮﮞ ﻟﯿﮑﻦ ﭘﮩﻠﮯ ﻣﯿﮑﮉﻭﻧﻠﮉ ﮐﮯ ﺳﭙﯿﻠﻨﮓ ﺑﺘﺎﺅ۔۔۔‘‘ﮐﭽﮫ ﺩﯾﺮ ﺳﻮﭺ ﮐﺮ ﺑﻮﻟﯽ’’ﺭﮨﻨﮯ ﺩﯾﮟ۔۔۔ﮐﮯ ﺍﯾﻒ ﺳﯽ ﭼﻠﺘﮯ ﮨﯿﮟ۔۔۔‘‘!!!

    ﺑﭽﮯ ﭼﻮﻧﮑﮧ ﻣﻦ ﮐﮯ ﺳﭽﮯ ﮨﻮﺗﮯ ﮨﯿﮟ ﻟﮩٰﺬﺍ ﺍﻥ ﮐﯽ ﺑﺎﺗﯿﮟ ﺍﺗﻨﯽ ﺑﮯ ﺳﺎﺧﺘﮧ ﮨﻮﺗﯽ ﮨﯿﮟ ﮐﮧ ﺳﮍﯾﻞ ﺳﮯ ﺳﮍﯾﻞ ﺍﻧﺴﺎﻥ ﺑﮭﯽ ﺩﺍﻧﺖ ﻧﮑﺎﻟﻨﮯ ﭘﺮ ﻣﺠﺒﻮﺭ ﮨﻮﺟﺎﺗﺎﮨﮯ۔ ﺑﭽﮯ ﺑﻌﺾ
    ﺍﻭﻗﺎﺕ ﺍﺗﻨﺎ ﺧﺎﻟﺺ ﺍﻭﺭ ﺑﮯ ﺳﺎﺧﺘﮧ ﺟﻤﻠﮧ ﮐﮩﺘﮯ ﮨﯿﮟ ﮐﮧ ﺷﺎﯾﺪ ﺑﮍﮮ ﺳﮯ ﺑﮍﺍ ﻣﺰﺍﺡ ﻧﮕﺎﺭ ﺑﮭﯽ ﺍﯾﺴﺎ ﺟﻤﻠﮧ ﺗﺨﻠﯿﻖ ﻧﮧ ﮐﺮ ﺳﮑﮯ۔ﺍﯾﮏ ﺩﻥ ﻣﯿﺮﺍ ﺑﮍﺍ ﺑﯿﭩﺎ ﺛﻤﺮﯾﺰ ﻟﯿﭗ ﭨﺎﭖ ﭘﮧ ﮐﻮﺋﯽ ﮔﯿﻢ ﮐﮭﯿﻞ ﺭﮨﺎ ﺗﮭﺎ ﺍﻭﺭ ﭼﮭﻮﭨﺎ ﺑﯿﭩﺎ ﻣﮩﺮﻭﺯ ﺑﺎﺭ ﺑﺎﺭ ﺍُﺳﮯ ﺗﻨﮓ ﮐﺮﻧﮯ ﮐﮯ ﻟﯿﮯ ﭼﺎﺭﺟﺮ ﮐﯽ ﭘﻦ ﻧﮑﺎﻝ ﺭﮨﺎ ﺗﮭﺎ۔ﮐﭽﮫ ﺩﯾﺮ ﺗﻮ ﺛﻤﺮﯾﺰ ﻧﮯ ﺑﺮﺩﺍﺷﺖ ﮐﯿﺎ‘ ﭘﮭﺮ ﻏﺼﮯ ﺳﮯ ﺑﻮﻻ’’ﺗﻢ ﺍُﻟﻮ ﮨﻮ۔‘‘ ﻣﯿﮟ ﭘﺎﺱ ﮨﯽ ﺑﯿﭩﮭﺎ ﺗﮭﺎ‘ ﻣﯿﮟ ﻧﮯ ﺛﻤﺮﯾﺰ ﮐﻮ ﮔﮭﻮﺭﺍ
    ’’ﺧﺒﺮﺩﺍﺭ! ﺍﮔﺮ ﺗﻢ ﻧﮯ ﺑﮭﺎﺋﯽ ﮐﻮ ﺩﻭﺑﺎﺭﮦ ﺍﯾﺴﮯ ﮐﮩﺎ۔‘‘ ﺛﻤﺮﯾﺰ ﻧﮯ ﻣﻨﮧ ﺑﻨﺎﯾﺎ ﺍﻭﺭ ﺩﻭﺑﺎﺭﮦ ﮔﯿﻢ ﮐﮭﯿﻠﻨﮯ ﻟﮕﺎ۔ ﻣﯿﮟ ﺍﺗﻨﯽ ﺩﯾﺮ ﻣﯿﮟ ﮐﺴﯽ ﮐﺎﻡ ﺳﮯ ﺑﺎﮨﺮ ﭼﻼ ﮔﯿﺎ‘ ﻭﺍﭘﺲ ﺁﯾﺎ ﺗﻮ ﭼﮭﻮﭨﺎ ﭘﮭﺮ ﺛﻤﺮﯾﺰ ﮐﻮ ﺗﻨﮓ ﮐﺮ ﺭﮨﺎ ﺗﮭﺎ‘ ﺛﻤﺮﯾﺰ ﭘﮭﺮ ﺍُﺳﮯ ﻏﺼﮯ ﺳﮯ ﺍُﻟﻮﮐﮩﻨﮯ ﻟﮕﺎ ﺗﮭﺎ ﮐﮧ ﺍﭼﺎﻧﮏ ﻣﺠﮫ ﭘﺮ ﻧﻈﺮ ﭘﮍﺗﮯ ﮨﯽ
    ﺩﺍﻧﺖ ﭘﯿﺲ ﮐﺮﺍُﺱ ﺳﮯ ﺑﻮﻻ’’ﻭﮨﯽ ﮨﻮ ﺗﻢ ۔۔۔ﻭﮨﯽ ﮨﻮ۔۔۔‘‘!!!

    ﻣﻮ ﺻﻮﻑ ﺍﯾﮏ ﺩﻓﻌﮧ ﭼﻮﺩﮦ ﺍﮔﺴﺖ ﮐﮯ ﻣﻮﻗﻊ ﭘﺮ ﺟﮭﻨﮉﺍ ﺧﺮﯾﺪﺗﮯ ﮨﻮﺋﮯ ﺩﮐﺎﻧﺪﺍﺭ ﺳﮯ ﯾﮧ ﺑﮭﯽ ﻓﺮﻣﺎ ﭼﮑﮯ ﮨﯿﮟ ﮐﮧ ’’ﺍﻧﮑﻞ ﮐﻮﺋﯽ ﭘﺮﭘﻞ ﮐﻠﺮ ﻭﺍﻻ ﺟﮭﻨﮉﺍ ﮨﮯ؟؟؟‘‘

    ﻣﺠﮭﮯ ﺍﻋﺘﺮﺍﻑ ﮨﮯ ﮐﮧ ﻣﺠﮫ ﻣﯿﮟ ﺍﮔﺮ ﺟﻤﻠﮧ ﮐﮩﻨﮯ ﮐﯽ ﮐﻮﺋﯽ ﺗﮭﻮﮌﯼ ﺑﮩﺖ ﺻﻼﺣﯿﺖ ﮨﮯ ﺗﻮ ﻭﮦ ﻣﯿﮟ ﻧﮯ ﺑﭽﻮﮞ ﺳﮯ ﺳﯿﮑﮭﯽ ﮨﮯ‘ ﺁﺝ ﺳﮯ ﺩﻭ ﺳﺎﻝ ﭘﮩﻠﮯ ﻣﯿﮟ ﺍﯾﮏ ﺭﺷﺘﮧ ﺩﺍﺭ ﮐﯽ ﺷﺎﺩﯼ ﻣﯿﮟ ﮔﯿﺎ ﮨﻮﺍ ﺗﮭﺎ‘ ﺍُﻥ ﮐﮯ ﺍﯾﮏ ﭼﮭﻮﭨﮯ ﺑﭽﮯ ﻧﮯ ﻣﺠﮫ ﺳﮯ ﭘﻮﭼﮭﺎ’’ﺍﻧﮑﻞ ﺁﭖ ﺭﺍﺋﭩﺮ ﮨﯿﮟ؟‘‘ ﻣﯿﮟ ﻧﮯ ﮐﮩﺎ ’’ﮨﺎﮞ۔۔۔‘‘ ﯾﮧ ﺳﻨﺘﮯ ﮨﯽ ﻭﮦ ﺟﮭﭧ ﺳﮯ ﺑﻮﻻ’’ﻣﯿﺮﮮ ﭘﺎﭘﺎ ﺑﮭﯽ ﺭﺍﺋﭩﺮ ﮨﯿﮟ۔‘‘ ﻣﯿﮟ ﺍﻟﺠﮭﻦ ﻣﯿﮟ ﭘﮍ ﮔﯿﺎ‘ ﮐﯿﻮﻧﮑﮧ ﻣﯿﮟ
    ﺍُﺱ ﮐﮯ ﭘﺎﭘﺎ ﮐﻮ ﺑﭽﭙﻦ ﺳﮯ ﺟﺎﻧﺘﺎ ﺗﮭﺎ‘ ﻭﮦ ﺗﻮ ﺟﻨﻢ ﺟﻨﻢ ﮐﮯ ﺁﮌﮬﺘﯽ ﺗﮭﮯ‘ ﺗﺎﮨﻢ ﺍﭘﻨﮯ ﺍﻃﻤﯿﻨﺎﻥ ﮐﮯ ﻟﯿﮯ ﭘﻮﭼﮫ ﮨﯽ ﻟﯿﺎ ﮐﮧ’’ﺑﯿﭩﺎ ﺁﭖ ﮐﻮ ﮐﯿﺴﮯ ﭘﺘﺎ ﭼﻼ؟۔۔۔ ‘‘ﺑﭽﮧ ﺍﻧﺘﮩﺎﺋﯽ ﻣﻌﺼﻮﻣﯿﺖ ﺳﮯ ﺑﻮﻻ’’ﻭﮦ ﺭﻭﺯ ﻣﺎﻣﺎ ﮐﻮ ﮐﮩﺘﮯ ﮨﯿﮟ ﮐﮧ ﻣﯿﮟ ﺗﻤﮩﺎﺭﮮ ﺧﺎﻧﺪﺍﻥ ﮐﻮ ﺟﻮﺗﯽ ﭘﺮ ﻟﮑﮭﺘﺎﮨﻮﮞ۔‘‘ﻣﯿﮟ ﻧﮯ ﺍﯾﮏ ﭨﮭﻨﮉﯼ ﺁﮦ ﺑﮭﺮﯼ‘ ﮐﺎﺵ ﻣﯿﮟ ﺑﭽﮯ ﮐﻮ ﺑﺘﺎ ﺳﮑﺘﺎ ﮐﮧ ﺟﻮﺗﯽ ﭘﺮ ﻟﮑﮭﻨﮯ ﻭﺍﻻ ﻋﻤﻮﻣﺎًﺭﺍﺋﭩﺮ ﻧﮩﯿﮟ ﺍﯾﻨﮑﺮ ﭘﺮﺳﻦ ﮨﻮﺗﺎ ﮨﮯ۔

    ﻣﯿﺮﯼ ﺍﯾﮏ ﮐﻮﻟﯿﮓ ﮐﺎ ﻭﺍﻗﻌﮧ ﺑﮭﯽ ﺑﮍﺍ ﺩﻟﭽﺴﭗ ﮨﮯ‘ ﺍﻥ ﮐﮯ ﭼﮭﻮﭨﮯ ﺑﯿﭩﮯ ﻧﮯ ﺳﮑﻮﻝ ﻣﯿﮟ ﭘﮩﻠﯽ ﺑﺎﺭ ﻟﻔﻆ’’ﭘﯿﺸﮧ‘‘ ﺳﻨﺎ ﺗﻮﻣﺎﮞ ﺳﮯ ﭘﻮﭼﮭﻨﮯ ﻟﮕﺎ ﮐﮧ ﺍﻣﯽ ﭘﯿﺸﮧ ﮐﺴﮯ ﮐﮩﺘﮯ ﮨﯿﮟ؟ ﻣﺎﮞ ﻧﮯ ﺑﺘﺎﯾﺎ ﮐﮧ ﺑﯿﭩﺎ ﭘﯿﺸﮯ ﮐﺎ ﻣﻄﻠﺐ ﮨﮯ ﮐﺎﻡ ﮐﺎﺝ۔ ﺑﭽﮯ ﻧﮯ ﺑﺎﺕ ﺫﮨﻦ ﻧﺸﯿﻦ ﮐﺮﻟﯽ۔ﮐﭽﮫ ﺩﻧﻮﮞ ﺑﻌﺪ ﺳﮑﻮﻝ ﻣﯿﮟ ﺍﺱ ﮐﯽ ﭨﯿﭽﺮ ﻧﮯ ﭘﻮﭼﮭﺎ ﮐﮧ ﺑﯿﭩﺎ ﺁﭖ ﮐﯽ ﻣﺎﻣﺎ ﮔﮭﺮ ﻣﯿﮟ ﮐﯿﺎ ﮐﺮﺗﯽ ﮨﯿﮟ؟ ﺍﻃﻤﯿﻨﺎﻥ ﺳﮯ ﺑﻮﻻ۔۔۔’’ﺳﺎﺭﺍ ﺩﻥ ﭘﯿﺸﮧ ﮐﺮﺗﯽ ﮨﯿﮟ۔‘‘ ﻣﯿﺮﮮ ﺑﮭﺘﯿﺠﮯ ﻧﮯ ﺍﯾﮏ ﺩﻓﻌﮧ ﻣﺠﮫ ﺳﮯ ﭘﻮﭼﮭﺎ ﮐﮧ ﭼﺎﭼﻮ’’ﺣﻀﺮﺕ‘‘ ﮐﺎ ﮐﯿﺎ ﻣﻄﻠﺐ ﮨﻮﺗﺎ ﮨﮯ؟
    ﻣﯿﮟ ﻧﮯ ﮐﮩﺎ ’’ﺣﻀﺮﺕ ﮐﺎ ﻟﻔﻆ ﮐﺴﯽ ﮐﻮ ﺍﺣﺘﺮﺍﻡ ﺳﮯ ﺑﻼﻧﮯ ﮐﮯ ﻟﯿﮯ ﺍﺳﺘﻌﻤﺎﻝ ﮨﻮﺗﺎﮨﮯ‘ ﯾﻮﮞ ﺳﻤﺠﮫ ﻟﻮ ﮐﮧ ﺍﺱ ﮐﺎ ﻣﻄﻠﺐ ﮨﮯ ﺟﻨﺎﺏ‘ ﻣﺤﺘﺮﻡ ﻭﻏﯿﺮﮦ۔‘‘ﺍﺱ ﻧﮯ ﺳﺮﮨﻼﯾﺎ ﺍﻭﺭ ﭼﻼ ﮔﯿﺎ۔ﺗﮭﻮﮌﯼ ﺩﯾﺮ ﺑﻌﺪ ﺩﺭﻭﺍﺯﮮ ﭘﺮ ﺑﯿﻞ ﮨﻮﺋﯽ ‘ ﺑﮭﺘﯿﺠﺎ ﺩﻭﮌﺗﺎ ﮨﻮﺍ ﻣﯿﺮﮮ ﮐﻤﺮﮮ ﻣﯿﮟ ﺩﺍﺧﻞ ﮨﻮﺍ ﺍﻭﺭ ﺟﻠﺪﯼ ﺳﮯ ﺑﻮﻻ’’ﭼﺎﭼﻮ۔۔۔حضرت ﺩﺍﺩﺍ ﺍﺑﻮ ﺁﺋﮯ ﮨﯿﮟ۔۔۔‘‘

    ﮔﻮﺩ ﻣﯿﮟ ﺍﭨﮭﺎﻧﮯ ﻭﺍﻟﮯ ﺑﭽﮯ ﺑﮭﯽ ﺍﭘﻨﮯ ﭘﯿﺎﺭ ﮐﺎ ﺍﻇﮩﺎﺭ ﻣﺨﺘﻠﻒ ﻃﺮﯾﻘﻮﮞ ﺳﮯ ﮐﺮﺗﮯ ﮨﯿﮟ‘ ﺍِﻧﮩﯿﮟ ﺟﺲ ﺳﮯ ﺯﯾﺎﺩﮦ ﭘﯿﺎﺭ ﮨﻮﺗﺎ ﮨﮯ ﺍُﺳﯽ ﮐﻮ ﺍﭘﻨﯽ ﻣﺤﺒﺖ ﻣﯿﮟ ’’ﺷﺮﺍﺑﻮﺭ‘‘ ﮐﺮﺗﮯ ﺭﮨﺘﮯ ﮨﯿﮟ۔ ﻋﻘﻞ ﻭ ﺩﺍﻧﺶ ﮐﯽ ﺑﺎﺗﯿﮟ ﺳﯿﮑﮭﻨﯽ ﮨﻮﮞ ﺗﻮ ﺑﭽﻮﮞ ﺳﮯ ﺑﮩﺘﺮ ﮐﻮﺋﯽ ﺍُﺳﺘﺎﺩ ﻧﮩﯿﮟ‘ ﯾﮧ ﺑﮭﻮﻝ ﮐﺮ ﺑﺎﺕ ﮐﻮ ﺍﻟﭧ ﺑﮭﯽ ﮐﺮ ﺩﯾﮟ ﺗﻮ ﺑﻌﺾ ﺍﻭﻗﺎﺕ ﻭﮨﯽ ﺑﮩﺘﺮﯾﻦ ﺟﻤﻠﮧ
    ﺑﻦ ﺟﺎﺗﺎﮨﮯ۔ ﻗﺎﺳﻤﯽ ﺻﺎﺣﺐ ﻧﮯ ﺍﯾﮏ ﺩﻓﻌﮧ ﺍﯾﮏ ﺑﭽﮯ ﺳﮯ ﭘﻮﭼﮭﺎ ﮐﮧ ﺑﮍﮮ ﮨﻮ ﮐﺮ ﮐﯿﺎ ﺑﻨﻮ ﮔﮯ؟ ﻣﺰﮮ ﺳﮯ ﺑﻮﻻ’’ﻣﺮﯾﺾ ﺑﻦ ﮐﺮ ﮈﺍﮐﭩﺮﻭﮞ ﮐﯽ ﺧﺪﻣﺖ ﮐﺮﻭﮞ ﮔﺎ۔‘‘

    ﯾﮧ ﺳﭻ ﮨﮯ ﮐﮧ ﺁﺝ ﮐﯽ ﺟﺪﯾﺪ ﺩﻧﯿﺎ ﮐﺎ ﺑﭽﮧ ﺑﮩﺖ ﺗﯿﺰ ﮨﻮﭼﮑﺎ ﮨﮯ‘ ﺍﺏ ﺩﺱ ﺳﺎﻝ ﮐﺎ ﺑﭽﮧ ‘ ﺑﭽﮧ ﻧﮩﯿﮟ ﺭﮨﺘﺎ‘ ﮐﯿﺒﻞ ﺍﻭﺭ ﺍﻧﭩﺮﻧﯿﭧ ﮐﯽ ﺑﺪﻭﻟﺖ ﺍﺳﮯ ’’ﺑﻼﺗﮑﺎﺭ‘ ﮔﻮﺩ ﺑﮭﺮﺍﺋﯽ‘ ﺁﺗﻤﺎ
    ﮨﺘﮭﯿﺎ‘ ﺩﻭﺳﺮﯼ ﺷﺎﺩﯼ ﺍﻭﺭ ﻧﺎﺟﺎﺋﺰ ﺗﻌﻠﻘﺎﺕ ‘‘ﺟﯿﺴﮯ ﺍﻟﻔﺎﻅ ﺳﮯ ﻭﺍﻗﻔﯿﺖ ﮨﻮﭼﮑﯽ ﮨﮯ ﻟﯿﮑﻦ ﻭﮦ ﺍﻥ ﮐﮯ ﻣﻔﮩﻮﻡ ﺍﻭﺭ ﭘﯿﭽﯿﺪﮔﯿﻮﮞ ﺳﮯ ﺁﺝ ﺑﮭﯽ ﻧﺎﻭﺍﻗﻒ ﮨﮯ۔ ﺍﯾﺴﮯ ﺑﭽﻮﮞ ﮐﮯ
    ﺳﻮﺍﻻﺕ ﮐﭽﮫ ﮐﭽﮫ ﺑﮍﻭﮞ ﻭﺍﻟﮯ ﮨﻮﺗﮯ ﮨﯿﮟ ﻟﯿﮑﻦ ﻭﮦ ﺑﭽﮯ ﺟﻮ ﺍﺑﮭﯽ ’’ﻧﻨﮭﮯ‘‘ ﮨﯿﮟ ﺍﻥ ﮐﯽ ﺣﯿﺮﺕ ﺍﻧﮕﯿﺰ ﺍﻭﺭ ﻗﮩﻘﮩﮧ ﺑﺎﺭ ﺑﺎﺗﯿﮟ ﺁﺝ ﺑﮭﯽ ﺩﻝ ﻭ ﺩﻣﺎﻍ ﻣﻌﻄﺮ ﮐﺮ ﺩﯾﺘﯽ ﮨﯿﮟ۔ﺑﮍﻭﮞ
    ﮐﮯ ﺍﻧﺪﺭ ﮐﺎ ﮐﺎﺭﭨﻮﻥ ﺳﺐ ﺳﮯ ﭘﮩﻠﮯ ﺑﭽﮯ ﮨﯽ ﺩﺭﯾﺎﻓﺖ ﮐﺮﺗﮯ ﮨﯿﮟ‘ ﺳﻨﺠﯿﺪﮦ ﺳﮯ ﺳﻨﺠﯿﺪﮦ ﺍﻧﺴﺎﻥ ﺑﮭﯽ ﮐﺴﯽ ﺑﭽﮯ ﮐﻮ ﺍﭘﻨﯽ ﮈﯾﺴﻨﭧ ﭘﺮﺳﻨﯿﻠﭩﯽ ﺳﮯ ﻣﺘﺎﺛﺮ ﻧﮩﯿﮟ ﮐﺮ
    ﺳﮑﺘﺎ‘ ﺑﭽﮯ ﮐﺎ ﺩﻝ ﺟﯿﺘﻨﮯ ﮐﮯ ﻟﯿﮯ ﺍﻭﭦ ﭘﭩﺎﻧﮓ ﻣﻨﮧ ﺑﻨﺎﻧﺎ ﺿﺮﻭﺭﯼ ﮨﮯ‘ ﺁﭖ ﻧﮯ ﮐﺌﯽ ﺍﯾﺴﮯ ﺑﺎﭖ ﺩﯾﮑﮭﮯ ﮨﻮﮞ ﮔﮯ ﺟﻮ ﺍﭘﻨﯽ ﺟﻮﺍﻥ ﺍﻭﻻﺩﻭﮞ ﮐﮯ ﺳﺎﻣﻨﮯ ﻣﺴﮑﺮﺍﻧﮯ ﺳﮯ ﺑﮭﯽ ﮔﺮﯾﺰ ﮐﺮﺗﮯ ﮨﯿﮟ‘ ﺍِﻥ ﮐﮯ ﭼﮩﺮﻭﮞ ﭘﺮ ﮨﺮ ﻭﻗﺖ ﺍﯾﮏ ﮐﺮﺧﺘﮕﯽ ﭼﮭﺎﺋﯽ ﺭﮨﺘﯽ ﮨﮯ ‘ ﺍِﻥ ﮐﯽ ﺍﻭﻻﺩﯾﮟ ﺑﮭﯽ ﺑﺎﭖ ﮐﮯ ﺳﺎﻣﻨﮯ ﺳﮩﻤﯽ ﺳﮩﻤﯽ ﺭﮨﺘﯽ ﮨﯿﮟ‘ ﮐﻮﺋﯽ ﺗﺼﻮﺭ
    ﺑﮭﯽ ﻧﮩﯿﮟ ﮐﺮ ﺳﮑﺘﺎ ﮐﮧ ﺍﺗﻨﯽ ﺳﺨﺖ ﮔﯿﺮ ﺷﺨﺼﯿﺖ ﮐﮯ ﻣﺎﻟﮏ ﻧﮯ ﮐﺒﮭﯽ ﺍﻭﭦ ﭘﭩﺎﻧﮓ ﻣﻨﮧ ﺑﮭﯽ ﺑﻨﺎﯾﺎ ﮨﻮﮔﺎ۔ ﻟﯿﮑﻦ ﺍﯾﺴﺎ ﮨﻮﺗﺎ ﻧﮩﯿﮟ۔۔۔ﯾﮧ ﺑﮭﯽ ﺍﭘﻨﯽ ﺍﻭﻻﺩ ﮐﮯ ﺑﭽﭙﻦ ﻣﯿﮟ ﺍُﻥ ﮐﮯ ﺳﺎﺗﮫ ﮐﺎﺭﭨﻮﻥ ﺑﻦ ﮐﺮﮐﮭﯿﻠﺘﮯ ﮨﯿﮟ ﺗﺎﮨﻢ ﺍﻭﻻﺩ ﺟﻮﺍﻥ ﮨﻮﻧﺎ ﺷﺮﻭﻉ ﮨﻮﺗﯽ ﮨﮯ ﺗﻮ ﯾﮧ ﻓﻮﺭﺍً ﺧﻮﺩ ﭘﺮ ﺑﺮﺩﺑﺎﺭﯼ ﮐﺎ ﻧﻘﺎﺏ ﭼﮍﮬﺎ ﻟﯿﺘﮯ ﮨﯿﮟ ﺍﻭﺭ ﺍﻭﻻﺩ ﮐﻮ ﯾﺎﺩ ﮨﯽ ﻧﮩﯿﮟ ﺭﮨﺘﺎ ﮐﮧ ﺍﻥ ﮐﺎ ﺑﺎﭖ ﺑﮭﯽ ﮐﺒﮭﯽ ﻣﺴﮑﺮﺍﯾﺎ ﺗﮭﺎ۔۔۔

    ﯾﮧ ﻟﻮﮒ ﺍﭘﻨﯽ ﺍﺱ ﮐﯿﻔﯿﺖ ﮐﻮ ﺗﺎﻋﻤﺮ ﺑﺮﻗﺮﺍﺭ ﺭﮐﮭﻨﺎ ﭼﺎﮨﺘﮯ ﮨﯿﮟ ﻟﯿﮑﻦ ﺟﻮﻧﮩﯽ ﺍِﻥ ﮐﺎ ﮐﻮﺋﯽ ﭘﻮﺗﺎ‘ ﭘﻮﺗﯽ ﭘﯿﺪﺍ ﮨﻮﺗﺎﮨﮯ ‘ ﺍِﻥ ﮐﻮ ﺷﮑﺴﺖ ﻓﺎﺵ ﮨﻮﺟﺎﺗﯽ ﮨﮯ۔۔۔ﯾﮧ ﺍﭘﻨﮯ ﺍﻧﺪﺭ ﮐﺎ ﮐﺎﺭﭨﻮﻥ ﺩﺑﺎﻧﮯ ﮐﯽ ﺑﮍﯼ ﮐﻮﺷﺶ ﮐﺮﺗﮯ ﮨﯿﮟ ﻟﯿﮑﻦ ﺍﻭﻻﺩ ﮐﯽ ﺍﻭﻻﺩ ﺍﯾﮏ ﮨﯽ ﺩﻥ ﻣﯿﮟ ﺍِﻥ ﮐﮯ ﺍﻧﺪﺭ ﺧﻮﺩﮐﺶ ﺣﻤﻠﮧ ﮐﺮﮐﮯ ﺳﺎﺭﯼ ﻣﺼﻨﻮﻋﯽ ﺩﯾﻮﺍﺭﯾﮟ ﭘﺎﺵ ﭘﺎﺵ ﮐﺮ ﺩﯾﺘﯽ ﮨﮯ۔

    گل نوخیز اختر
    Last edited by pErIsH_BoY; 19 February 2014, 14:37.



  • #2
    Re: بچے

    bachon ke baary main bahut achi tehreer.....bachy waqyi man ke sachy hoty hain..
    :rosekhushboo:rose

    Comment


    • #3
      Re: بچے

      Comment


      • #4
        Re: بچے

        bachhay :lol:
        اللھم صلی علٰی محمد وعلٰی آل محمد کما صلیت علٰی ابراھیم وعلٰی آل ابراھیم انک حمید مجید۔
        اللھم بارک علٰی محمد وعلٰی آل محمد کما بارکت علٰی ابراھیم وعلٰی آل ابراھیم انک حمید مجید۔

        Comment


        • #5
          Re: بچے

          Nice post

          Comment

          Working...
          X